Jy blaai in die argief vir 2014 Augustus.

Profile photo of izakdv

by izakdv

Middagete met Riana Scheepers in die Tulbagh Hotel

Augustus 29, 2014 in Uncategorized

Hieronder is ’n aantal foto’s van ’n baie onbaatsugtige optrede van Riana Scheepers, maar eers ’n advertensie: Riana tree 13 September in Tulbagh op.

Dit is pret om Tulbagh toe te ry. Die dorp, met sy mooi ou geboue, is maar 120 km van Kaapstad af.

Die Tulbagh Kunsfees is klein, maar die gehalte is puik. Hier is die volledige program.

riana tulbagh

Op Saterdag, 13 September om 13:00, vir die prys van ’n ete, kry jy ’n behoorlike maaltyd en jy sal ook vir Riana beleef.

Plek: Die Tulbagh Hotel in Van der Stelstraat

Prys: R150pp, dit sluit ’n tweegangmaaltyd in

Besprekings is noodsaaklik: Skakel asseblief die Tulbagh Hotel op 023 230 0071

Riana Scheepers sal staaltjie vertel en gesels oor haar boek Vallei van Melk en Heuning. Die sjef van die Tulbagh Hotel sit vir ons ’n heerlike ete voor, volgens disse uit Riana se boek.

* * *

As julle nog twyfel, hier is ’n nuusbrokkie oor iets wat onlangs verby is.

AgriMega Rusoord LAPA0015

Hier is Riana in aksie ten bate van sorgbehoewende bejaardes in die Rusoord Tehuis in die Paarl. Dit het op 12 Augustus gebeur.

AgriMega Rusoord LAPA0007

Riana het onder andere vertel van ’n tannie wat gekla het oor ’n man wat vreeslik vloek: “Dis of hy my ma se lyf soos ’n psalm op sy lippe neem.”

AgriMega Rusoord LAPA0005

AgriMega was die groot dryfveer agter hierdie wonderlike geleentheid. Hier is Candice Goosen van AgriMega, hard aand die werk. Ek het al by verskeie geleenthede met hulle saamgewerk en was nog altyd opreg in bewondering vir die werk wat Candice en Eunice Joubert, die algemene bestuurder van Agri Mega Investments (Pty) Ltd, doen. Húlle dryf hierdie mooi geleenthede.

amgfinallogo

Besoek gerus hulle webwerf: http://www.agrimega.co.za/

AgriMega Rusoord LAPA0001

AgriMega Rusoord LAPA0009

Die eetgoed was baie indrukwekkend.

AgriMega Rusoord LAPA0008

AgriMega Rusoord LAPA0006

AgriMega Rusoord LAPA0011

AgriMega Rusoord LAPA0010

Die gaste is op die hande gedra. Hulle het betaal om hier te wees en die geld wat geïn is, gaan reguit na die versorging van bejaardes wat hulp nodig het.

AgriMega Rusoord LAPA0014

AgriMega Rusoord LAPA0004

Willem Botha, van die WAT, was die seremoniemeester wat ook tyd afgestaan het om by die geleentheid te help.

AgriMega Rusoord LAPA0017

AgriMega Rusoord LAPA0016

Verskeie geskenke is uitgedeel tydens ’n gelukstrekking.

AgriMega Rusoord LAPA0002

AgriMega Rusoord LAPA0012

LAPA het boeke geskenk vir die gelukstrekking en vir Rusoord se biblioteek.

AgriMega Rusoord LAPA0018

Hier is die span wat so ontsettend hard gewerk het om alles te laat glad loop.

AgriMega Rusoord LAPA0003

Die blomme en die detail was pragtig.

AgriMega was wonderlik, maar ’n paar ander instansies was ook daar om te help:

To-Nett’s: Dekor

Kingscatering: Eetgoed

Topsound: Oudio-visuele toerusting

Rusoord se span: Voorafhappies

riana t lapa

AgriMega Rusoord LAPA0013

Profile photo of izakdv

by izakdv

Frank en die Lamborghini

Augustus 27, 2014 in Uncategorized

Frank op Stellenbosch

Dit is Frank. Kom ons noem hom so, want hy het ’n skerp tong. Kliek op sy foto om dit volgrootte te sien.

Gewoonlik sal ek nie iemand van naby afneem met ’n wyehoeklens nie. Die distorsie laat die gesig vreemd voorkom. Julle sal sien Frank se neus is groter as wat dit moet wees.

Gewoonlik, seg ek. Want die Engelse het ’n spreekwoord: Sometimes you have to be cruel to be kind.

Frank het homself aan my kom opdring daar in Stellenbosch en was al goed aangeklam. Hy wóú dat ek sy foto neem en het my toe aangemoedig om die foto in ons huis te hang, want, sê hy, as die kieme dié lelike gesig sien, sal hulle hardloop en ons sal nooit weer verkoue of griep kry nie.

Frank speel dus die nar. Ek het op daardie stadium nog ’n 24–70 mm-lens op my kamera gehad. Op 70mm is dit ’n baie goeie portretlens. Ek wou net die wyehoeklens opsit toe hy my kom pla. En daar besluit ek toe om Frank wel met die 35mm af te neem en van naby. Dit is wyd genoeg om distorsie te kry, maar op 35mm darem nie so dat ek hom belanglik laat lyk nie.

Frank weet hy is deur die jare getrap. Ek wou dit wys. Ja, ek het hiermee die karikatuur wat hy van homself maak, bevestig, maar dit is die naaste wat ’n foto kan kom aan die woorde wat hy oor homself uiter.

Dan was dit ook korrek dat ek hom afneem met die lens wat ek eintlik vir die Lamborgini uitgehaal het. Ek het toe eers die kamera baie naby sy gesig gehou, die knoppie gedruk en toe die kar afgeneem. (Kliek op die foto om dit groter te maak.)

Frank Lamborghini countach

Dit neem ’n hofnar om soms die groteske wanbalans in ons samelewing uit te lig.

Ek is bly ek kon sy foto neem. Ek gaan dit nie in my huis opplak nie, maar ek sal sy gesig langs die Lambo nog lank onthou.

* * *

As julle ’n briljante reeks wil sien wat mense, ryk en arm, vasvat, gaan kyk na Johan Kotze se Poeple of Stellenbosch en like dit. Julle sal nie spyt wees nie. https://www.facebook.com/PeopleofStellenbosch

* * *

Iets oor Frank se foto.

Ek skiet in RAW en dan ontwikkel ek elke foto. Ek moes die donker kepe in sy gesig uitbring, maar hy het nie soos ’n tamatie gelyk nie. Toe gebruik ek ’n tegniek wat ek soms uithaal as ek ’n baie spesiale foto nodig het.

Frank drie

Ek het eers die foto in kleur ontwikkel (links) tot ek tevrede was dit is die beste wat ek kon doen. Toe het ek dieselfde foto in swart en wit ontwikkel, weer tot ek tevrede was ek kon nie beter nie. En toe voeg ek die twee saam (middel). Ek het Canon Digital Professional se “Compositing tool” gebruik, maar ’n mens sou ook PhotoShop se layers kon gebruik. Ek het eenvoudig die gekleurde foto oor die swart en foto geplak en stelselmatig die swart laat deurskemer tot ek Frank se velkleur weer kon kry soos ek dit wou hê.

* * *

Tegniese detail: Albei foto’s is geneem met Canon 5DmkII en ’n Canon EF16-35mm f/2.8L USM-lens.

Frank se foto: 1/200 f3.5 ISO100 (35mm)

Die Lambo: 1/200 f10 ISO100 (16mm)

Profile photo of izakdv

by izakdv

Mooiloop in Stellenbosch

Augustus 26, 2014 in Uncategorized

Gerrit Rautenbach en Nanette van Rooyen het Saterdag 23 Augustus in die Protea Boekwinkel op Stellenbosch gesels oor Mooiloop. Dit was ’n wonderlike gesprek. As julle dit gemis het, is daar goeie nuus, Gerrit vertrek binnekort op ’n toer om die boek te bemark. Ek deel Gerrit se reisplanne hieronder.

mooiloop6

Mooiloop, mooiste reisstories

Van ons land se grootste skrywers en kenners van kortkuns is in hierdie teks opgeneem. Dít alleen maak hiervan ’n versamelstuk, maar wag tot jy die foto’s sien, dan besef jy, hier is ’n kleinood gebore.

mooiloop4

Gerrit Rautenbach.

mooiloop5

Nanette van Rooyen.

mooiloop1

Louis Esterhuizen, die bestuurder van die winkel.

mooloop8

Gerrit teken ’n boek vir Malene Breytenbach. By haar is Johan Kotze, die man wat Poeple of Stellenbosch afneem.

mooiloop3

Hier Martin Steyn, die skrywer van Donker spoor, en Johan Kotze.

mooiloop 2

Martin teken ’n kopie van sy boek.

 mooiloop wellington

Die goeie nuus is, Gerrit gaan weer oor die boek praat.

Saterdag 6 September, Breytenbach Sentrum (Wellington); RSVP Iand@lapa.co.za

Woensdag 10 September, Waverley Biblioteek (Pretoria); RSVP Waverley@TSHWANE.GOV.ZA

Donderdag 11 September, Wilge 10, Hennopspark (Centurion); Navrae anneliecilliers@gmail.com

Vrydag 12 September, Painted Words (Modimolle); RSVP admin@paintedwords.co.za

Saterdag 13 September, Op die stoep in Nelspruit; Navrae an.vdwalt@gmail.com

En daar mag nog wees, hou Facebook dop!

Profile photo of izakdv

by izakdv

Blomme

Augustus 24, 2014 in Uncategorized

(To my English-speaking friends: I visited the West Coast National Park today; click on each pic to enlarge it.)

Ek het vandag gaan blomme kyk in die Weskus Nasionale Park. Vir dié van julle wat te ver is, kliek op die foto’s hieronder om hulle groter te maak.

weskusblomme 01

Die veelheid van kleure is moeilik om oor te vertel – selfs met ’n kamera

Canon 5DmkII en Canon EF70-200mm f/2.8L USM

1/400 f9 ISO100 (200mm)

weskusblomme 02

Ek het hulle teen die lig geneem, want dit is hoe hulle lyk as hulle wegkyk van jou af.

Canon 5DmkII en Canon EF70-200mm f/2.8L USM

1/800 f5 ISO100 (200mm)

weskusblomme 03

Hierdie vetplantjie groei eenvoudig op ’n rots. Saam met nog ’n plantjie en ’n bietjie mos, het hulle ’n klein ekosisteem geskep.

Canon 5DmkII en Canon EF70-200mm f/2.8L USM

1/320 f5 ISO100 (135mm)

weskusblomme 04

Skilpadkamera: Dis hoe Skillie die blomme sien.

Canon 5DmkII en Canon EF16-35mm f/2.8L USM

1/250 f9 ISO100 (16mm)

weskusblomme 05

Ietsie blou.

Canon 5DmkII en Canon EF70-200mm f/2.8L USM

1/400 f5.6 ISO100 (200mm)

weskusblomme 06

Dit is moeilik om die geweldige oorvloed vas te lê en ek hou daarvan om ’n fokuspunt iewers in die foto te hê. Hierdie rots met die pragtige ligene is mooi genoeg om af te neem en in die agtergrond kan ’n mens die kleure sien.

Canon 5DmkII en Canon EF16-35mm f/2.8L USM

1/400 f8 ISO100 (24mm)

weskusblomme 08

Hier het ek die voorste bossie as fokuspunt gebruik en die res toegelaat om te versmelt, maar dit trek hopelik die oog na die geil oorvloed.

Canon 5DmkII en Canon EF16-35mm f/2.8L USM

1/800 f5 ISO100 (16mm)

weskusblomme 07

Al die veld is vro-ho-lik!

Canon 5DmkII en Canon EF70-200mm f/2.8L USM

1/800 f5 ISO100 (200mm)

weskusblomme 09

Hierdie vygies is sommer net mooi.

Canon 7D en Canon EF300mm f/4L IS USM

1/500 f8 ISO250 (300mm)

weskusblomme 10

Ietsie rooi.

Canon 7D en Canon EF300mm f/4L IS USM

1/500 f8 ISO400 (300mm)

Profile photo of izakdv

by izakdv

Silwermynwaterval

Augustus 24, 2014 in Uncategorized

Na ’n lang en harde week, het ek en die geliefde besluit om ’n bietjie groen terapie te kry. Ons het gaan stap na Silwermyn se waterval toe. Anna en die Prinses is saam.

(Kliek op die foto’s om hulle groter te maak.)

 silvermine3

Die waterval loop sterk ná die reën.

Canon G12 1/4 f2.8 ISO640

silvermine4

Nog ’n kiekie.

Canon G12 1/2 f2.8 ISO250

Julle sal sien ek het nie my gewone kameras saamgeneem nie. Soms is dit net nie moontlik om die goeie kameras saam te neem nie, so ek het ’n tweedehandse mik-en-druk aangeskaf. Selfoonfoto’s is net nie goed genoeg nie en met ’n klein kameratjie kan jy steeds beheer neem.

Ek wou nie die water vries nie, so ek het die sluiterspoed so gestel om die lens baie lank oop te hou. Die klein kameratjies is baie lig en hulle het stabiliseerders. Ek het egter ook bome of klippe gebruik beweging verder te beperk.

silvermine5

Die Prinses op ’n eilandjie.

Canon G12 1/2 f2.8 ISO250 met die flits aan

Die flits hou haar redelik skerp, maar die water vloei steeds, want die lens was ’n halfsekonde lank oop.

Die belangrikste ding wat jy vir jouself kan leer doen is om NIE op outomaties te skiet nie. Speel rond, laat die kamera die meeste van die goed self doen, maar wees spesifiek met daardie goed wat saakmaak. Dit maak nie saak hoe groot of klein jou kamera is nie. Beheer dit.

silvermine7

Haar koninklike hoogheid.

Canon G12 1/80 f4.5 ISO250

Vir gesinskiekies is ’n klein kameratjie dikwels baie oulik en die gehalte meer as genoeg. As daar nie ’n groot kamera met ’n goeie lens by is nie, is só foto baie werd.

 silvermine8

Prinses, die geliefde en Anna.

Canon G12 1/80 f3.2 ISO250

Profile photo of izakdv

by izakdv

Clarens deur my lens

Augustus 22, 2014 in Uncategorized

Ek wil graag nog ’n paar van my vakansiekiekies deel.

Ons was mal oor Clarens. Ons het nie in die dorp self gebly nie, maar wel in Kiara Lodge, so twaalf kilometer van die dorp af. Besoek gerus www.clarensnews.co.za as julle meer oor die dorp en die akkommodasie wou weet.

(Kliek op elke foto om dit groter te maak.)

clarens a 01

Yarn-bombing, Clarens style! (Ek het die foto spesiaal vir my vriendin Karen Adendorf geneem.)

clarens a 02

Die skaduwees was vir my mooi.

clarens a 03 Drie lede van een gesin geniet goeie koffie en gratis Wi-Fi by Highland Coffee.

clarens a 04

In die koffiewinkel: Die ouens is gesteld op die regte aanspreekvorm.

clarens a 05

Duitse kos by die Roterhahn.

clarens a 06

Die Bibliophile is gevaarlik vir jou beursie as jy hou van boeke. Jy is gewaarsku!

clarens a 07

The Posthouse, ’n baie gewilde eetplek.

clarens a 08

Die NG Kerk is nie net mooi nie, dit het ’n baie trotse tradisie van armmoedeverligting in die naburige township.

clarens a 09

Die geliefde soek naarstiglik na die brouery, want haar man is dors.

clarens a 10

Ek is lief vir ’n biertjie nou en dan, want die koolhidraatvlakke in ’n goeie bier is boonop Banting-vriendelik. Ek ondersteun soms mikrobrouerye. Van die heel lekkerste bier wat ek nog raakgeloop het, kom van Clarens Brewery. Gaan heen en gaan geniet dit. Die personeel is vriendelik en intelligent. Die bier is heerlik.

My gunsteling was die Clarens Amber, maar vir die huistoeneem het ons besluit op hulle Clarens Blonde. My ma, wat baie in Europa reis, was nou weer baie lief vir hulle Clarens Weiss.

clarens a 11

Steeds in die Clarens Brewery. Die geliefde is aan die proe. Hulle siders is ook lekker, maar ek was mal oor die bier.

clarens a 12

Oor ’n biertjie het ons hulle worspot geëet. Vier verskillende soorte wors. Lekker.

clarens a 13

Werkskepping.

clarens a 14

My geliefde het weggeraak in hierdie winkel. Wees gewaarsku.

clarens a 15

Daar is ontsettend baie kunsgalerye in Clarens.

clarens a 16

Heerlike gebak, maar nie vir Tim Noakes nie!

clarens a 17

Nog ’n baie bekende restaurant in Clarens.

clarens a 18

Die pizzawinkel in Clarens is lief vir honde.

clarens a 19

Umm, het ek al vir julle vertel van Clarens Brewery se uitstekende bier?

Kliek hier vir nog van my vakansiefoto’s.

Profile photo of izakdv

by izakdv

Donker Spoor op DEKATv

Augustus 20, 2014 in Uncategorized

 DEKATv het vanoggend ’n insetsels kom skiet oor die lang pad wat ’n boek loop wanneer dit uitgegee word en Martin Steyn se Donker spoor was die teks waarna ons gekyk het.

Kliek op die foto’s om hulle groter te maak.

dekatV03

Gerard Scholtz, die aanbieder, vertoon Martin Steyn se Donker spoor aan die kykers.

dekaTv04

Die kamera fokus op Martin Steyn.

dekaTv05

Butho Ncube is geduldig, maar tegnies is hy uitstekend. Sy beligting, sy raamplasing en sy en fokusverskuiwing is besonder knap.

dekaTv08

Gerard in die masjien.

dekatV09

Butho agter die masjien.

dekaTv06

Butho fokus op my.

dekaTv02

Ek en Gerard aan die gesels.

Die foto’s hierbo is almal met ’n Canon 5DmkII geneem en die lens was ’n Canon EF16-35mm f/2.8L USM. Die meeste foto’s se tegniese detail was so iets: 1/160 f2.8 ISO3200.

Butho het ook met ’n Canon 5DmkII geskiet – op ISO640. Hy het ons gesprekke afgeneem met ’n Canon EF24-105mm f/4L IS USM. Toe het hy die groot Canon EF 70-300mm f/4-5.6 L IS USM lens opgesit en het uiteindelik sy nabyskote uit die hand geskiet met ’n Canon EF24-70mm f/2.8L USM.

* * *

dekaTv07

Die keer kon ek die ligte kies vir mý foto. Die beligting vir TV is baie anders as vir portretstudies. Hier is Martin Steyn met Donker spoor in sy hand. Ek het twee Canon Speedlight 430’s deur wit sambrele geskiet en ’n derde net bo Martin se kop geplaas om van die dak af te bons.

Canon 5DmkII & Canon EF24-70mm f/2.8L USM & Canon Speedlite Transmitter ST-E2

1/160 f2.8 ISO400 (die flitse was op +1 kompensasie gestel)

* * *

Die insetsel sal binnekort op DEKATv uitgesaai word.

Geskiet deur Steampunk Produksies

Vervaardiger: Elzilda Becker

Produksie: Melanie Tait

Aanbieder: Gerard Scholtz

Kamera, ligte en klank: Butho Ncube

Redigeerder: Barry de Jager

Profile photo of izakdv

by izakdv

Biskop David Russel sterf

Augustus 18, 2014 in Uncategorized

Kliek op die foto’s om hulle groter te maak / Click on the photographs to enlarge them.

David Russel RIP

To my English-speaking friends, here is the official codicil that was read when David Russel was awarded the Order of the Boabab Silver, and here is a formal tribute from the Mail & Guardian, largely written by SAPA. Here is tribute by bishop Desmond Tutu and others. What follows is a personal account in Afrikaans.

* * *

Biskop David Russel is oorlede.

David was ’n liberale teoloog wat ewe sterk teen homofobie en die patriargie as teen apartheid baklei het.

Ek was bevoorreg om hom by geleentheid te ontmoet en is op 2 Augustus 2008 gevra om ’n aantal portrette te neem. Die opdraggewer was die Good Hope Metropolitan Community Church wat sy gesig op plakkate wou gebruik tydens die jaarlikse gay pride march as een van die mense wat hulle ondersteun het om mense van dieselfde geslag te kon laat trou.

David was nogal geamuseerd oor die eer om ’n poster boy te wees.

david russel 3

Sy agtergrond

David Patrick Russel is op 6 November 1938 gebore. Hy het aan die Universiteit Kaapstad gestudeer en is daarna Oxford toe om ’n meestersgraad te doen.

Hy het teruggekeer na Suid-Afrika en het ’n PhD in Christelike etiek aan die Universiteit Kaapstad verwerf.

 

Botsings met die apartheidregering

David het aktief teen apartheid baklei. In 1977 was hy ’n kapelaan vir die trekarbeiders in Kaapstad en in dié tyd is hy onder huisarres geplaas. In 1980 het hy dié verbod verbreek en is toe tot drie en halwe jaar tronkstraf gevonnis waarvan twee en halwe jaar opgeskort is.

Sedert 1986 het hy op die Bank van Biskoppe van die Anglikaanse Kerk gedien in 1987 is hy verkies tot biskop van Grahamstad.

Dit is waar ek hom en sy vrou, Dorothea, die eerste keer ontmoet het, want in 1994 het ek by St Andrews Prep School, in Grahamstad, gewerk waar sy seuns Sipho en Thabo op skool was. Almal wat in sy dampkringe beweeg het, wou my vertel van die man wat doodeenvoudig voor die stootskrapers gaan lê het toe die regering weer besig was om mense se huise plat te stoot.

 

Vroueregte

Biskop David Russel was ook die eerste om vrouepriesters in te seën. In 1992 het hy Professor Nancy Charlton, Dr Bride Dickson en Sue Groves in die amp bevestig.

Ek was baie gelukkig om kort daarna, in 1993, ook ’n nuutjie te beleef toe die NG Kerk in Grahamstad een van hulle, ek dink dit was Nancy Charlton, genooi het om vanaf die preekstoel vir ons te preek. Dit was nogal iets.

 

Gayregte

In 2004 het hy afgetree en in Kaapstad kom woon.

Sy boek, The Bible and Homosexuality, what is the Spirit saying to the Churches, het in daardie jaar verskyn. Ek was bevoorreg om deel te hê aan ’n plegtigheid in Houtbaai waar die boek bekendgestel is.

Hy het sterk baklei dat huwelike vir paartjies van dieselfde geslag gewettig moes word.

Volgens sy seun is hy in 2011 met kanker gediagnoseer.

Op 27 April 2011 is hy deur Staatspresident Jacob Zuma vereer met die Orde van die Kremetart, Silwerklas.

David was nog aktief in die Kerk en het ook, voor hy te siek geword het, by die inklusiewe Good Hope Metropolitan Community Church, wat in daardie tyd nog in Distrik Ses vergader het, gepreek. Selfs ná hy opgehou preek het, was hy nog ’n gereelde besoeker aan dié gemeente.

David is Sondag 17 Augustus 2014 oorlede.

David Russel 2

Profile photo of izakdv

by izakdv

Trotse pa en vlugvoetige sokkerspeler

Augustus 17, 2014 in Uncategorized

 Mag ek maar spog oor my vlugvoetige seun? Hier speel hy sokker vir St Georges Grammar School  teen Rosebank Primary. St Georges het 7 – 1 gewen.

Ek het die volgende kamera- en lenskombinasie gebruik vir al die foto’s: Canon 7D & Canon EF70-200mm f/2.8L USM + 1.4x aanpasser.

Kliek op elke foto om dit groter te maak.

sggs soccer 01

1/800 f6.3 ISO250 (155mm)

sggs soccer 02

1/800 f6.3 ISO400 (182mm)

sggs soccer 03

1/800 f6.3 ISO250 (168mm)

sggs soccer 04

1/800 f6.3 ISO400 (160mm)

sggs soccer 06

1/800 f6.3 ISO200 (195mm)

sggs soccer 05

Dit is hulle baie wonderlike, geduldige afrigter, Grant Esterhuizen.

1/800 f6.3 ISO640 (280mm)

 Besoek gerus St Geoerge’s se weberwerf. Ek het baie van die foto’s daarop geneem.

Profile photo of izakdv

by izakdv

Kiara Lodge, Clarens

Augustus 16, 2014 in Uncategorized

Ek is steeds besig met my vakansiekiekies.

Ons het so twaalf kilometer buite Clarens in Kiara Lodge gebly.

(Kliek op elke foto om dit groter te maak.)

clarens kiara 02

So lyk dit in die nag. Die sterstrepe kry ’n mens deur die lens 30 minute lank oop te hou.

Canon 5DmkII & Canon EF16 f/2.8L USM & Manfrotto driepoot & Hähnel sluiterkabel

30 minute en 49sekondes f7.1 ISO400 (16 mm)

clarens kiara 04

Dieselfde heuwel, nou tydens ’n laatmiddagstappie.

Canon 5DmkII & Canon EF24-70 f/2.8L USM

1/60 f10 ISO100 (28 mm)

Clarens Kiara 01

En so lyk die oord. Hierdie foto is geneem vanaf die heuwel in die vorige twee foto’s.

Canon 5DmkII & Canon EF24-70 f/2.8L USM

1/125 f7.1 ISO100 (24 mm)

clarens kiara 03

Een van die mooi ou huise wat behoue gebly het op die perseel.

Canon 5DmkII & Canon EF24-70 f/2.8L USM

1/40 f10 ISO250 (32 mm)

 Besoek gerus Clarens News (www.clarensnews.co.za) as julle meer oor die dorp en die talle moontlikhede vir akkommodasie sou wou weet.

Kliek hier vir nog vakansiefoto’s.