Kan ‘n man dan nie…

Februarie 20, 2010 in Sonder kategorie

Vir die soveelste keer klik ek op “skep ‘n pos”. Vir die soveelste keer maak ‘n beskuldigende, leë bladsy oop en staar my knorrig aan.

Lyk my ek het deesdae ‘n geit wat ek nie te bowe kan kom nie. As die kombers van roetine en goeie, eerlike werk oor my toesak, sluip die muse soos kaal muise onder hom uit en gaan soek elders ‘n heenkome – waarskynlik by die politici…

Soggens staan ek onder die stort, oudergewoonte my dinkplek, maar al wat deur my gedagtes gaan is die dag se klasse, geldsake en werkplanne. Ek verveel myself!

Ek sien nie kans om julle ook te verveel met die besonderhede van die krakende ratwerk van my daaglikse bestaan, as daar nie minstens iets interessants is om op te noem nie.

Dit kwel my, regtig. Ek het agtergekom blog is een van die lekkerste goed wat ‘n mens met ‘n broek aan kan doen, en ek mis dit kwaai. Ek mis die prettige kommentaar, die gesprekke, die wyshede en die omgee.

Ek vestig my hoop op tyd, dat die ‘spirit’ my weer sal gryp as hierdie eerste golf van die nuwe jaar se gety oorgaan. So, moenie te gou naar word as ek weer so stuk-stuk begin terugkeer nie.

15 antwoorde op Kan ‘n man dan nie…

  1. …hoop jy kry binnekort weer inspirasie!!!

    Lekker Sondag!!

  2. So gaan dit maar met blog. Goed dat jy kom aanmeld. Groete.

  3. Ek ken hierdie breindroogte waarvan jy hierso praat.

  4. Ek het agtergekom blog is een van die lekkerste goed wat ‘n mens met ‘n broek aan kan doen, en ek mis dit kwaai. Metafoor van die maand.

  5. Hallo, Jan Klaas.

  6. Lekker week, PPD!

  7. Ek beplan ‘n comeback, soos Tiger Woods!

  8. Sulke tye vergeet ek om te blog…

  9. Ek vermoed blote malende roetine is die oorsaak.

  10. Baie dankie, Ghaap.

  11. 🙂 Haai, ouboet.

  12. Ek tjek julle darem nog uit.

  13. Hallo daar, Berwick. Dankie vir die inloer. Sal dit in die vervolg die moeite werd probeer maak.

  14. Moenie te veel bekommer … onkruid vergaan moeilik!

    ;-))

  15. Dis darem ook waar!

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.