Profile photo of rolienv

by

My Bruidegom

September 23, 2010 in Sonder kategorie

U luister as ek praat

U troos my as ek huil

U stuur vir my liefdesgedigte uit hooglied

U sing vir my oor die radio

U maak my stil met U teenwoordigheid

U nooi my uit om net ek te wees

U vul al die leemtes in my hart

U weet van al die pyn en smart

U weet nog voordat ek vra

U gee nie om as ek kla

U is ‘n heerlike geur wat ek diep in asem

U is ‘n lus vir my oog

U omvou my en hou my sag

U fluister in my oor met die wind in die nag

U hou my hand vas waar ek gaan in die dag

Ek hoor hoe aanbid die skepping U

en ek weet…niemand sal my ooit so kan bemin.

Niemand sien my soos U nie

niemand verstaan my so mooi nie

niemand hoor as ek praat nie 

niemand sien as ek huil nie

niemand kan sien in my hart nie

niemand kan hoor wat ek dink nie

niemand weet wat ek begeer nie

niemand ken my soos U nie

niemand …weet wie ek is nie.

wat meer wil ek he…

wat meer kan ek vra

wat meer  kan nog pla

wat meer kan ek oor droom

wat meer kan ek begeer

wat meer kon U doen

om ons met U te versoen

wat meer wil ons sien

voordat ons U dien?

Hier is ek nou

neem my nou

maak vir my ‘n deugsame vrou

gebruik my om lief te wees vir my man

onvoorwaardelike liefde in strome

wees U vir hom lief deur my

nooi hom om sy hart oop te maak

sodat hy nie hoef te verdedig nie

sodat hy nie hoef te beskerm nie

sodat hy nie hoef weg te steek nie

nie slim te wees nie

nie al die antwoorde te he nie

nie volmaak hoef te wees nie

nie hoef te probeer nie

nie trots wees

nie jammer te wees

nie iemand anders te wees nie

Genees ons harte van mekaar

en laat die mooi weer skyn en alle oordeel verdwyn

was ons gedagtes en laat bewondering weer lewe

laat ons liefde ervaar, op aarde soos in die hemel

laat die skepping in ons huwelik volmaak word

laat U wil geskied deur ons vir mekaar

laat U geloof word deur wat ons openbaar

laat ons eer bring aan U wondersoete naam

laat ons lewe bring aan elke dooie ding

Ons leef net uit genade

en hoe sal ons ooit verstaan

die dinge van die hart so vol pyn en smart

laat ons mekaar net lief he

laat ons mekaar kan dien

om suiwer na mekaar kan kyk

en U Grootheid daarin sien.

Wees U vir ons ons liefde

wat ons nader aan U bring

en laat ons saam saam na U binnekamer kom

en laat ons in hierdie intieme oomblike saamsmelt

vir ewig in ‘n eenheid wat nooit sal breek nie

en dat ons sal oudword in U liefde

en neem ons kinders en vorm hulle

maak hulle net soos U wil

op U slegs wag ek

nederig en stil…

5 antwoorde op My Bruidegom

  1. Ek dink dit is pragtig. Sal jy omgee as ek dit uitdruk sodat ek dit elke oggend kan lees voordat ek opstaan? Jy het ‘n wonderlike talent en ek is bly om te sien daar is nog mense met ‘n sagte hart.

  2. Jy kan dit met liefde doen, ‘n sagte hart kom net van soek na liefde.Die manne se hartjies is baie keer nog sagter as ons sin en die misverstand maak albei ewe seer.

  3. Dankie vir hierdie wonderlike woorde.
    Sal dit graag wil druk as jy nie omgee

  4. Enige tyd…dankie vir die inloer!

  5. Dankie Natasha.Lekker naweek!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.