Skrikwekkend

September 29, 2014 in Uncategorized

photos_change_world_03

Jammer, hierdie is vir my die heel skokkendste foto van die “30 Most Shocking & Heart Touching Photographs Ever Made” Google eerder self as julle wil kyk, want as ek die URL hier plak word die hele webtuiste ingetrek)

Afloskreet

Hier waar die wreedste kiekie ooit
en my moedertaal se heel mooiste
vers mekaar in ootmoed probeer vind,
bid ons saam vir hierdie sterwende kind

ek moet versigtig woorde kies om
nóg onbeheersde trane te verhoed
want my vriendinne was tog so reg: my
laaste kiekies het vriend en vyand tot
teen die rougevrete been geskok

Die kraaie en die aasvoëls kla
in Opperman se vers as ‘n moeder
na haar seun se beendre soek
Spaar hierdie kind ‘n afloskreet
o Heer want “die afloskrete van
die aasvoëls, van die wildehonde
en die kraai” verdig in hierdie ryper
uur tot pynvertrekte gewetenswonde

(Ek gee graag erkenning aan grootmeester DJ Opperman vir die ruim gebruik van woorde en grepe uit sy meesterstuk: Gebed om die gebeente)

8 antwoorde op Skrikwekkend

  1. tina10 het gesê op September 29, 2014

    Ai ek leef liewer in die laaste tyd in ontkenning … makliker

    Lekker om jou te sien. Hoe gaan dit?

  2. @louisna
    Hi Ouboet – “long time no read”.
    Treffende foto en ewe treffende woorde.

    Perdegroete

    Frik

  3. spokie het gesê op September 30, 2014

    @louisna
    Ja, dis is ‘n skrikwekkende foto. Ek het dit al ‘n paar keer gesien, maar spreek dit elke keer weer.

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.