Storm en drang

Maart 18, 2010 in Sonder kategorie

  

 As jy my los, net soos ek is

dwaal ek verstomp in oggendmis

in donker drogwoud, eie waan

langs skewe borde, leunend aan

geroeste hekke. kronkelpad,

en ou murasies; drome wat

my voort laat sloof, met immers al

die kneusplekke van bots en val,

tot waar ek, afgeleefd en week

teen windmeulens ‘n lansie breek.

 

Maar jy, my lief, kom haal my weer

uit donker kerkers; troos my teer –

met koele hande wat my sus

vergader jy weer wat ek is.

12 antwoorde op Storm en drang

  1. Trakie het gesê op Maart 18, 2010

    Dis sulke woorde wat harte steel.

  2. zephur het gesê op Maart 18, 2010

    Hallo Jan mooi geskryf

  3. Berwick het gesê op Maart 18, 2010

    Dagsê, Jan.

  4. Janklaas het gesê op Maart 18, 2010

    Hallo daar, Berwick.

  5. Janklaas het gesê op Maart 18, 2010

    Baie dankie, Zeppie!

  6. Janklaas het gesê op Maart 18, 2010

    Mmm, dankie!

  7. DallaSePa het gesê op Maart 19, 2010

    JK … “met koele hande wat my sus
    vergader jy weer wat ek is” … so mooi …

  8. Janklaas het gesê op Maart 19, 2010

    Baie dankie, DsP.

  9. Janklaas het gesê op Maart 19, 2010

    Hei dankie, Spokie!

  10. lisabeth het gesê op Maart 22, 2010

    Aah, mooi mooi!

  11. Janklaas het gesê op Maart 22, 2010

    Baie dankie, Lisa. Immer ydel, is dit tog maar vir my lekker as iemand dit geniet het.

  12. lisabeth het gesê op Maart 22, 2010

    Ek weet nie so mooi van die IMMER YDEL nie! 🙂

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.