by

Ek skud blad met n ou Rusiese Tsaar.

Oktober 21, 2008 in Sonder kategorie

Matriekafskeid is verby en toe kom meriete aand. Laatlam kry bo verwagting onderskeiding in kuns, kompertegnologie en engels. As daar een vir Mixt was het sy hom ook loshande gekry. Sy lyk so klein en alleen daar op die verhoog, maar ons is trots op haar. Ons kyk eintlik rond om te sien of die mense darem weet dis ons kind daai, maar almal klap hande, niemand is gepla oor ons nie.

Voor my sit n baie ou oom wat skuifellend en baie stadig aan die arm van n vrou daar ingekom het.  Hy lyk kwaai en streng, n forse ou man. Ek ken die vrou, haar dogter is al van sub A saam met ons kind. Kry haar deur die jare so by die balletklasse, konsert oefeninge en so aan. Weet sy is n hooggeleerde geleerde dokter by n hospitaal. Sy is Russies van afkoms, praat Engels met n swaar aksent. Die ou oom is haar Pa, hy woon ook al jare in Suid Afrika. Hy praat net Russies. Die Oupa se kleindogter kom aan die beurt, dis n ellelange lys van toekennings, alles in wiskunde, sommige toekennings is van oorsee. Jy kan sien die skoolhoof is uitermatig trots op hierdie leerling van sy skool. Die mense klap ekstra hard, sommige staan op asof in saluut.

Die Oupa probeer ook opstaan, hy sukkel egter en gaan sit dan liewer, berustend. Ek kan sien sy groot ou benerige kop bewe effens. Hy klap stadig hande terwyl hy na sy kleinkind staar. Op die ingewing van die oomblik tik ek hom van agter op die skouer, hy draai swaar om na my, fronsend. Ek steek my hand uit en sê baie geluk met sy kind se prestasies. Hy verstaan nie n woord nie, maar hy druk my hand stewig vas, hy praat in Russies, beduie met sy ander hand na sy mond, dat hy nie my taal kan praat nie. Dis nie nodig nie man, wou ek vir hom sê. Almal gaan sit nou weer en sy dogter is af van die verhoog, haar hande vol bekers en geskrifte.

Dan sien ek die ou man haal n sakdoek uit, hy sit en huil hier voor my. Sy dogter het haar hand om sy skouer en praat in Russies saggies met hom. Dan draai sy om na ons.

” Thank for for shaking his hand, he says that I must tell you, recognition is a sweet creation of God. For him and for his grandchild.”

Sy huiwer n oomblik en sê dan, ” In Russia, my father was for many years, a professor in Mathematics.”

6 antwoorde op Ek skud blad met n ou Rusiese Tsaar.

  1. Pik ek nou sowaar ‘n traan

  2. Ek gaan nou nie sê ek het gehuil nie maar my oge was bietjie vogtig. Baie mooi geskryf soos net jy dit kan doen.

    Ek is bly jy het sy hand geskud en sy lewe vir daardie oomblik sin gegee…

    Geluk ook aan jou dogter se prestasies…

    Ook aan jou en jou vrou want sonder julle sou dit nie moontlik gewees het nie …

  3. zephur het gesê op Oktober 21, 2008

    Herkenning vir iets besonders…

    Soos wat ek sou wou doen as ek vir Hansie Cronje kon ontmoet het, sou vir hom ook ‘n stewige handdruk wou gee, en sê ons vergewe jou ou maat.

    Respek in die hoogste orde.

  4. suletteb het gesê op Oktober 21, 2008

    Vat so Ou Top! Hoe kry jy dit tog reg om jou lesers keer na keer hoendervleis te besorg? “Petje af”, zoals hulle in Nederlands sê om baie erkenning aan iemand te gee.

  5. antsussa het gesê op Oktober 21, 2008

    Ouman, Ouman. Wat ‘n mooie gebaar.

  6. Ceara het gesê op Oktober 21, 2008

    dis pragtig geskryf Ou Top… baie geluk met jou dogter se prestasie.

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.