Jy blaai in die argief vir 2011 Maart.

Profile photo of ou-top

by ou-top

Ek vrek maar ek bliksem.

Maart 17, 2011 in Sonder kategorie

In dieselfde  koerant lees ek vanoggend van skermunkle dokters en hul pasient. Die een dokter is aaangekla

dat hy valslik vir n man n sertifikaat  verskaf het dat hy kanker het en so het die pasient ewe fluks n polis van

R 5 miljoen vir ongeskiktheid laat uitbetaal. Die dokter en  sal seker van die rol geskrap word en hy  en sy pasient sal

seker ook vir jare tronk toe gaan vir bedrog.

Op die volgende bladsy is Schabir Schaik, n dokter het ook destyds vir hom n sertifikaat gegee dat hy terminaal siek is

en die tronk gelaat moet word om in vrede binne die volgende paar maande by sy huis te sterf. Dis al n paar jaar gelede

en wat doen Schabir? Nee, hy ontaard in n vurige gholfspeler en hy raak so sterk van al die oefening  dat hy sommer

n ander ou op die stoepe van die kerk laaitsout  bliksem.

Nee, ons beleef interessante tye hier.

Profile photo of ou-top

by ou-top

Vergewe die kinders wat hulle weet nie wat hulle doen nie.

Maart 13, 2011 in Sonder kategorie

As jy oorsee bly en n Ma en Pa in Suid Afrika het moet jy versigtig en oplettend te werk gaan met jou kommunikasie

middels. n Ou vriend kom kyk gister krieket saam met my, hy is nie sy gewone self nie, is gewoonlik opgewek, ingelig en

vol kwinkslae, n plesier om saam mee te kuier. Na die wedstryd klink ons n glasie op die Proteas se oorwinning. Toe kom die

die ding uit.

Hy en sy vrou het op Skype met die kind en kleinkinders gepraat. Toe groet hulle na n halfuur se praat, maar op een of ander manier het hulle daar oorsee nie afgeskakel nie. My ou vriend vertel bedroef.

Vriend:  Ek hoor iemand beveel: Now take of those stupid portraits from the wall, our friends are arriving now. Toe haal  my

seun die ou portette af, dis van ons en die plaas waar hy grootgeword het. Dit was so vinnig, ek wou keer, maar

my vrou het dit ook gesien en gehoor. Ek sou haar so graag dit wou spaar, man.

Ek sit daar en dink. Ek vertel hom wat eenkeer met my gebeur het met die selfoon. Ook gegroet en hulle het nie afgeskakel.

Maar ek was gelukkig, my vrou was nie by, en dit was nie so erg nie. Maar dit het my laat besef dat ek lastig kan raak.

Dat ek myself meer op die agtergrond moet skuif, dat die kinders hulle eie lewe nou het en moet aangaan.

Ek: Maar Piet, onthou jy nie toe ons jonk en vol dinge was nie. Onthou jy nog hoe ons gese het, ag nee donder tog, hierdie naweek hou ons paartie en nou wil Pa en Ma kom kuier. Onthou jy nog toe jy die oggend vir My Pa gese het

ek  is al weg klas toe, toe le ek met babelaas in die bed . Hy het gebel net voor hulle hom hospitaal toe geneem het.

Ons skink nog n glasie Drosdy low alcohol, twee glase  is ons limit, dan word ons vaak. Ons is oud, afgeleef, eenkant en vergete, ons pla mense al.

Toe drink ons ewe hardegat nog n glasie wyn en ons maak ons harte oop vir mekaar. Teen die tyd wat die vrouens

terugkom van waar hulle was, toe is ons alweer sterk en onafhanklik, het al klaar ons jagtrip vir die winter beplan en

ons gaan die vrouens vanaand bederf met n snoekbraai op my gasbraaier in die garage, want dit reen buite en die wereld is mooi, kyk hoe bars die granate oop van die reen, ons moet vir die vrouens gaan pluk en skoonmaak.

Ja, platgeslaan en opgestaan, ons het nog baie om voor dankbaar te wees, soos mooi en gesonde kinders en kleinkinders.

As hulle net n bietjie meer bedagsaam kan wees.

Profile photo of ou-top

by ou-top

Renostersindroom..

Maart 8, 2011 in Sonder kategorie

Daar is van nuwejaar tot vandag 56 renosters vermoor  en vermoorde boere het verlede week op 68 gestaan.

Ons loop dus nog los voor. Ons koerant, die Volksblad het op die voorblad vanoggend aangekondig van die renosters

en hoeveel organisasies en regerings departemente veg teen die renosterrowers. Die enigste organisasie wat

doeltreffend teen plaasmoorde kon optree is deur die regering tot niet gemaak, die ou Kommandostelsel.

Hoekom word renosters uitgeroei? Vele navorsing deur slim mense het bewys dis vir Oosterse mense met papwiele

n kitsoplossing, ook maak die drink van die gemaalde renosterhoring jou skatryk en gesond, jy beleef ongekende geluk. Dis in die mense se brein

gehamer. Die horings is duur, verskriklik duur en dus is dit n uitstekende  sakegeleentheid vir skermunkels.

Hoekom word boere vermoor? Die slimmes se dis maar gewone misdaad, maklike teikens. Ander se die vooraf benadeeldes

wil ons van die plase verdryf om grond soos in Zimbabwe ,verniet te bekom.

Die redes raak al minder van belang, die gevolge is wat tel.  Renosters word minder en wildboere wil nie meer daarmee

boer nie. Families van boere wat vermoor is, wil ook nie meer boer nie, hulle gee pad.

Dis waarom n ou boer van 68 jaar oud, volgens Flenters, koers kry na n land soos Georgie, daar is geen renosters nie

en daar is nog nie n boer op sy plaas vermoor nie. n Ou kan skoon begin en dalk in vrede en rus eindig daar tussen jou sonneblomme en jou beeste.

Profile photo of ou-top

by ou-top

Om jou kleinkind op te pas is het soms sy plesiere.

Maart 1, 2011 in Sonder kategorie

Die twee snare is vyf en agt jaar oud. Ek moet hulle vir drie ure besig hou by my huis. Hulle is woeilig en lewendig ,jong. Eers n bietjie teiken skiet met my stokou windbuks, onwettig natuurlik hier in die stad, maar darem teen n konkreet muur. Toe n DVD wat ek self uitgesoek het, ” Lake Placed” oor n wreedaardige krokodil so groot soos n bus.

Ons kou gemmerkoekies en drink Oros. Die fliek is kwaai, veral die kleitjie se oë is so groot soos pierings. Iewers in die fliek het iemand na die krokodil verwys as n ” ancient creature”.  Na die fliek wil die kleintjie by my weet.

 Kleintjie: Oupa, wat is n ancient creature?.

Oupa: My kind dis iets wat verskriklik oud is, hy het baie dinge oorleef en is stokoud.

Kleintjie sit n oomblik skeefkoppie en dink .

Kleintjie: Oupa, is Oupa n ancient creature?

Ek kan nie dadelik antwoord nie, want ek verstik half aan my gemmerkoekie.

Oupa, nadat hy klaar verstik en gelag het: Jy kan maar so sê my kind, Oupa is seker al n  ancient creature, ja.

Oudste kleinkind: Oupa wat is geloof, Oupa, hulle praat by die skool en in Sondagskool van geloof.

Ek haal die ou kinderbybel van die rak en wys hom waar die tienderjarige David soos n dwergie voor Goliath die Egiptenaar staan.

Oupa: Sien jy die knapie, hy het net n slingervel gehad, kyk hoe groot is Goliath en sy wapens. Hy het Goliath met een hou met sy slingervel, dis amper n ding soos n kettie, morsdood gegooi, Net met een klein ronde rivierklippie. En weet jy wat het hy die aand daarna om die kampvuur vir sy tjommies vertel.

Altwee in n koor:  Wat?

Oupa: Hy het vir hulle gesê hy was eers verskrilik bang, maar toe sit hy sy beste klippie in die slingervel terwyl hy hoor hoe lag ou Goliath vir hom, het vir hom soos  donderweer geklink.

In n koor terwyl hulle oë vasgenael is op die pragtige tekenprent:  Jis, Oupa, ek sou weg gehol het.

Oupa: Ja, David sê vir hulle  toe hy sien hoe groot en sterk ou Goliath is, toe skreeu hy sommer kliphard, ” Dankie Liewe Vader, dankie dat hy so groot is. Nou kan ek hom glad nie mis nie.  

Dis geloof my kind.