Jy blaai in die argief vir 2010 September.

Profile photo of rolienv

by rolienv

As jou kind jou teleur stel

September 30, 2010 in Sonder kategorie

Nou ek het nie gedink my kind is perfek nie, ek het ook nie verwag dat sy my nooit gaan teleurstel nie.Ek het net nie verwag dat ‘n teleurstelling my so gaan ruk nie. Gaan skud nie.Gaan omgooi en my uitdroog soos wasgoed nie.Op 16 het alle tieners al hulle ouers teleurgestel op een of ander manier.

Ek het geen verwagting in my kinders nie, en my ouerstyl is om vryheid te gee soos hulle verantwoordelikheid hanteer. Vertroue is die basis van ons verhouding en ek kies om hulle te glo totdat ek bewyse het dat ek nie kan nie.Wel vandag is my vermoede bevestig en ja ek is onkant gevang.

Nou ek praat nie eers van dwelms of sex nie, net rook. Ja ek se net rook, want ek het al op 14 begin rook so dis nie dat ek high en mighty is nie.Dis net dat ek ouerskap my eerste prioriteit maak en nee ek is nie perfek nie, het net gedink as ek ‘n goeie verhouding met my kinders het en ulle genoeg vryheid en verantwoordelikheid gee sal hulle goeie besluite  maak (nie soos hulle ma nie) maar dit moet dan maar die gene wees.Ek is net nou bietjie platgeslaan en weet dit klink belaglik vir baie van julle, been there done that ouers , maar dit is my battle vannaand.

Hoe vertrou ek weer my engel kind?

Profile photo of rolienv

by rolienv

Die tuin

September 30, 2010 in Sonder kategorie

Ek was weer gister by die natuur reservaat net hier om die draai van ons. Wat ‘n lafenis!Die plante groei en die berge is asemrowend mooi. Daar is paadtjies uitgele waarin ‘n mens kan wandel en by plekke vorm dit ‘n tonnel waardeur jy kan stap langs die koel waterstroompies en met bruggies oor stap en oral waar jy gaan is die lieflike gesing van die voeltjies. Daar is ‘n groot dam waarin die masiewe berg reflekteer en vinknessies oral in die riete.Jy kon tussen die gelag van die kinders en die gesing van die voeltjies die stilte ervaar van die naruur. Dit is ‘n tasbare stilte…amper intemederend in grootheid.

Dit is ‘n stille atmosfeer waarin alles stilstaan. Jou hart begin stadiger klop en jou kop word stil, gee oor aan dit wat die sintuie ervaar.Jy wil dit bere iewers, stoor in jou herinnering vir later. Jy ruik dit…proe dit …voel dit…sien dit en hoor dit.Daar is iets in jou wat konnekteer daarmee en jy tap energie uit hierdie stilte.Uit hierdie atmosfeer van rus. Dis asof jou siel hierdie vrede wil reflekteer. Dit wil drink…en drink …tot dat dit oorloop en oorloop soos ‘n fontein.Asof jou siel hierdie harmonie ervaar soos ‘n groot orkes en dit wil beweeg opdie klanke wat met soveel sorg in mekaar geplaas is om ‘n geheel te vorm waarin alles vry vloei.Dit is ‘n lushof vir enige siel.

Ek was opgewonde om te sien hoe baie kinders daar was. Hulle het gespeel in die paadtjies en brood vir die eende gevoer en sommer net op die gras piekniek gehou. Dit was sooo lekker om almal so gelukkig te sien en natuur so in balans en die die skepping so volmaak in elke oomblik wat ek daar was.

Vanoggend probeer ek nog tap uit daardie vrede en daardie rus…ek trek my gordyne oop en sien die plante en die bome..die voeltjies…die blou lig …die sonskyn…alles net soos daar in die tuin, maar dis die struktuur. Die huise, tellefoonpale,die motors, die vragmotors,die voordeurklokkie, die selfoon….dis soos vals note in my orkes van oggend en ek wonder….hoe wonderlik sal dit wees om net te kan leef.Nie om te oorleef of instand te hou nie…net te leef.

En met daardie gedagte roep die wasmasjien my, die voordeurklokkie lui en my selfoon het ‘n boodskap….eendag…miskien eendag.Maar vir eers is sulke dae in die natuur genoeg.

Profile photo of rolienv

by rolienv

Partykeer verloor ek net myself…

September 29, 2010 in Sonder kategorie

En nee ek praat nie van selfbeheersing nie ek praat van wie ek is.

Met tye as ek in ‘n groep sit en gesels en almal is gelukkig en ontspanne kan ek my so laat wegsleur in een of ander mode wat nie aan my behoort nie. Kyk ek het gister my hele kommon karakter hier vir sien en leef uitgespel.Dis wie ek is, ek skinder eder van myself as ander. En tog as ek met tye sit en gesels in ‘n kring dat skinder ek oor ander. Ek haat dit!Hoekom praat ek saam. Hoekom skinder vroue soooo graag saam. Hoekom deel hulle niks van hulle self nie, net ander mense. Partykeer nie eers mense wat jy ken nie.

 Haai weet jy! en daar trek hulle…my sussie se vissie is nie lussie…en ja duh?hoe raak dit my?Ek verstaan nie hoekom vrouens dit doen nie. As ‘n mens kuier saam met jou vriendinne in ‘n besige lewe soos vandag en jy maak tyd vir ‘n middag saam met viende het jy nie lus om van ander random mense se proleme te luister nie. Jy maak die tyd om jou vriendinne beter te leer ken en dis hoekom jy tyd maak vir hulle. Om te hoor wat in hulle lewe aangaan, hoe hulle dinge beleef en waarmee sukkel hulle of hulle vreugdes en oorwinnings met hulle te deel.

Ek vang dit nie…hoekom skinder oor ander as jy kan gesels jy kan bou aan vriendskapbande.Geen skinderstorie het nog ooit ‘n vriendskap nader aan mekaar gebring nie …nou wonder ek weer hoekom skinder ek met tye saam. Haoekom verloor ek myself in ‘n skinderstorie…hoekom neem ek deel daar aan. Ek weet nie!

Seker omdat mense so graag van my skinder dat ek so gekant is daar teen…ek haat dit!

Profile photo of rolienv

by rolienv

Kommon met ‘n kappie op die o!

September 28, 2010 in Sonder kategorie

KÔMMON!

Nou kyk ek kom van die Weskus af.Mens kan se uit ‘n baie eenvoudige famielie uit, waar alles eenvoudig en straight  was, daar was nie woorde vir party vloek woorde nie en dit was dus deel van jou woordeskat van baie klein af.Nou daai jare toe ons nou daar op Rooiheuwel  net so voor Paternoster grootgeword het, het ons saam met die “volk” grootgeword en hulle was ons beste maats.Ons het hulle “hottjots” genoem en hulle vir ons “waaities” maar dit het nooit tussen ons gestaan nie.

Ek kan nog onthou toe my ma ingeroep is by die skool toe my suster se taalgebruik vir die skool ‘n probleem geraak het. Hulle het gevra wie in die klas weet waar melk vandaan kom , en hallou sy was die enigste een wat geweet het. “Die hottjots rem aan die koeie se tette, dan kom daar melk uit” wel neee, nie volgens die skool nie.Wel daar trek ons toe…dorp toe, want die plaaslewe was konsuis nie goed vir opvoeding nie.

So in die dorp het ons in Miggievlak gewoon, ‘n nie so upgrade buurt in die ‘n nie so upgrade dorp nie en ons famielie was ook nie so upgrade famielie nie.Kom ons se daar was nie vrede in die kamp nie.Wel so het ons maar groot geword met woorde soos kak  wat moeilikheid beteken het en moer wat slaan beteken het. Maar kak was as daar baie moeilikheid of as iemand nonsins gepraat het , nie net gewone moeilikheid nie en moer was as die bloed geloop het, nie net ‘n pak slae nie. Dit was ‘n vorm van ergheid. Dis dan seker kragwoorde?Fok het ‘n kappie gehad en jy het dit gebruik as jy geskrik het .Dit was maar deel van ons taal.

Nou kan ek nie verstaan hoe mense altyd so graag se ander is common nie, kom ons dink gou daar aan. Iemand se nou die dag in die spar ‘n Jack Russel met ‘n lang stert is common…halou ek het amper die ou “geslaan”wat se “nonsins”is dit”jinne”!

Mense het sulke wanpersepsies van kommon, hoe kan jy wat heel anders as ek vir my wat soos gestroop is van al jou goeie maniere en waardes en etiket en voorgee en reels en regulasie oor mens wees vir my kom se ek is kommon.Jy wens jy was kommon. Jy weet natuurlik dat common ‘n maklikker eenvoudiger manier is van lewe. ‘n nader aan jouself weergawe en plein en plat op die aarde benadering tot die lewe is. Kommon is om maklik net jou self te wees en gemaklik te wees met wie jy ie. Ek bedoel nie jy moet vloek soos ‘n matroos en jou gedra soos ‘n wynvlieg nie. Dis net dat ettiket en goeie maniere net ‘n vals vront is en niks met karakter te doen het nie.

Daar in die weskus het ek goedheid gesien…in karakter. Nie voorgegee nie, soooo uit die hart en spontaan soos ek dit nog nerens ander gesien het nie.Vrygewig, gasvry, hartlik en menslike vreugdes soos nerens anders nie.Ek mis hierdie kommon mense, ek mis hierdie kommongeid van menswees en ek wens mense wil so bietjie meer kommon wees.

Nou sit ek hier in my fensie dubbelverdieping huis op die verenda en verlang na hierdie mense terwyl ek my bokom op my broodtjie sit in die ingevoer die bord en versigtig hap dat my chanel no 5 lipstick nie moet afkom.Ag kak man, ek vee sommer my mond skoon met die agterkant van my hand en dink. Ek is klaar met inpas, klaar met voorgee, klaar met hierdie plastiek wees …ek is wat ek is. Geen pedigree geen klas. Ek is kommon!

Profile photo of rolienv

by rolienv

Oorlewing

September 27, 2010 in Sonder kategorie

Ons is veilig terug by die huis, en sjoe dit was lekker om weer in my eie bed te slaap.Kamp is lekker maar ‘n mens se huis bly die lekkerste as jy terug kom. Die weer was baie koud langs die see  en ons het ‘n baaaaie groot vuur gemaak om warm te bly en lekker ver gaan uitry in die dag en die omgewing ‘n bietjie beken. Ons kon ongelukkig nie die son geniet nie, maar het beslis mekaar se teenwoordigheid geniet. Seuna het bietjie kitaar gespeel en begin ook nou bekfluitjie speel, so opgewonde daaroor, want daar is niks soos ‘n kitaar en ‘n kampvuur nie, alhoewel Jack Parrow se dis so boring soos liedtjies om ‘n kampvuur, is dit vir my vreeeslik gesellig!Daar was nie storte nie, en toe ons na die naweek uitry, toe sien ons daar is ‘n bord waarop staan. Warm storte…en daar trek ons toe… almal het die warm water geniet.Teen R30 per stort was dit ‘n bargain…ek dink ons sou R500 ook betaal het!

Kamp bly maar ‘n uitdaging vir menswees. Uit jou gemakzone, ongerieflik,geen afleiding en geen geriewe….soos niks, nie eers ‘n kraan nie!Ons doen dit gereeld en elke keer kom ons nader aan mekaar terug. Mens is aangewese op mekaar vir geselsskap, vir oorlewing, vir vermaak en vir plesier. Mens moet die atmosfeer positief  hou want jy kan nerens heen gaan nie.En ‘n mens is geneig om die beste in almal raak te sien, om die sterkpunte in jouself van iewers af uit te haal en jouself te verbaas en geloof te bou in jou vermoens.Mens vermaak mekaar met wie elkeen is. Elkeen se unieke manier om die situasie te hanteer en elkeen se belewenis te ervaar .Wonderlik hoe party oopmaak in die natuur en die wind en die reen omhels en ander toe maak en wens dit gaan verby.

Ek het net die naweek besef terwyl ek ver lang die see gaan stap het, dat ons nie in suvival mode hoef te wees nie, mens verloor kontak met emosies en rasionele denke as jy voel jou lewe word bedreig en begin dierlik optree. Jou veg of vlug reaksie skied in en ‘n mens  is op oorlewing ingesteld…jy veg met dood.Dit bring die aakligste oorlewings drang na vore wat kan verskeur en vermoor en doodmaak.Dit is die brullende leeu ,die aggressie waarmee ‘n mens wil oorleef gee vir jou dierlike kragte.Sonder liefde.

Ons is oorwinnaars in geloof, en nie vegtend vir ons lewe nie.Jesus het vir ons hierdie oorwinning gegee….hierdie dier in ons oorwin, dat ons nie soos diere moet optree in ‘n stryd om te oorleef nie.Dat osn nie soos wille diere mekaar moet verskeur en verslint in ‘n stryd van oorlewing nie.Ons kan ons nou aanbeweeg na die siel…is is nie diere nie, maar siele wat geskep is om lief te he, om om te gee, om vir mekaar daar te wees om ‘n eenheid te vorm(nie ‘n pack)om deel te wees van die grootheid van die skepping. Ek dink ons moet kan konnekteer met die natuur om hierdie grootheid in balans te kan sien. Te sien hoe gebeur alles in die natuur in ‘n perfekte balans. Sonder skole en universiteite.Almal weet wanneer wat gebeur.Elkeen vat net wat hy nodig het om te oorleef, sonder om die ander uit te buit.’n Leeu sal nooit 2 bokke vang, net omdat hy kan nie. Hy het net 1 nodig om te oorleef.Die seisoen is in tyd, die bloeisels bot in die Lente en die vrugte kom op sy tyd.Die voels bou nessies op so ‘n ingewikkelde manier met sulke beperkte vermoens en die skoenlappers wikkel hulle self uit so ‘n toegekoekte koekon op die regte tyd en wag vir die tyd op ryp te wees en ‘n volmaakte skonlappe in die lug vlapper..in oorwinning ….eers ‘n wurm!Hoe kan ons in ongeloof bly staan en wonder waar ons hoort. Is dit nie die skepping nie…is ons nie deel nie, is ons nie hier gesit om te heers oor hierdie wonderwerke nie.Hierdie wonders in die natuur…wat nou sonder ons oorleef deur net in ritme van die natuur oorleef.Dag vir dag.Deel te wees van die groot skepping en natuurwette.

Is dit dan nie ons grootste roeping ooit om net lief te wees.Om om te gee en om deel te wees van iets so vreeslik groot nie.

Sonder liefde is ons nie siele nie maar net liggame en dit maak ons diere.Maar ons is ook nie gemaak om net siele te wees deel van die aarde se natuur nie, nie deel te wees van mekaar nie en nie net hier op aarde te heers ne. Dit is net die basis van wie ons is…ons is daarom vrygekoop om te heers teen die magte in die lug ook. Ons is hoofsaaklik heersers van die gees. Ons is magtig geestelike warriors. Toegerus om die magte in die lug…die owerhede en heersers van die wereld te oorwin. Die negatiewe te oorwin. Om geestelik te oorleef in hierdie oorlog wat klaar gewen is en hierdie leuns te breek in die gees van die mens wat so afgebreek en onderdruk is dat daar nie meer lewe in is nie. Ons is gees weses met ‘n siel wat woon in ‘n liggaam.Ons is Koings, Priester en Profete.Ons is die oorwinnaars van hierdie stryd op aarde hierdie stryd op oorlewing en ons is geestelik vrygekoop en klaar betaal, met bloed,die volmaak te Offer ,aangeneem en geklee in posisie herstel en gesalf as geestelike konings.Gebore om te heers oor hierdie leeuns in die geestesrealm. Die vyand brul soooos ‘n leeu, maar Jesus is ons leeu van Juda.Hy het ons as oorwinnars rered en geklee….Ons is Gesstelike Konings in die koningskryk van God.Ons moet nie oorleef nie….Ons moet heers.Ons is nie diere nie….ons is nie verlore siele nie…ons is uitverkore kinders van God.

As ons Pa Gees is , is ons gees….ons is geklee met Sy Gees om reg tot hierdie ervenis het.Moenie dat iemand dit steel nie.Eis dit terug. Dit is aan jou gegee. Dit is joune. Onverdiend net uit genade net uit liefde>Sodat ons kan liefhe op aarde met ons siele en kan heers in lug met ons Gees.

Nou wonder ons wat is geluk?Geluk is om te kan lief he, en te lewe. Hierdie is die twee grootste geskenke ooit. Om lief te he en om te lewe.Hoekom sukkel ons om deel te wees van nie net die natuur nie, maar die hele heelal. Die grootheid van die hele skepping. Daie sterre en die planete. Hoekom kyk ons nie verder vandag as onsself nie….as ons eie emosies en ons eie vrese nie….jy is ‘n kind van God….’n kosbare skat in die koningkryk van God. Onvervanbaar in jou roeping…ons moet weer in ons plek kom.Ophou veg vir oorlewing en heers.Die vyand brul net, die ware leeu is ons Vader!Ons is geskep om deel te wees van hierdie grootheid om deel te wees van hierdie verlossings plan om deel te wees van die skepping.Jy kan ‘n verskil maak…kom lewe in die gees….en wees lief in die siel en weet dat oorlewing….in jou is en jy tot enige iets instaat is deur hierdie oorwinning in jou. Jesus Christus is jou oorlewing en Jesus Christus is lief in jou en Jesus Christus lewe in jou….Jesus Christus maak jou deel van hierdie grootheid loof Sy wonderlike Naam en bring eer aan Hom.Hy het dit moontlik gemaak.Hy is ons God!Kom ons aanbid Hom vir wie Hy is.

Profile photo of rolienv

by rolienv

My wonderlike weird man

September 23, 2010 in Sonder kategorie

Nou die week het dit seker geklink of ek en my man van bed en tafel geskei is.Wel ons is nie.Ons is oppad see toe vir die naweek en ek is baie opgewonde. Kan nie wag om weer langs die see te slaap met die brander wat breek in jou ore die heel nag en die reuk van die canvas en die sand in jou tone nie.

My man die logistieke bestuurder reel al die strukture vir die naweek…die rygoed, kampgoed, liggoed, elkektriese goed en vure en what you have…ek die spysenierings bestuurder…doen die kos, klere en die wasgoed en skottelgoed.Ons is nou al twee keer Botswana, Zimbabwe en oral in Afrika gaan kamp so dis iets wat ons nou al onder die knie het.

Ek het net weer vandag besef. Ons praat nie een woord nie, elkeen weet wat om te doen, hy het van dag die tente uitgesorteer en die GPS kaarte gelaai en die kamprelings en roetes uitgewerk en ek het gaan shopping doen en almal se klere gepak en alles reggekry. Diselke keer vir my die wonderlikste ding hoe die tyd dinge in plek kry…ja die eerste Botswana trip was ‘n gestry en baklei en ons het mekaar amper vir leeus gevoer, maar hier is ons nou. Elke aap op sy krans.

Hy is die struktuur….ek  doen die binnegoed.Alhoewel ek partykeer wens hy kan so klein bietjie meer romanties wees en bietjie dieper wees en miskien so klein bietjiesagter….besef ek net weer,hy is perfek.Hy is die beter helfte van my en ek wil hom nooit verander nie.Wat is in elkgeval meer romanties as ons daar langs die see langs die kampvuurtjie sit en die branders hoor breek en aan ons koffie sip.As ons in die tent le en die doudruppels val so op die canvas….of as daar ‘n leeu in die verte brul en ek net nog nader aan hom le en weet ek is veilig.

So ja Neanderdal jy is reg…dis soos dit hoort, ek wil dit nooit verander nie.Dit sou nie gewerk het as ons altwee goed was op een gebied nie, ons is soos ‘n hand en ‘n handskoen. Ek sal nie weer kla nie. Is so opgewonde oor die naweek en ek het my man net vir myself.

Geniet julle naweek…ek dink ‘n vrou moet al die soapie romanse uit hulle koppe kry en meer prakties na alles kyk. Met die regte gesindheid kan dit romanties wees om ‘n tyer om te ruil!

Profile photo of rolienv

by rolienv

My Bruidegom

September 23, 2010 in Sonder kategorie

U luister as ek praat

U troos my as ek huil

U stuur vir my liefdesgedigte uit hooglied

U sing vir my oor die radio

U maak my stil met U teenwoordigheid

U nooi my uit om net ek te wees

U vul al die leemtes in my hart

U weet van al die pyn en smart

U weet nog voordat ek vra

U gee nie om as ek kla

U is ‘n heerlike geur wat ek diep in asem

U is ‘n lus vir my oog

U omvou my en hou my sag

U fluister in my oor met die wind in die nag

U hou my hand vas waar ek gaan in die dag

Ek hoor hoe aanbid die skepping U

en ek weet…niemand sal my ooit so kan bemin.

Niemand sien my soos U nie

niemand verstaan my so mooi nie

niemand hoor as ek praat nie 

niemand sien as ek huil nie

niemand kan sien in my hart nie

niemand kan hoor wat ek dink nie

niemand weet wat ek begeer nie

niemand ken my soos U nie

niemand …weet wie ek is nie.

wat meer wil ek he…

wat meer kan ek vra

wat meer  kan nog pla

wat meer kan ek oor droom

wat meer kan ek begeer

wat meer kon U doen

om ons met U te versoen

wat meer wil ons sien

voordat ons U dien?

Hier is ek nou

neem my nou

maak vir my ‘n deugsame vrou

gebruik my om lief te wees vir my man

onvoorwaardelike liefde in strome

wees U vir hom lief deur my

nooi hom om sy hart oop te maak

sodat hy nie hoef te verdedig nie

sodat hy nie hoef te beskerm nie

sodat hy nie hoef weg te steek nie

nie slim te wees nie

nie al die antwoorde te he nie

nie volmaak hoef te wees nie

nie hoef te probeer nie

nie trots wees

nie jammer te wees

nie iemand anders te wees nie

Genees ons harte van mekaar

en laat die mooi weer skyn en alle oordeel verdwyn

was ons gedagtes en laat bewondering weer lewe

laat ons liefde ervaar, op aarde soos in die hemel

laat die skepping in ons huwelik volmaak word

laat U wil geskied deur ons vir mekaar

laat U geloof word deur wat ons openbaar

laat ons eer bring aan U wondersoete naam

laat ons lewe bring aan elke dooie ding

Ons leef net uit genade

en hoe sal ons ooit verstaan

die dinge van die hart so vol pyn en smart

laat ons mekaar net lief he

laat ons mekaar kan dien

om suiwer na mekaar kan kyk

en U Grootheid daarin sien.

Wees U vir ons ons liefde

wat ons nader aan U bring

en laat ons saam saam na U binnekamer kom

en laat ons in hierdie intieme oomblike saamsmelt

vir ewig in ‘n eenheid wat nooit sal breek nie

en dat ons sal oudword in U liefde

en neem ons kinders en vorm hulle

maak hulle net soos U wil

op U slegs wag ek

nederig en stil…

Profile photo of rolienv

by rolienv

Emosioneel afwesig.

September 22, 2010 in Sonder kategorie

Is mans emosioneel te afwesig in ‘n verhouding of is vroue te aanwesig?Hoekom pla mans se afwesigheid ons maar ons aanwesigheid pla hulle nie.Hoekom verstaan mans nie dat ons wil he dat hulle ons moet leer ken nie, en belangstel in hoe ons voel en dink oor sekere goed en saam groei en saam ontwikkel as ‘n eenheid. Die lewe deel en sekere opinies en drome deel …is dit nie wat hulle met die mense by die werk doen nie.Hulle word so maklik deel van die span. Hoekom kan hulle nie deel van ‘n huwelik wees nie. Met hulle hele weses. Ek dink mans dink hulle is hoofsaaklik voorsieners en ons wil graag voorsien word van ‘n intieme maat. Iemand met wie jy jouself kan deel. Stukkie van my vir jou en ‘n stukkie van jou vir my…mekaar kan ontdek en geniet. As ‘n mens ‘n leeftyd saam is sal daar nooit ‘n dag kom wat jy eerlik kan se ek weet alles van my maat af nie.Is hulle bang ons leer hulle ken en dan is dit boring….of bang hulle figure ons uit en dan is ons boring. Is dit dan nie wat ‘n mens doen in ‘n huwelik …sonder om dit boring te maak nie?

Profile photo of rolienv

by rolienv

As Liefde jou moeg maak.

September 18, 2010 in Sonder kategorie

Ons almal se harte is seker al een of meer keer gebreek, almal het al verwerping en wonde van woorde oorleef.Ons almal weet hoe dit voel om eensaam te wees, teleurgesteld,gebreek en verlate….hierdie is die wonde van ons daarlikse lewe.Ons word daarmee groot…die meeste wonde kom van die mense naaste aan ons.Soos groot word en leer ons later dat liefde met tye seer maak.

Die graad van hierdie seermaak verskil van persoon tot persoon en paty mense verwerk hierdie seer beter as ander.Ek het al die wonderlike mense ontmoet wat uit aaklige verledes uit kom en het dit net as ‘n brander gebruik om spoed te kry…ander het sulke wonderlike lewens en famielies gehad en het die aakligste gesindheid oor alles.Mense hanteer dinge anders so daar is nooit ‘n reg en ‘n verkeerd  nie…net ‘n makliker manier om alles te hanteer.

Ek weet dit is soooo maklik om  om toe te maak en net aan te gaan met die lewe…

Ek dink ‘n mens se hart is soos ‘n anemoon…ek het nou een oggend by die see met ‘n anemoon gesit en speel. Ek het my vinger net so saggies aan dit geraak dan maak dit toe. Net daar waar jy vat.Hoe meer jy vat en vat hoe meer maak dit toe , totdat die hele anemoon toe was en dit beskerm het teen my….as ek enigsins kleiner en feiner was het dit my my probeer in trek….en my toe gemaak saam met dit en my probeer verteer om hom te voed.Dit het vir lank so toe gebly en toe dit dink dit is veilig maak dit weer oop ….baie stadig ….bietjie vir bietjie.

Partykeer dink ons ons gaan iemand help…hulle laat ons toe om naby te kom , baie naby en trek ons in hulle netwerk van probleme en voor ons ons kan kry is ons toe gemaak. Ons tyd en ons energie en al die lewe in ons word toegemaak deur hierdie een perosoon se pyn en seer….hierdie emosionele band trek ons al dieper en dieper en die ons word in skuld daar gehou.Ons voel verantwoordelik vir die persoon, maar dit verteer jou hele siel.Kom Uit!

Pyn is iets wat mense persoonlik moet verwerp. Met hulp en ondersteuning en baaaaaie liefde sal hulle leer om onafhanklik te raak en hulle eie probleme te hanteer. Ons is elkeeen verantwoordelik vir ons siel. Ons is verantwoordelik vir ons dit gee en wat ons daarmee toe en hoe ons dit gebruik.Dit is die enigste deel van jou wat aan Jesus behoort, of jy dit nou al vir Hom gegee het, of nie. Dit is Syne Hy het daarvoor betaal met Sy lewe.Ons moet dit net instandhou volgens Sy woord…Hy kom dit haal.Ons is verantwoordelik vir ontwikkeling van ons denke en emosies en ons het elkeen ‘n vrye wil.As ons ons eie siel versorg en stap in oorwinning kan ons ander siele ook wen vir die Koningskryk van God. Dit is nog ons mission waarvoor ons hier is. Om met PASSIE ONS MISSIE UIT TE VOER DAT ONS VISSIE DIE KONINGKRYK VAN GOD IS.Maar sonder ‘n siel sal dit maar lol. Meeste van ons se harte behoort aan die een en ons verstande is vasgevang in negatiewe en ons wil vir uitgekoop aan die wereld…slaaf van sonde.God se heeel eerste stap is om jou syne te maak…om jou vry te maak en om jou heel te maak.

Hy wil jou toe vou in Sy liefde, Hy wil jou na groen weivelde lei…na water waar rus is en jou siel verkik.(Heel maak-Nuut maak)Kom Na Hom toe …Hy wag vir jou!Hy weet ons raak weg en verlore in ons stryd om goed te doen…maar stukkede soldate en ook mediese sorg nodig …al gaan die oorlog aan. Hoe vinniger jy heel word…hoe vinniger kan jy weer die ander aflos wat stukkend is.Om gewond en moeg rond te loop is nie ‘n baie goeie besluit nie…ons het sterk soldate in die hierdie geestelike oorlog nodig.Kom uit en laat God jou heelmaak en laat Hy jou wapenuitrusting vir jou aantrek.

 As iemand jou in beslag neem met sy probleme of dit nou jou man of jou kind is….is jy daardie persoon se eiedom en jy is nie vry om enige iemand ander ook nie jouself ook nie God te dien nie.

Ons is gemaak om vry te wees…om lief te he en om mekaar te dien in liefde en om te gee…nie vasgevang te bly in een perooon wat afhanklik is van jou en jou in sy netwerk probleme toe spin totdat jy nie meer asem kry nie.

Verder is ons ook nie veronderstel om ons perels te werp op die swye nie…moenie jou pragtige waardevolle innerlike skoonheid bied aan iemand wat dit nooit sal wardeer nie….moenie dat jy verlei word deur skoonheid of krag of geld nie….as jy eers iets begeer word dit ‘n aantrekking waarna jy vir baie lank sal strewe met alles in jou lewe en die binding is weer dieselfde….dis al waarin jy sal dink …voel ….en wil doen….jy is daardie persoon se eiendom.Kom Uit!As ‘n perooon jou nie lief het vir wie jy is en die skoonhied wat jy bied nie kan waardeeer nie…..moenie jouself verder laat intrek deur hierdie obsessie nie….jy is meer werd as dit.

Daar is so baie van hierdie bande wat ons intrek…warin ons wegraak en ons hartverloor ,mens kan dit nie eers noem nie.

Ek het baie lank gevat om los te kom uit al hierdie valstrikke van die lewe.Al hierdie seerowers wat opsoek is na jou skatte…jou skoonheid. En glo my ons almal het skoonheid in ons.Dit is nie voorkoms of besittings nie….dis wie jy is. Jou uniekheid. Moenie dat ander dit steel nie.Moenie dat iemand hierdie spesiale andersheid steel by jou nie.Dit is jou skoonheid.As dit nie goed genoeg is vir iemand nie, is daar nie fout met jou nie…dis is die verkeerde iemand.Maoenie dat mens dit misbruik en uitbuit nie.Sien dit raak en koester dit in jou hart…beskerm dit en hou dit veilig….moenie dit weggee nie dit die skatte van die hemel wat weggesteek is in jou hart. Dit behoort nie aan jou nie. Dit is jou bekoorlikheid…dit is die skatte wat Jesus kom haal as hy kom op die wolke.Hou dit veilig vir hom, Hy weet van elke skat in jou en as jy hom vra sal hy jou lei en jou wys hoeveel skatte is daar in jou.Hy het ‘n spesiale plekkie net vir jou. Jou naam is opgesryf in Sy handpalm en Hy weet van hierdie skat.

Breek alle emosionele band,alle sielsbande en alle liggaamlike en geestelike bande in Jesus naam.Maak jou vry van al die parasiete in die lewe en maak jou vry om te dien.Begin weer.Liefde is ‘n gawe van God , as dit jou dreineer, is daar ‘n parasiet in jou lewe.Kry pestcontrol!As ons so gewond en seer is dat ons bang raak vir liefde….bang raak om ons self te gee bang raak om ander naby ons te laat kom.Toe gemaak het vir liefde en toegemaak het vir die wereld en God se liefde…dan het ons skat verlore geraak.Dan het ons skat sy waarde verloor….dan is ons skat van die koningkryk in jou niks meer werd vir die koningkryk nie ….jy het dit dan aan die wereld gegee…jouself verloor…die om jou verloor …en God verloor.Jy sal geisoleer en eensaam voel want jy maak hierdie pyn en seer toe en sluit jou af van die wat jou kan help en jy en jou pyn leef alleen en niemand kan jou help nie.

Kom uit…waag om weer ‘n bietjie oop te maak…’n bietjie liefde te ontvang en ‘n bietjie liefde te gee…begin van voor…waag alles wat jy het,want as jy nie liefde het nie…het jy niks.Moet niks verwag nie….begin baie klein…soos die eerste groen blaartjie wat diewaag om in die koue sy verskyning te maak,om ‘n nuwe seisoen aan tekondig. Die son skyn nog nie…maar dit is tyd.Dit is tyd vir nuwe lewe en jy het die koue winter oorleef…al is daar nog stukkies ys oral in jou hart.Waag dit om daardie eerste belofte van lewe te leef…kom uit daardie gestroopte tak uit en kyk al die prag om jou.Stap tot by ‘n boom en kyk daardie klein stukkie groen knoppie wat so sukkel om deur te kom…en dit is osn teken…dis Lente.Waag dit …voor dat hierdie seisoen verby gaan en jy nie ‘n elkel vrug gaan dra nie….waag dit.

En as dit nie nou jou Lente is nie…en jy moet rus.Laat val jou blare….en rus.Maak jou toe vir die winter en rus dat daar nuwe lewe in jou kan voerm. Daar is ‘n seisoen vir ons almal….en as dit ons seisoen is van vrugte …gee dit vrylik weg…jy het die vrylik gekry!en onthou daar is tonge van swaarde en oe van blitse …wees sterk. Jy is nie hier vir hulle nie…maar vir God. Jy werk nie vir hulle nie…maar vir God.Jy behoort nie aan hulle nie…maar aan God.Ons is nie van hierdie wereld nie…maar van God.Dit is nie maklik vir ons nie…maar vir God.

Profile photo of rolienv

by rolienv

Seks

September 17, 2010 in Sonder kategorie

Ek en ‘n dierbare vriendin gesels gister oor seks.Ja hierdie woord het ‘n groot effek op ons gedagtes en emosies.Wat ervaar ons as die woord ons ore slaan,as dit in ons gesigte ingedruk word deur die media, of sugestief aan ons gedis word in ‘n tydskrif of eroties op ‘n flyer onder jou ruitveer? Skaamte? Skok ? Stimulasie ? Opgewektheid?…vir party van ons is dit ‘n vae begrip in ons verlede en vir party is dit ‘n fantasie in die toekoms.Seks…is dit ‘n geslag, ‘n mag,’n daad …’n diens, of ‘n geskenk?Wat is dit vir jou?

Ek het gister gepraat van ons bruidegom, wel as Hy ons enigste bruidegom is, hoe nou gemaak in die kamer met twee bruide?Dis funny,en ek het gelag toe hierdie gedagte opkom.Daar keer ek toe weer terug skrif toe en dis toe dat hierdie bespreking begin het. Uit al die boeke insluitend die Bybel en al ons ondervinding van my 17jaar en haar 24 jaar het ons ‘n gevolgtrekking gemaak, en dit is slegs ons opinie, maar dit werk vir my.

Jou hele liggaam is ‘n geslagsorgaan.Die manier waarop jy dink, en voel en sit en loop en le….dit maak jou ‘n man of ‘n vrou.Dit maak jou ‘n sensuele wese en dit is ‘n chemiese,tegniese,meganiese intelektuele,emosionele ,kreatiewe wonder en deurbraak in die ingeneurswereld waar alles funksioneel moet wees.

Die man …die funksionele kant van die daad.Hy werk met funksies…druk  en play knoppies en finish aan die einde.Dit is ‘n proses van volgorde van bewerking is gelyk aan antwoord.

Die vrou…nie funksioneel nie.Abstrak en baie kreatief!Sy werk met seine en as die seine nie lekker is nie is daar geen opvangs nie.Dis ‘n desaster, want vroue wil opvang…so hulle loop tot bo op die berge om opvangs te kry , waar die seine sterk deur kom.Soveel keer van ‘n heeel ander voorsieners af.

‘n vrou is ‘n sensitiewe baie breekbare ongelooflike ingewikkelde netwerk van senuwees wat presies doen wat sy moet as die seine goed deurkom.Dit is ‘n omloop vanomstandighede en begin by enige plek dit niemand se verantwoordelikheid nie…dis ‘n kringloop van omstnaighede soos ‘n habitat wat gesond moet bly anders is die hele kringloop ongesond en ongebalanseerd en sal sterf en die oorlewendes sal op ‘n ander plek moet gaan oorleef.

Klink baie dierlik as ‘n mens dit so stel maar dis die lank en die kort daarvan.

Ons vul mekaar aan en het ‘n groot effek op mekaar. Elke liewe woord en daad en sugestie van beweging lok sekere gedagtes en emosies uit. Ek kan met een woord my man goed laat verstaan dat daar beter dinge is as TV kyk, sonder om hom aan te val , maar hom uit te lok, te verlei en opwek en in aksie bring…die vrou is nie die hulpelose victim in hierdie saak nie. As ons die man oproep in ons mans…funkseerneer hulle as mans.Hulle doen wat mans moet doen en dit maak ons vroue.Om alles wat ons het te gebruik as een groot orgaan om ons mans in liggaam siel en gees te bevredig…en dit het nie net met seks te doen nie maar die aksie wat ons neem om ons mans in alle demensie gelukkig te maak. In sy seksuele begeertes ja, maar ook emosioneel, fisies, jou rol in die gees as vrou,maak sy gedagtes van jou laat hy jou begeer en fanteseer oor jou.Maak hom joune in hart en siel en verstand.Vul al 5 sy honger sintuie en maak die man in hom weer wakker!

Hierdie manlikheid maak hulle sterk in ons oe en ons bewonder hulle en begeer hulle en hierdie geluk loop oor na ons toe in liefde. ‘n Gelukkige man het sy vrou lief.Dis aksie oor na reaksie en hulle reaksie sit ons weer oor in aksies. ‘n Baie gesonde kringloop van energie wat oorloop in passie en romanstiese getroude lewe selfs op 90 jaar.Dis soos saai en maai….

Ons moet alles wat ons het om ons mans gelukkig te hou…hou jou orgaan in stand en gebruik dit gereeld om die kringloop gesond te hou.Ons dien mekaar in liefde…moenie wag vir jou deel en harseer en verwerp sit in ‘n hoekie nie. Staan op en wees ‘n vrou…gebruik alles en drop al die konservatiewe reel en wette wat jou ma jou geleer het….be all!Wees alles vir jou man…maak hom mal, bedien hom, troos hom, bid vir hom en bevredig hom. Jy sal die vrugte pluk.Dit is jou rol as vrou…dit is wat Jesus van jou verwag en wat jou man van jou verwag.Wees onderdanig in liefde…wees alles wat hy in ‘n vrou begeer…en as jy hom vra is dit meer funksie as voorkoms.Kom verby jou vrese en jou waardes….

As jy vir Ester gaan lees en one night with the king sal jy sien…sy was ‘n maagd, ‘n onsluldige Jood….wat met ‘n moordenaar man getrou het…wie sy vorige vrou kaal op die tafel wou laat dans het….hy sou ook van haar die ontmoontlike verwag het.Sy is voorbereid…verstandelik , emosioneel en geestelik om haar  man te bevredig en hom eerste te stel, want as hy gelukkig met haar…en sy sy liefde kon wen , kon sy haar volk red en sy het met God se genade en sy het haar man vir  die koningkryk gewen.Daarmeee bedoen ek nie dat jy ‘n prostituut vir jou eie man moet wees nie, net dat sy behoeftes…eet, slaap, werk en seks en kerk vir jou baie belangrik moet wees, en hoe beter jy dit ken hoe beter vrou sal jy wees en hoe gelukkiger sal jy hom maak en dit sal oorloop na jou.

As jy met die loop van die jare hierdie man in jou man al min gemaak het, deur om te kritiseer oor sy vriende , en oor sy werk, en oor sy manier van dinge doen en hoe min hy doen en hom meer in jou vrou wereld in laat pas het….wees ‘n vrou!Struur hom terug na die rugby toe…na sy stokperdjie…sy manwees dae af….wees ‘n vrou!Maak ‘n man van jou man!Lok die man in hom uit…sit weer die kroon op sy kop.Jou man is jou koning en jy is sy koningin.Voel soos een…maak weer die man in jou lewe jou koining.

Dink van dag net aan een ding wat hom sal gelukkig maak en doen dit en vergeet van al die goed wat jou sal gelukkig maak….kry die kringloop aan die gang en wag…

Ons is dus nie slagoffers van die mansgeslag nie maar die produk van ons eie dade en gesindhede.Neem aksie en geniet die reaksie.Hou op om passief te sit in eensaamheid in ‘n ongelukkige huwelik waarin daar nie meer liefde is nie….sit liefde in en kry liefde uit!Lekker naweek vir al julle wonderlike vrou en onthou om stout te wees hoor!