by

Woekerende vroue = ((lesende brein – penis) * gelyke regte)

Junie 8, 2008 in Sonder kategorie

Die kanse is goed dat mans én vroue my titel sal verstaan, maar die kanse is beter dat vroue my woorde sal verstaan.

Hoe so?

The Economist van 31 Mei 2008 het ’n openbarende berig gedra. Daarin word ’n akademiese publikasie uit Science aangehaal waarin die nuutste opsomming van ’n studie oor die klaarblyklike verskille tussen ’n seun en ’n meisie se brein geplaas is. Daar is jare lank geglo dat meisies swakker vaar in Wiskunde as seuns. Die studie, deur Luigi Guiso van die Europese Universiteitsinstituut in Florence, het hierdie siening op haar kop gedraai.

Meisies vaar net so goed met algebra en “somme” as seuns, mits die meisies in lande bly waar mans en vroue gelyke regte het. (Voorbeelde is Swede en Ysland. In Pole en Noorweë is dit baie naby.) In lande waar daar steeds groot ongelykhede tussen mans en vroue bestaan (soos Turkye en Suid-Korea), vaar meisies swakker in Wiskunde.

Daar is egter ’n groter probleem vir diegene wat ’n penis rondswaai: Hoe gelyker die regte van mans en vroue is, hoe beter lees die meisies. Dus, ons arme mans verloor ons voorsprong in Wiskunde én ons raak verder agter as dit kom by lees.

Kan julle sien hoekom ek my nuwe boek skaamteloos op vroue gemik het?

Dalk moet ons maar leer kook, broers. Maar dan is daar Sonia …

Toilette skoonmaak iemand? Ek kon darem die ander dag ’n vriendin help toe haar drein nie meer so lekker geloop het nie!

5 antwoorde op Woekerende vroue = ((lesende brein – penis) * gelyke regte)

  1. Izakdv het gesê op Junie 8, 2008

    Ek het mos gesê jy gaan verstaan!
    Izak

  2. anskrige het gesê op Junie 8, 2008

    Dankie, waardeer dit.
    My ma is net so amazing: sy rejoice in sy bevryding, haar 81 jaar ten spyt en is kalm in haar aanvaarding.

  3. Izakdv het gesê op Junie 8, 2008

    Sy’t wonderlike kinders grootgemaak.
    Sy’s duidelike ‘n wyse, wyse mens!
    Izak

  4. hellokietie het gesê op Junie 9, 2008

    Ek wonder wat die uitslag van n studie in Suid Afrika sou wees met die tradisionele ongelykhede tussen mans en vrouens in die verskillende kultuurgroepe?

  5. Izakdv het gesê op Junie 9, 2008

    Hi Kietie
    Ek weet nie, ek het probeer agterkom, maar ek kon nie SA se syfers kry nie.
    Ek het egter ook gewonder!
    Izak

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.