Jy blaai in die argief vir 2012 Mei.

Capricorn en Libra saam

Mei 30, 2012 in Sonder kategorie

Bok en skaal
tob dikwels oor
hul grou verhaal

skop en weeg
hul more’s leeg,
reeds 24 jaar

Die sterre maan
teen bok en
weeg in die eg

en tog die
deuntjie draal ‘n
lente-aangesig,

fnuik soms, ja
op en oop, dié
duister kombinasie

Gewete

Mei 28, 2012 in Sonder kategorie

Selfs waar die metafoor

uit los gedagtes spring

is skuld tog so vennynig kru

op die homo sapiens-siel

Die fynvat van jou Chopin

hande troos maar droog

nie trane af Jou lyding laat

‘n natkol op die bladmusiek

Eens was jy die kartels

van ‘n lang dag se lafenis

jou tenger lyf die brug na

mooi en nuwe horisonne

maar die traagvat van jou

skurwe hande skend in

hierdie stil uur van ootmoed

pyn en seer verlange

Jou skugter skurwe hande hou

nou my gewete vas, sny deur

dertig jaar se skande en brand

grotesk deur senuwee en siel

Tyddeel

Mei 28, 2012 in Sonder kategorie

 

Vandat ons weer een is

deel ons tyd

‘n halfvolmaakte

ewigheid

 

op al die plekke waar

ons eenmal was

Die aankleef en die eenwees

word die rigsnoer

vir die prettigheid

van vleesword

 

Sonder die free-for-allgeit

van timeshare

Die rooi sticker

Mei 27, 2012 in Sonder kategorie

 

Die hedendaagse lewe is vol

stickers, mooi rooi stickers

 

Laat pa jou leer ou seun

grootte tel nie meer vandag

 

hoogte tel veel minder want

alles is soos van ouds weer plat

 

Maar ou seun, moet tog

nooit vir burokrate lag nie

 

veral nie voor die skare nie

of lag vir dié wat afval nie

 

Die aluminiumleer is lank

rek uit tot tien meter lank

 

Die harde reën gooi gieters

water deur die boonste dak

 

Pa sê no problem waar’s

die bitumen wat lekker plak

 

Die vet oorvrete vark stort

in paaimente na benede

 

Paaiement pyn paaiement

skoenmaker paaiement lees

 

Tien steke later vang sy oog iets

roois op die verwronge raam

 

Volkome veilig vir outjies

tot by tagtig kilogram

Arabiermeisie in hysbak

Mei 26, 2012 in Sonder kategorie

 

Verruklike meisie in swart

komplimentloos afgeskei

 

Sy in die hysbak

hy langs ‘n traan

 

Soet woorde vernietig

‘n blomtuin sterf weg

 

Uit dieptes gans verlore

Bly by my Heer

 

Volrond en swart die

bruid het ‘n rugkant

 

Pa en Ma het saans

saam boekegevat

 

Losweg gebaseer op die volgende ware verdigte verhaaltjie:

 

Hel ma, nou die aand het my hart amper stukkend geskeur.  Ek loop uit my flat uit om gou kos te gaan koop.  Net toe ek die deur toemaak toe kom die allermooiste Kwartiermeise in haar swart gewaad uit die flat langs my uitgeloop. Haar subtiele soet scentreuk en allerfraaiste gesig het my amper bewoe en na aan trane gehad. 

 

By die lift het sy weggekyk. Ek het die allergrootste bewondering vir haar pragtige lyf seker ‘n bietjie te kwaai gewys, ek weet nie.  Haar soepel en slanke lyf met die ideale kombinasie van onderste en boonste bates het my dadellik aan Ina van die KJV laat dink.  Sy het mos so ‘n lang skraal lyf gehad met die allervolste mooi volronde boonste kurwes.  Geen niks is met silikon of met die mes gelig nie. 

 

Ek kon dit aan die subtiele skud van haar lyf sien toe sy stap. Hulle gee lokkend mee en met elke grasieuse tree wink sy my die soel aandlug in. Anyway ma, toe die lift kom, en toe maak ek ‘n waarderende grasieuse buiging om die mooi meise eerste te laat inklim.  Sy gaan staan toe in die lift, voor die opening en gee my die idee ek mag nie saam met haar inklim nie. In fact, sy was persistent dat ek nie saam met haar mag inklim nie.

 

Kwartier gee my dus net daar en dan die allerhardste emosioneel skokkende snotklap van my ganse lewe met haar terughoudende gebaar. “You don’t want me to come in?”, vra ek in die soetste stem.  No. Net dit, no.  Niks meer nie.  Die deur gaan toe en die soet scentreuk sterf weg. Die soetste klank van Lapaloma wat oorle pa so mooi op die klavier gespeel het, sterf weg.  Ek hoor hoe sing julle soos van ouds weer Uit dieptes gans verlore, op die ou beryming, saans toe julle in die kamer boeke gevat het.  Ek sien weer vir Ina en haar mooi lyf. 

 

Sy stap weg, soos destyds. Sy laat my in die donkerste oomblik van smart met ‘n gekweste siel. Sy deurboor my soekende siel my met haar ferm gebaar. Ek was  ‘n gebroke man. Hel ma, my hart was stukkend.  Captain moes my die volgende dag emosioneel koudlei.

Die mooi girl langs Loftus

Mei 25, 2012 in Sonder kategorie

Van Bondstraat tot Café 41

 

Ek sien ‘n brug, ‘n beraad

Vorster se ’75 brugberaad

Ek sien ‘n hek, memory

lane se geroeste hek

 

Grysdonker die kaats

teen Sterland se ruit

Stadig bring repies lig

soet memories terug

 

Die mooi girl langs Loftus

bond met ‘n naam en ‘n

nommer. Die Apies se brug

skif stunning memories oop

 

Aangrypend mooi verskyn ‘n

jong vrou teen ‘n Café  se ruit

Verruklik ontwaak uit drie

dekades se winterslaap

Disneyworld

Mei 25, 2012 in Sonder kategorie

 

Hierdie plek is

ver van die huis af

want niemand raas nie

 

Hier’s geen generasiegaping

nie want almal dink

en doen dieselfde

 

Pa se kind is pragtig groot

hy speel en ry so goed

soos Pa en Ma

 

Pa en Ma is vinnig om die draai

soos wie weet wat se kind

net die lyf en gadgets pla

 

Hier is grille, brille én pille met magic gelaai

Hier waar waar grootmense kinders word

en kinders grootmense word

Voedselketting

Mei 22, 2012 in Sonder kategorie

 

Jy’s blink en groen

half té groen om natuurlik te lyk

maar groen is groen

en groen is lewe

jou habitat is nat en bruin

wat groei bevorder

Jy dikteer die voerselketting

Jy’s so groen

jy’s aan die

einde van die veredelingsproses

die onderste einde

die voedselketting stop by jou

jou hinderlike, stinkende

en zoemende

metallicgroen

drolbrommer

Vier resitasies oor ouderdom

Mei 22, 2012 in Sonder kategorie

 

Hierdie poginkies is al alleen geplak, maar saam vorm hulle ‘n ensemble van die eerste lewe.

 

1          Ouderdom (Baie oud)

Die peerboom sal nie

weer wit blom nie

Die gety suig te sterk

vir sagte woorde

Briektraag

stomp en harde woorde

plavei hulself

en rig die stroom vanself

soos wat die gety vanself

muteer

Met oudword gebeur alles

sommer vanself

pretensieloos

rigtingvas

en tranerig………

soos die knop in die keel

 

2          Alzheimer (oud sonder lewenskwaliteit)

 

Môre is ‘n mooi dag

Ongelukkig is dit gou oor

Hierdie vae gevoel van fokol

weet en heelwat meer sê

is meer as ‘n illusie

wat onwetend

insluimer as die drif dun raak

en siestogs oor die kens rand kots

 

Bliksim Ouboet

die oes is skraal

die tref genadeloos

in die one-way skemer wat

onaangekondig

onwetend

oor ons vaardig raak

Môre was ‘n kak dag

Ongelukkig gebeur dit weer

 

3          Vyftig (Relatief jonk)

 

Die mosaïek van saamwees

simfonie ‘n bruidskleed

net vir jou

Die stories op my hande

stol in vyftig soene:

een vir elk van jou seisoene

Memory lane

se hek het wit omboorsels,

veel witter as die peerboomblom

Die wysies van ons jeug

is Vlaamse kant

Hul repies skik en

jaag nog vyftig soene

voor die one-way skemer

oor ons vaardig raak

 

 

4          Klief   (… baie jonk)

 

 ‘n Gestolde vlug en ‘n wens

is soms, vir ‘n klieflike oomblik,

skrikwekkend eenders

 

Jy trek jou aan met al my strewes

ligbloubloes met sagte repies wit

vir vlugte saam Onthou dat eerste

klief soms vreemd en skugter is

 

Vir my voorjaardrome deurvatdiepblou

rokkies met jou malssag half skugter agter

skanse van virlaterbêre toegesluit Tog

sien ek die najaar in jou diepbruin oë

 

Die strewe om jou waardig bo te kry

het jy geruisloos-plooiloos aan my streel

vermoed Nou speel jy hard to get met

polonek, bodyshirt en skurwe jeans

 

Jou mooi motifies gaan nog opstyg

voor my oë Ek wonder wie, ek of jy,

die boonste groot knoop motiefloos

sonder wantroumosies los gaan kry

 

Later as ons by die twee aftrek presstuds

kom bliksem Ounooi dan dink ons in gelid

en vat vreemde hoogtes soos die kuiken

wat val met sy ma wat hom vinnig vang

Ek wonder hoe vorder Piet Byl met die moordsaak

Mei 21, 2012 in Sonder kategorie

 

Dit is nou amper 2 maande sedert Inge Lotz se pa vir Piet Byleveld aangestel het om haar moordenaar te vind. Ek wonder hoe vorder hy? Mens hoor niks. 

Ek sien daar het reeds 2 magisterverhandelings wat deur haar moord geïnspireer is, die lig gesien:

  •  een is in Engels ( creative writing) naamlik Antony Altbeker se boek oor haar:  Fruit of a Poisoned Tree) en

  • een in joernalistiek wat bevind het dat koerante Fred van der Vyver onregverdiglik verkeerd voorgestel het en  sy beeld benadeel het voordat die hof hom onskuldig bevind het.

Was daar al ooit ‘n moord in Suid Afrika wat letterlik die rekordboeke in verskeie areas herskryf het, soos?

  •      Die wreedste moord

  •      Die “passievolste” moord

  •     Swakste speurwerk ooit

  •   Meeste evidence “geplant”

  •       Meeste koerant- en ander nuusberigte
  •   Grootste “geheim”

Ek hoop Byl kry haar moordenaar gou en die reg loop sy pad.