Profile photo of lisa

by lisa

Staple remover

September 11, 2014 in Uncategorized

Help gou bietjie hier…wat is ‘n staple remover in Afrikaans?

 

Profile photo of lisa

by lisa

Verligting.

Oktober 26, 2012 in Uncategorized

“ Shadows” – a portrait

Opgedra aan Peter Sibeko

 

Soos die lig van voor oor jou val

le die skadu rokerig knus agter jou

skouers en jou rug en jou vlees

tot ek sien op ‘n dag die mistige swart

versluier onheilspellend stil jou oe

in aktiewe teenstand van wie jy moes wees

en moes word, ‘n vrye gevangene van die

ewigteenwoordige vaders wat jou vergesel

en gesel waneer klip op klip jou voorhuid

teken word van die verbond wat jou

verkneg van geslag tot geslagte

bok of bees of lam –

ingekombers in jou inisiasie mantel van

van rokerige blindheid oor Afrika

wat (soos die ontbloting van The Spear) sal val.

 

Profile photo of lisa

by lisa

ek weet nie ek wonder ek wag ek wens ek weet

Oktober 20, 2012 in Uncategorized

 

tussen Niks en Nerens moet daar iets wees erens

wat die onrus en onklaarheid kan voltooi –

wat in helder lig duidelik sigbaar die weg kan wys

sonder misleiding en bevrydend eenvoudig kan se:

Hier is Hy.

 

ek dwaal tussen stemme en stamme en vanne

en  Woorde en klank en ou mense en perels

op soek na die sin in die Sin wat onomwonde

die hele verhaal kan vertel

van die voortyd tot die eindtyd

jota en tittel en titel en nota

vir my gelos te ontrafel soos die ingang van die

deurknoplose uitgang  in die mission van St Raphael

Profile photo of lisa

by lisa

Kaalvoet oor die Drakensberge

Augustus 30, 2012 in Sonder kategorie

Opgedra aan Susanna Smit (wat ek nooit geken het nie, en ek ook nie wou wees nie)

 

 

Eendag het jy vir my gese ek bly daar tussen Niks en Nerens

en ek wonder of iemand ooit die woorde sal lees

wat ek weef wyl ek werskaf voor ‘n Dover stoof

en die wat ek liefhet bedek en toedoek en ophemel

toe sien ek die bordjie staan: R62 Niks N9 Nerens

met ‘n onklaar motor gestrand tussen Heap-of-stones en Betel

word hierdie plek my Getsemane:

in die olyf-pers word my vlees gebreek

en fyngemaal wyl ek uitloop in nuwe openbaring

van Elbetel en die bakermat van my bestaan.

Profile photo of lisa

by lisa

Fakkel en lig

Augustus 23, 2012 in Sonder kategorie

…..

Profile photo of lisa

by lisa

J. A. Lasarus.

Junie 14, 2012 in Sonder kategorie

In die nag het ek oor jou gestreel, Hopie Bene en Vleis en Drome,

vas aan die slaap en onbewus dat ek met olie onsigbaar jou township hondelyf salf:

Van jou kop oor jou gesig en jou skouers en jou arms en jou bors en jou buik

en jou geslag en jou bene en jou voete en jou kuite en jou boude en jou rug

en jou skouers en jou hoof-

     Dat jy jou kop mag verloor

     Dat jou fonteine sal oopgaan

     Dat die glaswande van jou tombe in duisende stukkie sal skiet

     (Maar jy sal aan die sykant uitkom).

 

 

Hopie Bene en Vleis en Drome,

ek smeer jou in met olies en mirre en gebed

en op ‘n manier le ek my drome af vir joue:

Staan op my Lief! die dag het gebreek,

sodat ek kan sien hoe jou stert kwispel en jou pels blink,

en ek jou waters kan hoor ruis.

Profile photo of lisa

by lisa

Piekniek op die groen gras.

Mei 15, 2012 in Sonder kategorie

 

jou bruin lollielyfie met die bekkie rondom vol soet

kaal voetjies en boudjies wat ruik na a

handjies wat beduie en beentjies wat flikflak

armpies wat om my nek my wurg en vra dat ek jou moet ba

wyl ons kolwyntjies eet en speel en woel op en onder my kombers –

peek-a-boo en waar’s jy en daar’s jy kielie ek jou magie en luister hoe jy kraai

(onsigbaar verhul in Hom en onder die radar

haal ek jou en julle en hulle profeties uit met my kombers

wat julle toedek en my mantel word van gesag

en op Sy Woord se my woord: Release!

en hy moet gee dit wat ek eis, en laat los in volbronge finaliteit)

wyl ons speel en bollemakiesie slaan en wawiele maak tot

julle opkots van die soet sjokolade versiersel en ek moet sluk aan die liefhe

wat a en b en c en ander dinge insluit wat onverfyn en aards is

maar Goddelik in Sy natuur

Profile photo of lisa

by lisa

The case of the missing sock(s).

April 17, 2012 in Sonder kategorie

Die misterie rondom die verdwyning van die Lisa-huishouding se sokkies is steeds onopgelos. Na ‘n onderhoud met die huishoudster en die wasmasjien is ‘n nuwe reeks vraagstukke ontketen.

  • ·         Is daar ‘n verband tussen evolusie en die sokkies?
  • ·         As ‘n slangkopvis op droe grond kan beweeg, en selfs ‘n koelhouer se deksel kan afgooi in ‘n poging om te ontsnap, sou dit ook moontlik wees vir ‘n sokkie om uit ‘n tuimeldroer of wasmasjien te ontsnap, en hoe ver kan so ‘n sokkie sonder sy maat beweeg?
  • ·         Indien die sokkie wel ontsnap het gedurende die wasproses, waarom is daar geen aanduiding op die forensiese verslae van seperige water op die vloer van die waskamer nie?
  • ·         Indien die sokkie gedurende die tuimelproses ontsnap het waar sou dit skuilhou tot die honde slaap? Is dit dalk ‘n geval dat die sokkie die honde gemesmeraais het om sodoende ongeskonde te ontsnap, of is hier sprake van ‘n baie groter ondergrondse beweging wat saamwerk?

 

Polisie hoop dat hulle op die punt staan om ‘n hele netwerk oop te vlek, en die moontlikheid dat die honde betrokke is , of selfs die wasmasjien self, is nie uitgesluit nie.

In ‘n ontstellende artikel in vandag se koerant word daar deur ‘n wetenskaplike gewaarsku dat navorsers hulle nie moet blind staar teen die forensiese verslae wat aandui dat daar geen spoor van seep of water op die vloer voor die wasmasjien gekry is nie, en dat die moontlikheid dat die sokkie(s) luglangs kon ontsnap nie uitgelaat moet word nie. Hy verwys in die artikel na die feit dat slangkopvisse ook hulle vinne vir loop kan gebruik, en dat sokkies wat normaalweg loop, ook dus sou kon aanpas om te vlieg.

In ‘n ander artikel word breedvoering dekking gegee aan die beplande landswye protesaksie deur aktiviste wat ondersoekers probeer verhoed om die onbetrokke honde aan ‘n reeks toetse te onderwerp om te bepaal waarom, indien dit ‘n geval van ontsnapping uit die wasmasjien of tuimeldroeer is, die honde in geen aaangemelde geval ooit alarm gemaak het nie.

Wat my egter dronkslaan, is die feit dat Darwin op sy sterfbed in diepe rou erken het dat hy die wereld mislei het, omdat hyself mislei was op 23jarige leeftyd, en dat die res van sy lewe nie lank genoeg was om die storm wat hy gebaar het, te stuit nie.

Wat, vra ek jou, wat word dan van die sokkies?

 

Profile photo of lisa

by lisa

a time consuming job

April 4, 2012 in Sonder kategorie

Dit het vanogend weer met my gebeur. Ek word wakker van my selfoonwekker. Sien die rooi liggie flikker. Korrel met een oog om die boodskap te lees. Word wakkerder. Antwoord die sms, lees die nuutste bbm, scan deur die facebook notifications, vinnig ‘n draai op twitter vir news 24 update. Nog wakkerder. Laai e-posse af. Nugter wakker en ontevrede. Geen vrede. Wonder waar ek kan kliek om God se update te kry. (Ek kan met Snotkop gesels as ek wil. Ek sien Steve Hofmeyer antwoord min of meer alles en almal).

 

Ek wil kliek. Op my selfoon. En dan wil ek daar wees – ingelog, en aanlyn: ek se Hy se ek se Hy se en so aan tot ons klaar gepraat het.   Hy gaan dan seker op ‘n multi-dimensionele vlak aan en ek begin my dag op aarde. Maar ons het gePRAAT.

 

Hierdie frustrasie-versugting-behoefte-dingerige-iets steek sy kop al meer uit. Ek wil met Hom praat en ek wil Hom hoor antwoord. Ek sit soms voor my rekenaar en wonder watter knoppie ek moet druk om kontak te maak…

 

Simpel ne.

 

Sisi word nou te oud vir volweek werk. So ek het vanaand my eie yskas skoongemaak van hoek tot kant. Jiggie. Ek weet nie of dit so goeie ding is nie – ek gaan dit nou elke kort-kort wil doen. Time consuming job – ek voel sommer hoe kom die neurose aangejaag oor die vlakte – daai goetertjies wat ek uitgevee het uit die hoekies en gaatjies wil ek nie onder ‘n mikroskoop sien nie. It is better to know not.

 

But what I do know is this:

 

Ek het gisteraand mnrLisa se skouer papnat gehuil toe ons A Night’s Tale kyk. Oor die pa wat sy seuntjie so wragtag wegstuur om sy sterre te gaan verander. Dis vir my so sad ek weet nie hoe ek dit het nie, want hy stuur hom weg sonder enige waarborg. Ek hoop maar hy het geweet alles sal regkom. Ek hoop dis daai stuk geloof sonder getekende waarborg of bevestiging in triplikaat.   Hulle lag vir my, en mnrLisa maak vir my rooibostee. Die seuns se ek moenie worry nie niemand gaan dood in die storie nie, en die dogters se dis nie eers wreed nie, maar hulle sal se as ek moet wegkyk.

 

Ek weet dis oor die vakansie amper verby is, en ek not te donner weet hoe ek weer koebaai gaan se vir die kinders nie. Vir ‘n beter lewe vir hulle. Op die ander dorp.   Nou’t ons drie huise. Ons huis-huis. Ons huis by die see waaraan ons nogsteeds bou. En ons huis op die dorp waar die kinders in die koshuis is. Party weke pak ek nie eers ons tasse uit nie, gooi net nog onderklere in vir ingeval en gryp die selfoonlaaiers. Ek weet nie meer waar al my goed is nie. En ek worry ook nie eintlik meer nie. Die belangrike dinge het erg onbelangrik geword, sodat ek wonder hoe de joos ek ooit gedink het die tafeldoek en die oorbelle het enigsins iets met enige iets uit te waai.

 

Die yskas is gefieks, maar niks is gefieks nie. Ek het ons gesin nog nooit so geniet nie. Ek het nog nooit so erg geweet hoe tyd verby gaan nie. Ek het nog nooit so baie gelag vir hierdie 5 mense wat stukke van my is en tog so heeltemal hulle eie mense is nie. Ek het nog nooit so erg behoefte gehad om God te face nie.

 

En die flippen baie woorde op die KKNK krap my net nog meer om. Almal sing oor iets. Net mooi niemand sing oor niks nie (behalwe dalk Wikus vd Merwe wat soos ‘n lafenis was, maar toe eindig hy sy show met “Nag ou Grote”, en stuur so sy betekenislose woorde ook in hulle peetjie in. Want nou wonner ek of hy sy pa gegroet het of sy Pa of dalk sy pal wat dood is die naweek).

 

Ek haaat ‘n skakelbord spyskaart, maar dit sal so lekker wees om te hoor:

Vir God druk een…

Profile photo of lisa

by lisa