You are browsing the archive for 2020 July 08.

by Meermin

Hier is ek weer!

July 8, 2020 in Uncategorized

So met die Covid-19 het ek besluit ek het nou weer tyd op hande, hoekom nie weer met woorde speel, en weer begin blog nie.

Het ons nie maar almal met hierdie Covid-19 wat die jaar 2020 vir ons almal tot stilstand geruk het nie, besef hoe kort die lewe regtig is? Hoe belangrik familie, vriende vir mens is?

Die wat my ken, weet my vriendekring is baie klein, maar elkeen het ‘n baie spesiale plekkie in my hart.

Nie een van ons, het ‘n jaar terug gedink ons gaan in ons eie huise vasgekeer sit nie, dat daar ‘n virus gaan wees, wat ons almal dwing om weer ‘n slag stil te staan, en te besef, GOD is in beheer, nie ons as mens nie.

Baie dae wens ek, ek kon die tyd terug draai na 2019, net om weer “normaal” te kan lewe, dinge “normaal” te kan doen, nou is mens amper te bang om jou neus by ‘n deur uit te steek, want oral om jou is, “dalk iemand” wat positief is, wat nog nie eers weet hy of sy het die virus nie.

Die virus het so baie tot dinge tot stilstand geruk, mense se lewens is op “HOLD” gesit.

Gaan jy winkel toe, lyk almal soos een of ander skelm wat die winkel wil beroof, moet jy probeer asemhaal met masker, nou kruip ons almal weg agter maskers. Nie omdat ons wil nie, maar omdat ons gedwing word.

Die jaar 2020 het ons almal laat besef hoe nederig en klein ons is.