Soetwees

Januarie 21, 2013 in Uncategorized

PG het een van die mooiste metafore in Afrikaans gemunt. Die gawe van onthouding. Dit laat my dink: Soet wees seun. OK ouma. Julle wat mos ook baie soet, veral in die Victoriaanse tydperk. Ons kan by julle leer.

Gerbrecht

Jou somber beeld
ets pyn af teen die
dowwe kiekiemuur

Jou hande wys die
was en aanhou
was in kouewater

Jou oë is strak, vol goeie
evangelie: genegawes
van jou groot familie

Jou tenger lyf was
eenmaal jonk, so
lees ek in die boek

Kort-kortverhaaltjie

Januarie 17, 2013 in Uncategorized

Op pad huis toe dink hy aan die songs wat hy vir haar gaan speel. Begin dalk met iets neutraals, soos Rondo ala Turka. Die song wys vroeë meesterskap, maar verklap nie intensies nie. Tog is die vinnige note uitlokkend. Dan Fur Elise, effens nader aan die tema, maar nie so intens nie. Gooi dan ‘n vinnige Sting om die eerste gewaarwordings van die spel te beklemtoon. Sting verpersoonlik ook iets van mooi girls met asembenemende rondings wat op tafels dans en die manne se meelewing opjaag. Hierna volg tegniese meesterskap. Polonaise in A.

Dan die grand finale: “Verbeel jou jy en jou geliefde is vir ‘n naweek weg. Julle kamp uit bo in die berge en jy sit in ‘n plas water onder ‘n waterval, langs die stroompie. Jy hoor die water langs jou kabbel. In die agtergrond hoor jy die sagte dreuning van die waterval. Jou geliefde sê jy moet net so sit, terwyl hy net gou die sjampanje gaan haal. Jy skuif af in die water. Jy voel hoe die water jou liggaam saggies streel. Wanneer die song ophou, voel jy die koue glas teen jou wang.” Hy trek los met Schubert se Impromptu in A. Die vinnige siklus van fyn note en dan die die vol druk met albei hande. Dit word opgevolge met ‘n paar soortgelyke passasies, net elke keer meer subtiel en meer harmonierend.

Meteens sien hy ‘n engel voor hom.

Vrye keuse

Januarie 9, 2013 in Uncategorized

Verdien hom laag
en dra hom hoog

die brandmerk-pouveer
tooisel van die hoof

Ja of nee se kuns
van keuses maak

ken van uiterstes
ken ook die geheim

van lê of nee sê, van
die skulpie en die boor

Maanlanding. Nog ‘n inside job?

Januarie 2, 2013 in Uncategorized

Almal van julle het seker al gehoor van bewerings dat die 1969 maanlanding ook ‘n inside job was. Ek het lank daaroor geGoogle, en ja, ek dink dit was soos 9/11 ook ‘n inside job. Hoekom?

Die Amerikanrs het hard gesluk aan die feit dat die Rus Yuri Gargarin in 1957 die eerste ruimtevaarder was. Vat aan Amerika se ego, en hulle wil ‘n punt bewys

Baie fotos is as fakes uitgewys. Absolute fakes. Selfs mik-en-druk-amateurs het gelag

Al die foto’s het dieselfde agtergrond/horison. Op een maan?

Die “gehop” op die maan is uitgewys as ‘n fake. Teen ‘n sesde van die aantrekkingskrag van die aarde het Armstrong en Aldrin effe snaaks “gehop” op die maan. Toe kom hulle agter die stunts is op die aarde gedoen en teen 50% van die spoed gewys. Kenners reken dit is de moeder van fakes.

Hoe is dit moontlik? Teen flieks soos Titanic is die skepping van die maan in ‘n Hollywood-ateljee ‘n piece of cake.
Kan julle aan nog fakes dink?

Groete
ouboet

2013

Januarie 1, 2013 in Uncategorized

Vrede, voorspoed en waar nodig ruim nektar uit die wingerd

Vir Maryna. Was 11/9/2001 ‘n inside job? Wat dink julle?

Desember 29, 2012 in Uncategorized

My oudte seun kom nou die dag na ‘n paar biere saam met sy pelle met die bewering dat 11/9 ‘n inside job was. Die bewerings (met wetenskaplike bewyse), is soos volg:
• Nêrens in die geskiedenis het ‘n gebou ingeval as gevolg van hitte nie. Buitendien, jet fuel se maksimum temperatuur is veels te laag om staal te laat smelt.
• Die bewering is dat geplante dinamiet per verdieping gebruik is om die geboue te laat val. Dus: ‘n controlled demolition. Dinamietplofgeluide is duidelik hoorbaar op youtube videos. Nog geteuienis. Die inploffing van die eerste helfte van die geboue, het teen die spoed van ‘n vryvallende voorwerp aarde toe gekom. Dit is slegs moontlik met beplande dinamietladings per vloer.
• Die vliegtuig wat in die Pentagon vasgevlieg het is ‘n Anerikaanse vegvliegtuig en nie ‘n passasierstraler nie.
• WT7 (die derde korter gebou) is baie duidelik ingeplof nadat die 2 geboue geval het? Hoekom? Die gebou huisves sensitiewe inligting. Niemand het iets daaroor gese nie.
• Nege van die 18 beweerde loodse/lede wat getaak was om die vliegtuie in die geboue te laat vasvlieg, leef nog. Osama Bin Laden leef nog. Hoekom is Bin Laden se “begrawing” in die see nooit verfilm nie?
• Die visiepresident Dick Cheney het opdrag gegee dat sy kantoor in beheer van die lugmag se vloot is en dus kon die vliegtuie wat WTC nader, nie deur lugmagpersoneel afgeskiet word nie.
• Die nuus is versprei voordat die ongeluk gebeur het. New York se burgemeester het gereageer asof 11/9 reeds gebeur het, terwyl die eerste impak nog nie plaasgevind het nie.
• ‘n Week voor die tyd is massiewe hoeveelhede aandele van vliegmaatskappye verkoop, want die volgende dag sou hulle niks werd wees nie. ‘n Klomp fortuinsoekers met inside info wou gou ‘n paar pond maak.
• Baie evidence op die toneel is gou verwyder en vernietig.
President Bush was by ‘n skool en toe hy die nuus kry het hy eers veel later gereageer. Google 11/9 inside job en kyk die videos. Exciting stuff.

Interessant, die kommissie wat aangestel is om 9/11 te ondersoek, kom met beweerde feite wat ‘n eerstejaar ingenieurstudent sal laat lag. Kan die kommissie die wette van die wetenskap herskryf?

Wat dink julle?

Lekker naweek.

Dankbaarheid na Kleinboet se massiewe ongeluk gister.

Desember 15, 2012 in Uncategorized

Ons gesin dank ons Hemelse Vader en besef ons het rede tot intense dankbaarheid.

Kleinboet maak vir sy meisie ‘n pragtige handgemaakte geskenk van hout (’n kas om haar skildertoerusting in te bêre.) Hy ry gister gou hardewarewinkel toe om skarniertjies vir die pronkstuk te gaan koop.

Vyf minute later bel hy my. Hy praat onsamehangend en lig my in dat hy in ‘n massiewe ongeluk betrokke was. Ek jaag dadelik na die toneel en kry moeilik parkeerplek. Talle polisielede en hordes omstanders is reeds op die toneel. Sy pragtige Polo wat hy as geskenk vir sy puik matriekresultate ontvang het, is afgeskryf. ‘n Massiewe motorfiets het teen hom vasgejaag. ‘n Man wat die ongeluk sien gebeur het, beweer dat die motorfiets 150+ km per uur gery het.

Seun het ‘n massiewe knop op sy voorkop, maar het verder nie sigbare beserings nie. Die arme motorfietsryer is baie erg beseer, en die paramedics laai hom op ‘n draagbaar in die ambulans. Hy is tans nog in die intensiewe sorgeenheid.

Omstandighede en genade was aan sy (ons) kant. Die motorfiets het die kar teen die regteragterdeur getref. As dit die voordeur was, sou seun dit waarskynlik nie gemaak het nie. Vroulief daag op en vat hom onmiddellik dokter toe. Na ‘n deeglike ondersoek en ‘n inspuiting slaag seun die ondersoek.

Ons dank die Vader vir sy genade. Ons is trots op ons kind en is bly dat hy leef. Op 4 Desember het hy sy ouma met ‘n roerende huldeblyk in die kerk gegroet.

Ek en my gesin kuier gisteraand. Kleinboet noem toe dat hy dieselfde gevoel ervaar het as tydens ons massiewe ongeluk op 10 Julie 2005. Ek herhaal gou sy Ekspo-bekroonde gedig, wat ek reeds geplak het, om ons dankbaarheid in nuwe konteks te betoon.

Dankbaarheid

10 Julie 2005

‘n Swartdroog
dag breek in
vlymskerp
krummels op

Ons goedjies lê rond:
vergruisde vullis
langs die smal weg
na Potchefstroom

Soos verwarde
kuikens tuimel
ons voortydig
uit die nes

Ons dank U
Heer vir hierdie
wondermooi
geleende dag

Moedervalk se
wye omvouvlerke
breek hom sag
soos nat anysbeskuit

Vir oulaas alleen

Jare saam verdig
tot repies lig
niemand kon
hul geel, hul rooi,
hul flikkers sien

Die waansin-
mallemeulewiel
bly tol en wink
koebaai vir een
of meer van ons

‘n Mosaïek van blou
genadetrane stol
Die droom van sien
jul anderkant ‘n
skugter hartklop ver

Tien Julie flikker
teen ons stortvloed
vreugdetrane, Heer
oor en oor U
helder aangesig

Geheue-opdatering

Desember 14, 2012 in Uncategorized

Soms val nuwe gedagtes (en verbandhoudende ou strewes) mens by wat jou na die resitasielaai laat gryp om ou ware en geleefde verhaaltjies op te dateer.

Van Bondstraat tot Café 41

Ek sien ‘n brug, ‘n beraad
Vorster se ’75 brugberaad
Ek sien ‘n hek, memory
lane se geroeste hek

Grysdonker die kaats
teen Sterland se ruit
Stadig bring repies lig
soet memories terug

Die mooi girl langs Loftus
bond met ‘n naam en ‘n
nommer. Die Apies se brug
skif stunning memories oop

Dertig jaar later tokkel
vlietende vingerpunte die ou
ou wysie op ‘n ou 12-string
kitaar met nuwe snare

Aangrypend mooi verskyn ‘n
jong vrou teen ‘n Café se ruit
Verruklik ontwaak uit drie
dekades se winterslaap

Beste bokjol

Desember 12, 2012 in Uncategorized

Ek sien ons nuwe habitat kort meer resitasies. Toe gaan krap en in die ou laai en ets weer die buitelyne van ‘n mooi ware verhaaltjie

Die kort en lank van dié mooi aand
was dans: Hy die lange sy die korte

Eers die links- en regsomtwostep bemeester
en toe ‘n lafenissie oor die straat gaan soek

Toe sy subtiel die aand uitrek met
tintinkiesippies aan haar Fanta grape

moes iets gewerk het, dalk Brahms se wals
in A-mol met sy volrond rekakkoorde

dalk die metafoor wat knus
die aandlugsoelte soen

Sy trek ‘n traantjie los toe ek die song op
my knieë aan haar opdra en sagter speel

Loeloeraai se hoë stoeptrap vol belofte
aanskou toe net ‘n sagte drukkie, maar ook

“Thanks ouboet. Jy het my aand
verruklik gemaak“

Eenkantkoue

Desember 11, 2012 in Uncategorized

Jou eenkantkoue dwing my terug
op spore waar ons eenmaal was
elke klipomdraai bring nuwe skuld
soos van ouds
net feller
met dongas dieper
as ons eerste fout
Ek sien hoe jy ‘n nuwe landskap
weg van vrees karteer
hoe jou koue my laat my soek
na sin en matafore
maar herwaarts derwaarts skik my
metafore lank reeds
net in enkelspore