Profile photo of lisa

by

7e Laan se moses

September 30, 2010 in Sonder kategorie

Ouma het die twee skerminkels in die selle gaan beskou – sommer so terwyl sy wag vir die verklarings en dinge om klaar te kry.

(Heimlik dink ek sy het die aanklagkantoor op horings geneem soos net sy in haar nommer 4 skoene  dit kan doen.  Sy moes immers haar staptog saam met ‘n vriendin in die Kouga Wildernis kortknip,  omdat sy die  gesteelde goedere  moes gaan uitken).  

Baie erg op haar perdjie is sy dus na die selle om die vyand en haar eie vrees (vreesloos) te konfronteer (sy was glo net effens uitasem).  Toe vertel sy die twee manne hulle fortuin en eis om te weet wat hulle in haar huis gemaak het, en waar hulle die res van die goed wat sy vermis weggesteek het. 

En, na bewering, het sy toe stil op die bankie gaan sit waarheen die speurder haar beduie het.

Nadat alles afgehandel is,  is sy terug selle toe, om vir die twee skerminkels  wat byna haar huis laat afbrand het, en wat jok sonder om ‘n ooglid te beweeg, en wat ‘n groot gemors gemaak het die sak vol  tuisgebakte gemmerkoekies te gaan gee wat hulle aanvanklik gesteel het.

My liewe man het amper bloupipperellakoors gekry.  Daarom, se sy, is dit maar beter as  hy liewers nie van al haar bewegings weet nie.  

Ek weet julle sal nie vertel nie. 

En toe

4 antwoorde op 7e Laan se moses

  1. Sal nie!

    🙂

  2. My lippies is gezip
    belowe!

    Ek laai jou ma 😀

  3. Trakie het gesê op September 30, 2010

    Sallie. Belooowe.

  4. Lekker humor so tussen die drama deur

Los ’n antwoord vir rosiemetdorings. Kanselleer antwoord

Jou e-posadres sal nie gepubliseer word nie. Vereiste velde word aangedui as *.