Jy blaai in die argief vir 2011 Junie.

Hulp aan ‘n “vreemdeling” oor die waters

Junie 29, 2011 in Sonder kategorie

Ek kry nou die dag ‘n oproep uit New Zealand.  ‘n Veearts wat op Onderstepoort geswot het en nou in Kiwiland woon, het gehoor ek het ‘n boek oor die Naudé-familie geskryf. 

 

Sy skoonpa en my vangenoot  is ‘n afstammeling van  Bethal-dopstigter Petrus Johannes Naudé, my grootoupagrootjie se jonger broer .

 

Skoonpa word binnekort 80 en veearts moet ‘n speech maak.  Nou soek hy familie-inligting. Sy beter helfte se oupa was Rooi Japie en toevallig het ek ‘n ruim stuk oor Rooi Japie geskryf.

 

Ek epos my boek vir hom en na ‘n opvolgoproep of drie hy sit die Lazyboy in overdrive toe hy Rooi Japie mooi raaklees.

Veearts is dolgelukkig. Ek het hom nog nooit met ‘n  oog gesien nie, maar ons gesels soos bloedbroers.

Ons deel ‘n grappie of twee oor WB 2011 en sê koebaai asof ons mekaar binnekort weer gaan “sien”


Ai, hoe klein is ons wêreldjie tog nie.

Sulke nice gebeurtenisse maak ouboet se dag.

Imagine

Junie 29, 2011 in Sonder kategorie

Jammer ek kan nie vandag upload nie.

http://www.youtube.com/watch?v=wLlwO7178Vs

"You don't need anybody to tell you who you are or what you
are. You are what you are!"

-- John Lennon

Mooi dag verder.

Blog-kompetisie

Junie 29, 2011 in Sonder kategorie

Sewe goed oor myself

1.       2 meter lank

2.       Soms skaam

3.       My vrou en kinders is die belangrikste in my lewe

4.       Het eenkeer gecrib (Duitse woordeskat)

5.       Op die plotte grootgeword (aan die verkeerde kant van die spruit)

6.       Hou nie van karwagte nie

7.       Maak self potjies

Ewas, dankie vir die nominasie. Ouboet het inderdaad ‘n sagte hart

Ek nomineer:

1.       Kobus

2.       Elsa

3.       Christo

4.       Kammi

5.       Jan Twak

Goeienaand almal

Junie 27, 2011 in Sonder kategorie

Gauteng se koue het effens verbeter maar dis steeds koelerig.

Ek droom gisteraand die Stormers wen die final teen die Reds.

Mooi aand verder

Stoepgroete,

ouboet

Hou verby “tree aan”

Junie 26, 2011 in Sonder kategorie

My beter helfte koop verlede week vir ons kaartjies vir dubbel-Hertzogpryswenner Deon Opperman se stuk Tree aan in die Staatsteater.  Wat ‘n teleurstelling. Oordrewe en botterbedrupte resensies het toe ‘n eenvoudige toets gedop

.

‘n Kwartier se storietjie word in ‘n drie-uurlange “OK, what’s next?” ingewurg. Die gesingery en flou lirieke was vervelig.

Hier en daar het ‘n los opmerkingkie my aan my dae by SAW & seuns laat terugdink. Die emosiebelaaide stukkie op die grens met ‘n enkele sarsie AK 47-geweerskote was swakkerig.

Dialooglose stiltes is nie strelend op ‘n vol blaas nie.

Hou verby “tree aan.”

Geniet die dag.

Jammer Sharks-ondersteuners

Junie 25, 2011 in Sonder kategorie

Die vyand was bietjie te sterk vir julle. Toe leer hulle julle ‘n rugbyles.

Nou wonder ek wat gaan die Stormers doen.

Interessant dat January sy uittrede aangekondig het.

Eerder dit as ‘n ge-uitjouery deur die skare.

Dit is erg koud hier by ons.

Tyd vir ‘n rooietjie. Die Boeing is so pas oor.

Lekker naweek verder.

Div se span

Junie 21, 2011 in Sonder kategorie

Ek slaan my hande saam. Kan iemand my asb vertel:

  • Wat maak January ‘n beter keuse as  ten minste 10 ander skrumskakels waaraan ek dink
  • Hoekom Johan Muller terugbring? Het ons nie ten minste 5 beter slotte hier te lande nie?
  • Hoekom is Sarel Pretorius en Peter Grant misgekyk?
  • Ek het nog ten minste 5 vrae, maar kom ons laat dit daar.

Ten minste 6 van die 49 spelers laat my aan die 49-0 nederlaag teen OZ ‘n paar jaar gelede dink.

WB 2011, hier kom ons.

Geniet julle dag.

Sielkundig sterker maar die ouderdom begin pla

Junie 20, 2011 in Sonder kategorie

Ek het die blou nederlaag verwerk

Net-net.

Maar vanoggend snap my rug toe ek

50kg kos vir die poue uit die boot tel

Nou is my linkerbeen soort van dood

en ek loop kruppel.

GP: ouderdom is nie vir sissies nie.

OK maar ek is nog nie oud nie

GP: Jy dink so. Drink jou pille

en onthou, die swaarste wat jy

mag optel is ‘n ligte nagrokkie

Ouboet: OK, ek maak so

Lekker aand vir julle

Stoepgroete

ouboet

WB 2011

Junie 19, 2011 in Sonder kategorie

Duidelik is daar diepte op streeks- of provinsiale vlak

MAAR of die talent op nasionale vlak gaan deurwerk

is onseker.

Die drienasies en WB 2011 lê voor en wie gaan speel?

Die beste span op meriete en Super 15-vertonings?

Die nasionale kaptein haal nie die Super 15-span nie,

maar is as die groen kaptein gekies.

Geniet julle week.

‘n Gekweste ouboet groet julle.

Swart Saterdag in Gauteng

Junie 19, 2011 in Sonder kategorie

So naby en tog so  ver

Dalk moet jy ander goed as rugby begin voorspel

ouboet, want gister het jy twee toetse gedop

Nogal voor die hoofpawiljoen.

As is verbrande hout, maar ‘n wavrag asse kon

dalk die telbord dalk net ietwat anders laat lyk het

Tien uit tien vir Coetzee en Plumtree.

Snorre kan dalk ‘n les of twee by Plumtree leer,

veral oor die waarde van die nasionale kaptein.

Ek sulk. Thanks vir jou bydrae abraham.

Ek het oranje en blou gesien en blanje misgekyk.

Nou vee die verloorders hulle gatte met wit two-ply af