Skip to content

Net ‘n bietjie meer meneer.

Kom ons hou ‘n huldebleik vir ‘n dor aarde.
Vir die armes gooi ons ‘n bottel Moët Chandon,
op die
rooi gekraakte
karroo stof
uit.

Terwyl ons rooiwyn “on tap”
uit platinum pype
spuit
en aan Versace sigarette versuip.
In die asem snik
tussen borste
van middel-klas se slete.

Leer ons kinners om flaams en mandarin te meng.
Sodat, die weste ‘n duur arm na die ooste,
kan uit
verleng.

Kom ons transformeer hulle
in billboards met bene in:
En gooi hul hemde,
broeke, en skoen veters,
vol brands met opgemaakte stront:
established in 1969,
enige jaar is eintlik fine.

Kom ons skep NET
‘n paar dae vir liefdadigheid,
sodat ons nie soos sulke doose blyk.

Naai die aarde om
en stop dit wat oor is op:
Mos vir die diere museum
en ons kaartjie verkope
en al ons great
designer kussing slope.

Vergeet van die verlede en die nou:
more se aandele,
winste en grafieke,
kom gou.

Ons kan tog nie wag om:
te maai wat ons saai:
vir net daai groter slice van die pie.

Leave a Reply

%d bloggers like this:
Skip to toolbar