Jy blaai in die argief vir 2011 Maart.

Song vir ystervark

Maart 31, 2011 in Sonder kategorie

Sorry ek is deesdae so snoep op die songs.

Geniet

 

Blogperspektief vir die oorgeslaandes

Maart 31, 2011 in Sonder kategorie

‘n Bries het  oor die plein gewaai

 toe blog nog lekker was, en lees

so kraakvars was soos oggenddou

Maar nou hang  stanke  oor die

plein waar dwase poepe hap en

iewers vrede soek in selwe

wat veel harder soek

maar die ontbinde varkkak wat hier

ruimskoots opgedis word voed

helaas net soekers wat nooit vind

10 seconds

Maart 30, 2011 in Sonder kategorie

Ek wou hom eers 5 seconds maak want hy is verspot maklik

Sport

Eers paneelklop toe musiek (of is dit?)

Land verlaat

Deesdae ma

Pragtige lyfie (gehad?)

Raaisel

Maart 29, 2011 in Sonder kategorie

Net 4 leads want hy is maklik

Afkorting

Nie sout nie

Oor 5 dae, min of meer dieselfde tyd

Werk nie met ‘n kopseer nie

Super 15

Maart 27, 2011 in Sonder kategorie

Dit lyk of die kern van die groenspan dalk suidwaarts beweeg.

Andries Bekker het tans geen gelyke nie.  Ek hoop sy vroutjie het hom sy misstappie vergewe.

Jacque Fourie is op vorm, Jean de Villiers lyk beter, Aplon is kookwater en dit lyk of Peter Grant vir Morne gaan lig.  Deon Fourie steek ook albei hande op.

Gee die vyand wat hom toekom. Die Stormers speel tans briljante rugby.  Ons het gister teen die Lions erg gesukkel en “groot nommers” is op die afdraendepad.

Arme Cheetahs het stoom verloor en is weer laaste.

Watch die Sharks op neutrale grond.

Geniet julle naweek. Hier reen dit lekker.

Laaste 30 seconds

Maart 26, 2011 in Sonder kategorie

Bul teen bul

8 jaar verskil

Ouboet like een meer

Albei dood

maar woorde leef voort

Nog ‘n clue: Die aap sit in die bamboes vas.

Onthou, ons praat van 2 bulle

ANTWOORD:

NP van Wyk Louw se Raka is inderdaad ‘n meesterwerk. DJ Opperman se Komas uit ‘n bamboesstok is die mees bekroonde digbundel in Afrikaans. Hiermee bring ek hulde aan die groot bulle.


Die aap is dus die aapmens in Raka. Die bamboes is selfverduidelikend.

Opperman bly my held en Breyten is die grootste lewende digter.

Dankie vir die saamspeel.

Nou gaan ek kyk hoe die Force die vyand aanvat.

Vir Mieke. Ouboet die vredemaker en parfuum

Maart 25, 2011 in Sonder kategorie

As vredemaker het ouboet oor dekades baie van parfuum geleer:

Les 1: As jy diep in die stront getrap het, kan ‘n botteltjie waarvan sy hou help, maar dit moet mooi toegedraai wees en met ‘n pennevruggie vergesel word      

Les 2: Moet nooit dink jy gaan jou geliefde surprise met ‘n brand waarvan jy hou nie. Vrouens het hul eie smaak en voorkeure

Les 3: Vra ‘n vriendin se raad en moenie die mooi poppie by die winkel  se raad volg wat voorstel jy moet self kies nie. Daai spateltjie op die kladpapier en die koffiebone wat jy tussenin eet werk nie. Na die derde snuif ruik almal dieselfde

Les 4. Parfuum gel met ‘n vrou se vel. Wat met wie gel kan slegs vasgestel word nadat ‘n druppeltjie op haar vel wat mooi ingetrek het  ‘n “wow” uitroep uit haar eie mond die finale oordeel fel.

Les 5. Jy gaan nie cheap afkom nie.  Die price tag is nie dieselfde as ‘n rojale uiteet vir 4 in ‘n posh plek nie.

Les 6: Gaan vir parfuum en nie vir sprays nie. Second best is nie vir ‘n special girl nie.

OK, watter brands het gewerk?

  • Poison
  • Ysatis
  • Issy Myake
  • Spellbound
  • Jadore

Wat het nie gewerk voordat ek die lesse geleer het nie?

  • Private collection
  • Chanel no 5.  Ruik OK maar dit verdamp voordat jy die kar start, en onthou die aand lê voor.

Vragie: Wat laat ‘n goegaangetrekte vou, wat stylvol gegrimeer is, nog mooier lyk? ‘n Verruklike druppeltjie uit ‘n mooi botteltjie.

En, o ja “Jy lyk en ruik stunning” werk.


Nog leads vir Anha se raaiseltjie

Maart 25, 2011 in Sonder kategorie

1 Sy lyk so half en half soos haar naam

en is

2 so opwindend soos rolbal

Toe geen ek vir Lou die volgende addisionele leads:


3 Monargie
4 Volop in Afrika
5 Vertaal in tweede taal

Hier volg nog 2 leads en nou gaan almal weet:

6 Haar voorganger is tragies dood

7 Sy het opgemerk: The marriage got a bit crowded

30 seconds raaiseltjie vir Anha

Maart 24, 2011 in Sonder kategorie

Sy lyk so half en half soos haar naam

en is

so opwindend soos rolbal

30 seconds

Maart 24, 2011 in Sonder kategorie

 

Anha moet ‘n rondte uitsit want sy is te slim.

 

‘n Pragtige jaar, net

voor die myl geval het, wink 

meer as net ‘n heuweltjie

‘n Man uit All Black-land

was eerste bo

 

OK, die antwoord is uit. In 1954 kry Roger Bannister die feitlik onmoontlike reg om die myl onder 4 minute te hardloop. In 1953 sit Sir Edmund Hillary van New Zealand eerste sy voete neer op die kruin van Mount Everest.