Profile photo of maraja

by

The Sound of Silence…

March 28, 2017 in Uncategorized

Mens is nooit te oud om te leer nie…

The Sound of Silence…

Praat met my….baklei met my….lag saam met my….huil saam met my….maar moet asseblief net nooit stilbly nie….

Ek het grootgeword in ‘n huis waar ‘n koue oorlog gewoed het….Ma het vir Pa gestraf deur hom vir dae lank doofstom ‘n cold shoulder te gee…My ma het nog nooit haar stem vir enigiemand verhef nie…maar dit was haar….
Groot ….
Stiltes….
wat ek gevrees het…en noudat ek groot is…ignoreer ek haar soms vir ‘n week aaneen (she’s taught me well)…sodat sy weet eks boos vir haar….en dan bel ek haar maar weer en ons lag…. en ons gesels… asof niks gebeur het nie…want sy’s my oudste vriendin….

Dink net….eendag sal ek haar nie meer kan bel nie ( The subscriber is unavailable….do you want to leave a message?)…..en ek weet….dit gaan verskriklik erg wees…

Ek het nounog die voice message wat ek die nag van my man se dood op sy foon gelos het…Hy het nooit daarna geluister…of teruggebel nie….en dis hartverskeurend om na te luister….
Hy het weg van die huis gewerk en vir my (en sy ma) daagliks gebel om te se hoe lief hy ons het…en saans het hy met die kleintjies gepraat en gese: “Julle moet lekker slapies….en Pappa sien jul een-van-die-dae….”

Op sy begrafnisbrief staan…”Ons Groet Sonder Woorde”….want dis presies wat gebeur het…Hy het nooit ….“Koebaai Meraai”….of selfs… “See you later Alligator”…. gese nie….en dit was vir my baie baie erg…Hy was net in ‘n oogwink gonebabygone….asof hy nooit hier was nie….

Ek het jare gelede (toe my hart die eerste keer gebreek is) deur die trane gehuilse…”Ek wens hy’s dood…..dan sou ek hom nie so gehaat het nie….en dan sou ek ‘n graf gehad het om by te ween”……Ek was verkeerd….baie verkeerd….want hierdie einste persoon wat my hart so in stukkies gebreek het….het ek jare later weer gesien….en ons het saam gelag en gesels oor alles-en-nog-wat…en hy was net ‘n oproep ver….(om mee te baklei as ek wou…)

“Hy swyg soos die graf”…het nuwe betekenis vir my gekry die afgelope jaar…

In een van my gunsteling directors (Pedro Amadovar) se fliek Talk to Her… is twee vrouens wat in koma’s le in dieselfde hospitaal….Die een se man is te besig om haar te besoek….en die ander een het ‘n manlike verpleer wat daagliks by haar sit en met haar gesels…Guess watter een word nooit wakker nie?
Daarom….dink ek…. het my man so ‘n groot leemte in my lewe gelos….want ons het daagliks gesels…Oor enige onderwerp…Ons was albei baie nuuskierig oor die lewe…Ons het (ironies genoeg) ook baie oor die dood gesels (ek wonder hoe voel dit?)….Selfs gefilosofeer oor al die aspekte daarvan (wat word van jou siel?)…. Noujatoe….Hy’s nou veel wyser oor die onderwerp as ek vandag… ne? (en eks net so ‘n klein bietjie jaloers…moet ek bieg…)

Ek maak deesdae ‘n punt daarvan as ek jou groet…. om vir jou te se…. hoe lief ek jou het…. en dat jy moet mooiloop….You never know….you know?

So kry Sussie my vanoggend baie vroeg in die kombuis….(met dikgeslaapte oe is ek nie juis ‘n early-bird-catches-the-worm kandidaat nie)….besig om in ‘n gepeinste Groot Stilte bottels rooibostee te maak….

Oggendmens soos haar pa (goeiemore-my-sonskyn-goeiemore-my-kind)….kwetter-babbel sy vrolik om my….oor enige onderwerp onder die son….en ek…konsentreer so hard om nie die lepels suiker mis te gooi nie….(waar’s my koffie?)…dat ek haar totaal ignoreer…

Verontwaardig ruk die helder kinderstemmetjie my tot my sinne…toe sy afhaak en se: “Mamma….mamma…..kyk vir my!”…..en terwyl ek opkyk en die hele kombuis counter vol suiker gooi….lag sy op na my en se: “Smile…toe?” ….en daar breek die son oor my gesig….Hulle se mos….die oggendstond het goud in die mond ….nie waar nie?

2 responses to The Sound of Silence…

  1. Hi Maraja, ja grafstil is doodstil…so stil soos ons wat lewe nie kan weet nie! Veral ek met die sonbesies in my oee!
    Ek love jou skryfstyl en kan myself in elke stuk sien!
    Ccc

    • liewe liewe vriendin….dankie vir die lees…en mee-gevoel….we are not alone ne?
      drukkies
      meraai

Leave a reply

Your email address will not be published. Required fields are marked *