You are browsing the archive for 2017 August.

Debuut

August 12, 2017 in Uncategorized

Welcome to LitNet Blogs. This is your first post. Edit or delete it, then start blogging!

 

Photo Credit ©  Shameeg Van Schalkwyk

Anushska

Ek hoor nie meer die

voëls se oggendkonsert nie –

Verbrokkelende emosies

veroorsaak afskuwelike

stuiptrekkinge, terwyl

gespikkelde herinneringe vals

note uitbassuin in aparte

sessies, van onbesproke

geheime kwessies en dis hoe

ek dit verkies –

Stemme dryf op die wind

miskien `n nuwe, egte vriend

of `n boodskapper van mammon –

My geheue uitgevee, ek kan nie

meer omgee-  My visie verdonker

deur my selfbejammeringshel

missie- My onskuldigheid besteel

en selfsugtig uitgedeel,

Ek verlam van die skok –

Net nog `n gekweste , leë dop.

Omring deur geweldadige blou

en lawagloeiende hulpkrete –

My innerlike ontydelik verskeur,

My vroulikheid wreed gemurmereer –

My gees permanent geknip.

Ek voel gereed om te sweef –

My hart te vol om dadelik

te vergeef- Ek smag daarna

om nog net een keer die wind

te hoor my naam fluister- Die

ek van gister,

So as enigeen na my

vra- Dink aan my.

My naam is Anushka.

Don Beukes © Copyright 2017