Profile photo of maraja

by

Truly…Madly…Deeply…

March 31, 2017 in Uncategorized

Mens is nooit te oud om te leer nie…

Truly…Madly…Deeply…

“A Ring is Around…and has no End…and so is my Love…for You…my Friend…” Toe ek klein was het ons Vriendskapboekies gehad waarin ons pouses vir mekaar corny boodskappies geskryf het…laaaaaaank voor die dae van die internet….of Facebook.

Maar hoeveel waarheid steek daar in hierdie enigste boodskappie wat ek van toentertyd kan onthou? Die waarheid is…vriende kom ….en vriende gaan…in jou lewe…Sommiges laat blywende indrukke…ander laat erge letsels….Sommiges verlang jy na…andere wil jy nooitooit weer sien nie…. So het ek Kaapstad in 2004 met my klein wit motortjie uitgery (tjok-en-blok met my aardse besittings gepak)…en vir myself gese: ”Sodom en Gamora…vir jou sien ek nooit as te nimmer in my lewe weer nie….” Ek weet…eks ‘n regte Drama Queen…maar nouja…my hart was in stukkies….en al my vriende het van die Groot Verraad geweet….and I was the last to know…you know?

As laatlammetjie het ek baie tyd spandeer in die geselskap van grootmense…Daarom dat ek seker altyd vriende gehad het wat veel ouer as ek was…..want dit was hul lewenswysheid wat my bekoor het…Ja ek het ook vriende van my eie ouderdom gehad op skool…maar saam met hulle kon ek verspot wees in die ledige koshuis ure….Saam het ons Bioplus gedrink en in linnekamers geswot vir einde-van-die-jaar eksamens…Hulle was ware staatmakers om Veldskool op die Vrystaatse vlaktes te oorleef…en by hulle het ek fantastiese feite oor die lewe (alhoewel nie altyd so akkuraat nie) geleer…Al kontak wat ons vandag met mekaar het is wanneer ons spog met ons kinders se prestasies op Facebook…en dis ok weet jy?

Ek lag gister saam met ‘n oud student van my (vandag ‘n regte Stellenbocshe student) oor die verskillende variasies van ‘n mens se vriendekring. Daar is altyd die moody een….(ook gewoonlik die intellektuele een)…die sosiale vlinder….wat altyd besig is om te network (en met wie jy liefs ‘n afspraak moet maak om hulle te sien)…dan die clown (wat gewoonlik met moord wegkom omdat hy of sy jou laat lag)….die crazy een (?)….en dan die een wat maar net daar is omdat hy of sy geen ander vriende het nie (aka die drip)…Ons het lekker hieroor gelag…maar dit het my laat wonder….wie is ek in hierdie hals-snoer van my eie vriendekring? Hoe jy jouself sien…is gewoonlik nie hoe ander jou sien nie…ne?

Dit is vir my te cute (maar ook baie scary) om te sien hoe Sussie besig is om ‘n vriendekring op te bou, want eks deeglik bewus van haar sosiale vlinder persoonlikheid (ek voorsien maar moelike tienerjare in ons toekoms…my arme hart) So is sy die afgelope week besmet met kopluise….van een of ander maatjie by die skool en vriendin Hannah vertel gisteraand dis gewoonlik die ek-is-almal-se-pel kinders wat dit opdoen (Waar de hel is haar pa wat belowe het hy gaan ‘n haelgeweer koop met haar geboorte?) Die Hemel help my…

Ek het vandag baie vriende….from all walks of life….sommiges laat my lag…ander lag saam met my…sekeres frustreer my….en net ‘n paar wonder ek oor (behoort hulle regtig in my vriendekring?)
En dit bring ons by my twee oudste vriende vir wie ek die heel diepste liefhet…

Eerstens my ma….(wat bytheway ook geduldig my kop ont-luis het in Sub A… toe my pa dit wou afskeer) Sy ken my die langste…vergeef my altyd my sondes…kyk verby my tekortkominge…en is altyd baie trots (miskien soms ‘n bietjie te veel?) op my prestasies….

Dan is daar ‘n tydlose vriendskap….soos my ander staatmaker Vriend met die geduldigste oor ….die Liewe Vader… (druk maar toe jul ore al my ongelowige vriende) Want met wie anders kan ek in die na-nag mee baklei…groot vrae aan vra…saam my kussing nat huil…en antwoorde vind? Wie bly oor as jou vriende (en ouers) om jou begin doodgaan…en wie hou jou styf vas…as jy te bang is om een voetjie verder te sit?

Ek het die afgelope jaar weer iets onthou wat ek laaaaaankal reeds vergeet het….

“Die Meetsnoere het vir my in Lieflike plekke geval…..ja….my Erfenis is vir my Mooi…”

Leave a reply

Your email address will not be published. Required fields are marked *