Jy blaai in die argief vir 2014 September.

Profile photo of izakdv

by izakdv

Om in die klaskamer te slaap vir ‘n drama

September 20, 2014 in Uncategorized

Ek word elke nou en dan in my spore gestop oor die opoffering wat nog nodig is vir “gewone” goed in hierdie land.

Schoonspruit Sekondêre Skool op Malmesbury is aan die verkeerde kant van die outydse skydslyne geleë. Tog het hierdie skool al talle toekennings verower vir hulle ongelooflike werk.

Hulle het vanjaar TWEE stukke in die finaal van ATKV-tienertoneel wat op Aardklop plaasvind.

En tog, en tog… Kobie Jacobs, die drama-onderwyser al daar, vertel my baie ouers het nie motors nie.  Malmesbury is ’n plaasgemeenskap en die afstande is groot. Wat maak die kinders dan om te oefen? Hulle slaap in die klaskamer. Dit is die enigste manier hoe hulle die ure kon insit.

Dié skool sukkel nog om genoeg geld bymekaar te maak om vir alles te betaal. As iemand dalk kan help, kontak Schoonspruit Sekondêre Skool op Malmesbury.

Kobie  is vreeslik opgewonde daaroor dat haar groepie so goed vaar. Dit is ’n arm deel van ons land en gewoonlik is daar nie geld om mee te ding met die groot skole nie. “Geld vir dekor en geld vir kostuums is daar nie,” sê sy. Hierdie jaar was daar ’n Duitse meisie wat vrywillige werk by die skool kom den het, en sý het die kostuums vir ons gemaak.”

Haar twee regissuers, Gershwin Cloete, wat “Nog nie vry nie” afrig, en Emile Smith wat “Ons Kleine Dorpie” afrig, is albei oudleerders en hulle gee hulle tyd heeltemal gratis.

* * *

Terloops: Die digter, PJ Philander, was die eerste hoof van hierdie skool voor hy landuit is tydens apartheid.

* * *

Nog ‘n terloops: ATKV-Tienertoneel vind vanjaar vir die vyftigste keer plaas.

Ek het vroeër vanjaar met van die mense gesels wat deur die projek geraak is – hier is die skakel.

Om meer te lees oor vanjaar se tien finaliste, hier is die skakel,

Profile photo of izakdv

by izakdv

Riana Scheepers in Tulbagh

September 18, 2014 in Uncategorized

14 09 14 Tulbagh_090

Riana Scheepers het op Saterdag 13 September in Tulbagh opgetree as deel van die Tulbagh Kunstefees.

14 09 14 Tulbagh_091

Die organiseerders van die fees en die Tulbagh Hotel het baie moeite om ’n baie mooi ruimte te skep vir haar praatjie.

14 09 14 Tulbagh_092

14 09 14 Tulbagh_093

Hier is Nelia Retief en Coenie Visser voor die Tulbagh Hotel. Hulle twee is die hooforganiseerders van die fees.

14 09 14 Tulbagh_095

Hier is Nelia en saam met Johann en Riana. Dit was hulle troudagherdenking. Hulle twee is op Tulbagh getroud. Ons het almal ’n glasie sjampanje gekry saam met die ete – wat deur Riana en Johann geskenk is.

14 09 14 Tulbagh_107

Die kos was heerlik. Die eerste gang was ’n behoorlike stuk bobotie, saam met geel rys, wat uit Riana se Vallei van melk en heuning gemaak is.

14 09 14 Tulbagh_099

14 09 14 Tulbagh_106

Daarna het ’n heerlike melktert gevolg met die resep wat ook uit Riana se boek kom.

14 09 14 Tulbagh_115

Natuurlik het die gaste hulle verlekker aan Riana se stories.

14 09 14 Tulbagh_131

Riana het, onder andere, vir ons vertel hoe Johann haar die hof gemaak het deur vir haar ’n enorme bak bloedrooi rissies te bring een Valentynsdag.

* * *

Besoek gerus http://www.tulbaghtourism.co.za/ vir meer inligting oor dié mooi dorpie.

Profile photo of izakdv

by izakdv

Niël Stemmet tree op in Tulbagh

September 17, 2014 in Uncategorized

Niël Stemmet het op Vrydagaand 12 September ’n praatjie gehou by Raeders Restaurant tydens die Tulbagh Kunstefees.

14 09 14 Tulbagh_005

Die langtafels is gedek en reg vir die gaste.

14 09 14 Tulbagh_009

Die restauranteienaar, Carol Collins, is vreeslik lief vir katte.

14 09 14 Tulbagh_015

Carol en haar twee personeellede het geregte uit Niël se boeke bedien.

14 09 14 Tulbagh_016

Ons het begin met biltongpatee op geroosterde mosbolletjies.

Toe botterneutsop.

Dit is gevolg deur ’n volstruisnekpotjie.

Daarna is Kaapse brandewynpoeding en tuisgemaakte roomys bedien.

Die maal is afgesluit met moerkoffie en koeksisters.

14 09 14 Tulbagh_017

Niël het met die gaste gemeng. Hier is hy met van die plaaslike inwoners. Heel links is Riana Viljoen, ’n bekende boekliefhebber van Tulbagh.

14 09 14 Tulbagh_019

Coenie Visser (links) is die hooforganiseerder van die Tulbagh Kunstefees.

14 09 14 Tulbagh_020

 Nelia Retief (in die middel van die foto) is Coenie se adjudant en voorvatter.

14 09 14 Tulbagh_022

Ons het gesmul.

14 09 14 Tulbagh_023

Die gaste luister na Niël se praatjie.

* * *

Besoek gerus http://www.tulbaghtourism.co.za/ vir meer inligting oor dié mooi dorpie.

Profile photo of izakdv

by izakdv

Mooiloop in Wellington

September 10, 2014 in Uncategorized

_MG_5283

Om te reis is om om te verander. Om die reis aan te pak, verg moed.

Om die reis te voltooi, maak van jou ’n ander mens.

Om te reis is in Gerrit Rautenbach se bloed.

_MG_5296

Gerrit het op Saterdag 6 September in die Breytenbach Sentrum in Wellington opgetree. Ek en hy het gesels en Naomi Bruwer het ook deelgeneem, maar sy het toe van die verhoog af geglip om foto’s te neem.

_MG_5287

Al die foto’s in hierdie inskrywing is Naomi s’n. Dis hoekom ek op so baie is! (Maar sy is ‘n baie goeie fotograaf, selfs ek lyk oukei!)

_MG_5257

Van ons land se grootste skrywers en kenners van kortkuns is in hierdie teks opgeneem. Dít alleen maak hiervan ’n versamelstuk, maar wag tot jy die foto’s sien, dan besef jy, hier is ’n kleinood gebore. Die name in hierdie bundel laat jou reeds lippe aflek: Abraham H. de Vries, Andre P. Brink, Carié Maas, Chris Barnard, Dawid de Wet, Dolf van Niekerk, Eben Venter, Elias P. Nel, Gerrit Rautenbach, Hennie Aucamp, Johan Bakkes, Johan Myburgh, Koos Kombuis, Mariëtte Crafford, Minette Brink, Nanette van Rooyen, Naomi Bruwer, Riana Scheepers en Ronel Nel.

_MG_5293

Lesers van Mooiloop, die Afrikaanse weergawe van die tydskrif Getaway, het geweet die redakteur, Gerrit, se skeppendheid en passie vir die Afrikaanse verhaal het van sy tydskrif veel méér gemaak as ’n vertaling van ’n Engelse maandblad.

Reeds toe die laaste weergawe van Mooiloop in 2008 verskyn het, wou Gerrit ten alle koste die reisverhale van ons land se beste in een bundel bewaar. Dit het ses jaar geneem om hierdie droom waar te maak, en hier is dit nou: Mooiloop, mooiste reisstories is ’n versigtige keur uit die mooiste en die beste van dít wat in die tydskrif verskyn het. Ook Gerrit se visuele insig gaan nie verlore nie. Hierdie boek, in volkleur, bied beide leesgenot én uitsonderlike foto’s.

_MG_5278

M.C.A. Seyffert sê in T.T. Cloete se Literêre Terme & Teorieë: “Reisverhale is so oud soos die mens self. Verhale oor reise was onder die eerste stories wat deur die primitiewe mens oorvertel is…” Seyffert noem ook dat Homeros se Odusseia ’n reisverhaal bevat. Daardie gedeelte ná die Trojaanse Oorlog, toe almal weer op pad was huis toe, word ’n epiese tog van menslikheid, natuur en drama.

Die leser kan nou moderne reise ervaar deur die oë van joernaliste soos Johan Myburg en Naomi Bruwer, of skrywers soos Eben Venter, Chris Barnard, Hennie Aucamp en Riana Scheepers wat jou meevoer na hulle hartland. Die drama is steeds daar: Hulle laat jou die opwinding smaak van daardie eerste duin wat in ’n viertrek baasgeraak word, jou tone krul soos die spoke van die verlede riel trap op ’n vergete dansvloer in die Karoo, of hulle neem jou voetjie vir voetjie saam op die bakleistryd om Kilimanjaro te klop. As jy ooit gewonder het waar die hart van die Kgalagadi nou eintlik lê, sal hierdie bundel die antwoord verskaf, of nog beter, dit sal jou uitdaag om sélf die wandelstaf op te neem om reis lyflik te ervaar.

Koos du Plessis het gevra: “Wie sou die ware swerwer wees? Die een wat reis, die een wat lees?”

Gelukkig het Gerrit gaan reis sodat ons kan lees.

* * *

Gerrit tree nog ’n paar keer op:

Donderdagaand, 11 September, Wilge 10, Hennopspark (Centurion); Navrae anneliecilliers@gmail.com

Saterdag 13 September, Op die stoep in Nelspruit; Navrae an.vdwalt@gmail.com

Woensdag 17 November, Bargain Books Middelburg, Middelburg Mall (15:30), RSVP: Sonja 013 244 1243; middelburg@bargainbooks.co.za

_MG_5273

‘n Mens wonder watter reise hierdie knapie nog gaan onderneem. Theo Kemp, bestuurder van die Breytenbach Sentrum, se seun het pas begin loop. Mooiloop, ou seun!

Profile photo of izakdv

by izakdv

Die VVA deel boeke uit in Kayamandi

September 9, 2014 in Uncategorized

Verlede week was Nasionale Boekweek en die Vriende van Afrikaans (VVA) het boeke, wat deur LAPA geskenk is, uitgedeel aan ’n aantal leerders in Kayamandi.

14 09 04 vva kayamandi_021

Amanda de Stadler en Chareldine van der Merwe het my genooi om ’n paar foto’s te kom neem. Dié twee gee leesklasse aan leerders wat in Kayamandi woon, maar deur hulle ouers na goeie skole buite Kayamandi gestuur word om ’n goeie opleiding te kry.

14 09 04 vva kayamandi_023

Hier gesels Chareldine met twee van die knapies wat vrywillig na hierdie ekstra klasse kom.

14 09 04 vva kayamandi_020

Die boek is Utshepo Mde / Groot genoeg, deur Mhlobo Jadezweni en Hannah Morris.

14 09 04 vva kayamandi_019

Die teks is in Afrikaans en Xhosa. Dit vertel die verhaal van Tshepo wat wil groei, so hy druk sy voete in beesmis en gooi water oor sy kop uit…

14 09 04 vva kayamandi_052

Die storie is eers in Afrikaans gelees.

14 09 04 vva kayamandi_048

Toe in Xhosa.

14 09 04 vva kayamandi_041

Daar is aandagtig geluister.

14 09 04 vva kayamandi_069

Hier is Amanda en Chareldine saam met die kabouters wat elkeen ’n boek present gekry het.

14 09 04 vva kayamandi_049

Om meer te wete te kom oor die werk van die VVA, besoek gerus hulle webwerf: www.vriendevanafrikaans.co.za.

Die VVA het onlangs ’n volfiliaal van die ATKV geword: www.atkv.org.za.

* * *

14 09 04 vva kayamandi_002

Die Legacy Centre is ’n storie op sigself. Dit behoort aan die Stellenbosch gemeente en word bestuur deur die gemeente en die Stellenbosch Universiteit. Hier is meer inligting oor die sentrum: http://legacykayamandi.blogspot.com/p/about.html

14 09 04 vva kayamandi_008

Daar is talle klaskamers wat volgens ’n streng rooster aan instansies, soos die VVA, beskikbaar gestel word.

14 09 04 vva kayamandi_004

Hierdie twee fisioterapeute help ook daar.

14 09 04 vva kayamandi_012

Dit is ’n veilige hawe vir hierdie knape.

14 09 04 vva kayamandi_014

Nie dat hierdie twee lyk of hulle dit nodig het nie!