Profile photo of lisa

by

Nora Jones

September 8, 2010 in Sonder kategorie

Ek het Nora Jones se musiek leerken as gevolg van Wilna Adriaanse se Rebecca.  Sy het dit soveel keer as agtergrondmusiek gebruik in die verhaal, dat ek genoop gevoel het om die musiek vir my aan te skaf.

Dit was liefde met die eerste luister.

Enkelliefde.  Want Mnrlisa glo dit is die klank van ‘n kat wat pynlik besig is om te sterf.  Ons musieksmaak oorvleuel geredelik, maar daar is die hopies cd’s wat die een van die ander vermy. 

Met vriende wat gisteraand by ons gekuier het, weet ek weer presies waarom Adriaanse Jones se musiek in haar verhaal gebruik het.  Omdat dit perfek pas.  Omdat dit emosie in mens (dis nou mense met goeie smaak :-)) wakker maak.  Omdat dit die pasta en die slaai en die wyn en die skuimerige koffie en die saamwees sag en sleperig in die agtergrond komplimenteer.

Dat die res van die geselskap die kos meer as die musiek waardeer het, is ongelukkig so.  Dat ons laataand gegroet het met “Walking in Memphis” in die agtergrond is ook so.  Dat dit steeds ‘n heerlike genoeglike aand was bly so.

Maar vanoggend wil ek nog bietjie luimer in die herinnering aan daardie perfekte oomblikke toe die klank  sleperig in my gemoed gemeng het met smaak en tas en reuk en wees.

12 antwoorde op Nora Jones

  1. Jy beskryf dit so mooi in jou laaste reël. ek gaan koop sommer ‘n Norah Jones cd…

  2. zephur het gesê op September 8, 2010

    Klink na ‘n lekker kuiertjie

  3. ajhart het gesê op September 8, 2010

    Love that Nora Jones a lot, but Marc Kohn’s “Walking in Memphis” is my best version. Thank you for the visit 🙂

  4. …Ek hoop jy is al bietjie afgekoel na jou nare paspoort ervaring!

  5. Dit was…rerig rerig lekker!

  6. Jaaaaaaa…ek is bly jy hou van haar!

  7. Thanks Jo…

  8. Trakie het gesê op September 9, 2010

    Ek het 2 van haar CD’s.

    Geniet die luimer!

  9. Dankie Kelkie…jy het goeie smaak!

  10. Katie Flenters?

  11. Baie nice geskryf. Ek kon haar musiek hoor en die kos ruik!

  12. Goeie inskrywing. Met gevoel!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.