by

Bek sonner brieke

Oktober 1, 2011 in Sonder kategorie

 

Ek was gisteraand by die bekendstelling van Elias P. Nel se heel nuutste boek, Bek sonner brieke. Kyk bietjie wat David Kramer en die rieldansers van Betjieshoek hier kom doen het.

 

 

Hier is Elias saam met Dr Ben Bladergroen, Elias se vrou Julia, en Dr Moira Bladergroen – net voor die partytjie afgeskop het. Daar was meer as ’n honderd mense in by die bekendstelling.

 

 

Elias se jonger boetie was eerste aan die woord.

 

 

Dianne Ferrus was die seremoniemeester.

 

 

Nicodémus Olivier het vir ons vertel die lug is blou.

 

 

Dr. Dirk van Schalkwyk was die gasspreker. Hy is, net soos Elias, ’n meesterverteller. Ons het by tye heerlik gelag. Net die regte man vir die bekendstelling van hierdie uitsonderlike boek.

 

 

David Kramer het sy banjo gebring en die riel geslaan.

 

 

Elias het nie op hom laat wag nie, en was gou op die dansvloer op maat van David se musiek.

  

 

’n Hele paar van die Betjiesfonteiners was ook op die been.

  

 

Na ’n paar asemteue was Elias aan die woord.

  

 

Elias is ’n meesterstorieverteller. Die boek is vrek snaaks en, elke nou en dan, wil jy huil. Die spreker in die boek is Oompie Gooltros, iemand wat so nooit as te nimmer lieg nie, selfs die tye dat hy sy baisiekil deur die lug trap is waar. Maar dis Oompie Goltros se vermoë om meer oor ánder mense te vertel, wat hierdie boek ’n kleinnood maak.

  

 

Daarna het die Betjiesfontein Rieldansers ons vermaak.

  

  

  

 

 

Ek het ook gedans, en Carolyn Meads het belowe sy gaan foto’s op Protea se blog sit, so loer so teen Maandag daar.

 

 

 

 

 

Ná die dans, het Elias boeke geteken.

 

Dit is ’n volkleurboek – talle van die heerlike verhale het ’n tekening by, maar dit kos slegs R130. Koop dit. Dis ongelooflik.

 

 

Hier is meer inligting.

 

6 antwoorde op Bek sonner brieke

  1. TS het gesê op Oktober 1, 2011

    Ek hou van jou foto’s… grinnik … nie een keer gebewe!

  2. lora2me het gesê op Oktober 1, 2011

    Mooi foto’s. Die rieldanskinders lyk so vars en mooi.:)

  3. Izakdv het gesê op Oktober 1, 2011

    Dankie, Tina. Ek bly maar weg van die rooiwyn tot ek klaar foto’s geneem het!

  4. Izakdv het gesê op Oktober 1, 2011

    Hulle was wonderlik, en party baie jonk. Sommige lyk baie onskuldig, maar hulle kon dans!

  5. Ek het die rieldansers so drie jaar gelede by die Taalmonument sien optree. Ag, wat ‘n belewenis was dit tog nie.

    Verder is ek ook baie lief vir Elias P Nel se stories.

    Ek is so jammer ek het hierdie boekbekendstelling misgeloop. Maar, nouja, mens kan ook nie altyd alles bywoon nie, né.

  6. Baie lekker stukkie inligting … En dankie vir die fotos …

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.