You are browsing the archive for Uncategorized.

Being present at the moment when truth revealed itself

January 19, 2018 in Uncategorized

(Click to enlarge)

I have just been to a fascinating exhibition of photographs taken by JM Coetzee as a teenager. The negatives were discovered when Coetzee sold his flat.

There are selfies, photographs of his mother and brother, pictures of his everyday life and pictures of his school life.

Coetzee had a good eye. One picture, of a sheep at a farm dam, was beautiful. Overall his composition was good. He was able to capture sports action very well. Even in low light he excelled.

We should never underestimate the role of the photographer as documenter.

I wish these pictures would be published or made available on a site like LitNet.

I was lucky to see them at the Irma Stern Museum where there were open to the public for only three days.

This is Coetzee’s enlarger. I wonder how many people have worked with these? I have!

Word leesaktiviste!

December 21, 2017 in Uncategorized

Die Engelse outeur Neil Gaiman het ’n slag ’n lesing gehou: “Why Our Future Depends on Libraries, Reading and Daydreaming.” Hy maak toe hierdie stelling:

Once in New York, I listened to a talk about the building of private prisons — a huge growth industry in America. The prison industry needs to plan its future growth — how many cells are they going to need? How many prisoners are there going to be, fifteen years from now? And they found they could predict it very easily, using a pretty simple algorithm, based about asking what percentage of ten- and eleven-year-olds couldn’t read. And certainly couldn’t read for pleasure.

Wat gebeur in Suid-Afrika? In ons land kan 78% van alle Graad 4 leerders nie lees nie. Dit is die bevinding van Progress in International Reading Literacy Studies (PIRLS), ’n organisasie verbonde aan Unicef.

Spotprent deur EWN.

Dit is skrikwekkend. Gayman werk baie nou saam met PEN International om lees te bevorder. Lees gewoon hier. Maar wat kan ek doen?

LAPA en die ATKV is reeds besig met programme om te help, maar wat kan gewone mense doen?

Hier is wat ek en jy kan doen. Eintlik, moet doen!

  • Begin deur vir jou kinders, kleinkinders, peetkinders of enige kinders te lees.
  • Moedig ma’s aan om vir hulle kinders te lees – reeds voor geboorte. Die baba kan in die buik al optel of die ma angstig of gelukkig is en dit het ’n direkte oorsaak op die kind se breinontwikkeling. Wat meer is, ma’s wat vir baba’s lees – van daardie stokkie die eerste keer positief wys tot in laerskool, se band met hulle kinders is baie heg. Dit skei goedvoelhormone in die kind se brein af wat die frontale lobbe stimuleer.
  • Raak betrokke by leesprogramme as jy nie self klein kindertjies het nie. Daar is duisende biblioteke en skole wat smag na mense om net vir kinders te lees. Weer eens: Daardie kind uit ’n gebroke huis, kyk mooi: sy of hy vind geborgenheid in ’n veilige ruimte soos ’n biblioteek of ’n skoolsaal of ’n kerk waar daar voorgelees word.
  • Koop kinderboeke. Versprei dit en moedig ouers aan om die boeke te voor te lees. Luister wat ’n onnie uit Athlone vertel oor kinderboeke.
  • Laai hierdie vier pragtige, volkleur boeke in Afrikaans, Engels, Xhosa en Zoeloe gratis af en versprei dit – dit is wettig. Wendy Maartens het dit geskenk. Klik hier: http://bit.ly/2iasRVp.
  • Word aktiviste en begin deur vir Cyril Ramaphosa te skryf dat CAPS dadelik uit skole verwyder moet word. Uitkomsgerigte onderwys, wat slegs fokus op lees- skryf- en syfervermoë moet van nou af in ons skole plaasvind. Al die ander gemors in die kurrikulum moet uitgegooi word. CAPS is klaaglike gemors wat deur ou model C-skole se mense opgestel is.
  • Word aktiviste wat vir Cyril Ramaphosa skryf dat ons moet ophou om matriek as nuttelose doelwit na te jaag. Ons het mense nodig wat in graad RR, Graad R en dan in Grade 1, 2 en 3 moet leer om met begrip te lees, goed te kan skryf en basiese syfervaardighede toe te pas. Dan gaan ons sien hoe Suid-Afrika blom. Kinders het net vyf jaar van skoolopleiding nodig, waarvan die eerste twee slegs speel uitmaak. As ons daardie vyf jaar maak werk, skep ons denkende kinders. Daarna mors ons ons geld, want ’n kind wat kan lees en skryf, kan dan of verder studeer, of ’n ambag leer. Ons land is desperaat vir goeie, gesiene ambagsmense.

***

Volwasse lesers

Maar wat van volwassenes? Wat van ouens wat reeds in die tronk is?

Daar is min mense wat soveel omgee as Carla van der Spuy. Sy doen geweldig baie om mense agter tralies weer ’n stem te gee – en ook boeke!

Ek het by haar gaan kers opsteek.

IZAK: Soveel van die mense in jou boeke kom uit huis met probleme. Is daar iets wat ek as gewone sterfling kan doen om mense uit die tronk te hou?

Carla: Ja, ons kan almal iets doen. Ons kan betrokke raak. Ons kan huismoles, kindermishandeling en molestering aanmeld. Ons kan diegene ondersteun wat geliefdes agter tralies het sodat die misdaadspiraal gestaak kan word. Verwerping en apatie is die grootste probleme in ons samelewing. Albert Schweitzer het gesê: “You don’t live in this world all alone. Your brothers are here too.”

IZAK: Diegene wat uit die tronk kom, sukkel soms om aan te pas. Is daar programme waar gewone ouens kan betrokke om daardie mense weer op die been te kry?

Carla: Daar is instansies wat vir gewese gevangenes help werk soek. Mense is skrikkerig om hulle in diens te neem wat te verstane is. Een man, vermoedelik ’n reeksmoordenaar het my vanuit die tronk gebel en gesê hy is uit. (Dit nadat hy my vertel het hy het 80 jaar gekry.) Hy wou weet of hy in my tuin kan werk. Dit was natuurlik ’n slenter. Hy sit nog solidly met sy agterstewe agter tralies. Ek dink hy wou vir parool aansoek doen en aan hulle vertel dat hy ’n werk het. Dus moet mens versigtig wees. Maar ek het ook wonderlike verhale van rehabilitasie gehoor. Vra maar vir Jenny en Jonathan Clayton van Hope Prison Ministries. Die drie mesmoordenaresse van die Kaapse Vlaktes met wie ek vir Bloed op haar hande gesels het, het volkome gerehabiliteer. Die rede daarvoor was dat hulle ondersteuning gekry het. Daar is na hulle uitgereik. Min mense is teen opregte naasteliefde bestand. Díe drie is van die wreedste moorde aangekla, maar hulle het nog nooit weer ’n voet skeefgesit nie. By Pollsmoor is daar ’n sentrum waar gewese gevangenes en diegene wat op parool is handewerk doen. Hulle maak onder meer die pragtigste handsakke. Maar die betaling is maar min. Ek weet DKD bied ook kursusse aan wat die ouens kan help om werk te kry.

IZAK: Hoe gaan dit met die Reading for Redemption Projek?

Carla: Met my goeie vriendin Sarie Peens, wat by DKD weg is en gereeld boeke by my huis kom haal het en na tronke in die drie Noordelike provinsies geneem het, moes ek weer nuwe kontakte opbou. Ek het nou ’n kontak by DKD in Rustenburg wat my sal help. Lesers kan my inbox as hulle boeke wil skenk. My garage was al so vol bokse met boeke dat daar nie plek vir die karre was nie. Ek glo die veldtog gaan weer nuwe momentum in die Nuwe Jaar kry. Dis een van my Nuwejaarsvoornemens.

IZAK: Dis amper Kersfees. As jy Moederkrismis was en Suid-Afrika EEN wens kon toestaan, wat sou dit wees?

Carla: Ek sou wens dat misdaad so afneem dat die tronke moet toemaak soos wat die geval in Nederland is. Maar dan sal misdaadskrywers werkloos wees. Maar ag wat, dan begin ons maar net almal romanses skryf.

***

Daar het jy dit. Besoek Carla van der Spuy op Facebook en inbox haar as jy wil boeke skenk. Ek het self al gesien watter verskil dit aan mense se lewens maak.

Koop Carla se boeke, klik hier.

***

Ek het kiekies gevra en Carla het twee aangestuur van ’n bekendstelling by Bargain Books wat in Centurion gehou is.

Carla van der Spuy, medeskrywer van Sielsiek – die psiges van Suid-Afrika se koelbloedigste misdadigers en haar dogter Tanya van Buuren Botma, een van die skrywers van Die Perfekte Brander, by Sielsiek se bekendstelling in Centurion.

Dr. Henk Swanepoel, medeskrywer van Sielsiek – die psiges van Suid-Afrika se koelbloedigste moordenaars by Loraine Swanepoel, bestuurder van Bargain Books Centurion by die bekendstellling van Sielsiek in Centurion.

***

Ons kan almal iets doen. Ons moet almal iets doen. Ons kan nie bekostig om 78% van ons kinders oor vyftien jaar in die tronk te hê nie.

Word aktiviste! Word leesaktiviste!

Versoeningsdag 2017: Die ATKV se boodskap

December 16, 2017 in Uncategorized

(HemelBesem en Dr. Danny Titus by die ATKV-Rieldans se finaal)

Vandag, 16 Desember, word Versoeningsdag gevier.

Dr. Danny Titus, uitvoerende direkteur: kultuur van die ATKV, deel sy gedagtes. Ek haal van hier af direk aan:

“Dis moeilik om te glo dis alweer Versoeningsdag. Ons land is so gepolariseerd, die wêreld veel meer in skerp kampe. Vrede op aarde en in die mense ‘n welbehae, klink soos ‘n klinkende stuk metaal. Dit bly aanvalle, aanslae, sterftes, brande, hongersnood, droogtes. Dan reën dit weer in oorvloed in die res van die land en in die Weskaap bly die reëntjies gruwelik weg. Ons lewe nou eenmaal in ‘n wêreld van teenstrydighede, die een regeer en die ander ontbeer, die een in oorvloed en die ander moet met veel, veel minder klaarkom. In die naweek waarin die Versoeningsdag val, kry die land dalk ‘n nuwe leier. Iemand wat genadiglik die huidige verval sal stuit. Of dalk tog ook nie. Die ANC as politieke party wat ons heersende party is, is so intens verdeeld dat mens jou asem ophou. Dit is glad nie oordrewe om te dink aan die ergste wat kan gebeur as die verdeeldhede nie hanteer kan word nie. Gaan die weermag hulle hou aan die uitslae, aan watter kant gaan die polisie hulle skaar? Gaan die ANC uiteen spat? Dan wat? Of mag ons steeds vra vir versoening in ons land? Ons versoening het so ‘n lang pad gekom en op soveel terreine het mense met mekaar versoen. Die geskeide verlede is oorkom, die wonde van die verlede is steeds daar, maar die felheid, die kruheid, die wreedheid is weg. Nou het gierigheid, korrupsie en arrogansie oorgeneem. Steeds is daar Suid-Afrikaners wat versoen, wat hul vingers stop werk aan versoening. Steeds is daar mense wat bid en glo dat die wonderwerk van versoening ook die huidige afvalligheid sal omvou. Dat die donkerwolke sal verdwyn. Dit is juis die rol van versoening: om skynbaar onversoenlikes en onversoenlikheid bymekaar te bring. Suid-Afrika het ‘n wesenlike ervaring daarvan, ons het dit gedoen en ons pluk steeds die vrugte daarvan. Vir jonger Suid-Afrikaners is dit moeilik om te verstaan, van hulle bevraagteken dit selfs. Miljoene Suid-Afrikaners weet net van die huidige bestel. Baie wil nie weet van ‘n vorige bestel nie. En tog, dit is waar ons land se vingerafdrukke van versoening steeds lê. Vrede op aarde en in die mense ‘n welbehae, hét wel op Suid-Afrika neergedaal. Dit is vir my die hoop uit die huidige moerasse, die haat en die nydigheid: ons hét dit gesmaak, ons land het beter geraak, ons ekonomie het versterk. Die roekelose gierigheid van vandag, die gemaksugtige korrupsie in die staat en ook in die privaatsektor, die verbreking van wette en reëls en orde met ‘n roggelgelag uit die maag, dit sal alles wegvaag, ons land sal beter word, die misdadigers sal agter tralies kom. Ons sal die pad van versoening moet stap, want ons glo, en ons bid, en ons weet, ons sal weer daar kom.

“ATKV-groete.”

Izak met sy lastige kamera

November 15, 2017 in Uncategorized

Ek is onbehoorlik trots op hierdie projek. Izak met sy lastige kamera was daar omdat hy hou van kiekies neem. Annie Petersen, die voorsitter van ATKV-Atlantistak, het my gevra. LitNet het betrokke geraak. Toe het my kollegas by LAPA daarmee geloop en uiteindelik het die Universiteit Wes-Kaapland (UWK) alles bymekaar getrek.

Waaroor gaan die boek?

Hier is ’n Kerskousboek! Twaalf ongelooflike vroue wat ’n verskil maak tussen die bendes, die werkloosheid en die koeëls.

Dit is ’n moetlees vir almal wat glo dat liefde en geloof ’n verskil kán maak.

Atlantis aan die Weskus was die breinkind van ’n vorige regering se “desentralisasiebeleid” – maar is tans die toonvenster van ontheemding. Uit hierdie wanhoop, staan dié twaalf vroue se stories soos fakkels in ’n lang, donker nag. Die twaalf vroue is: Francis Brown, Mary-Ann Cedras, Chrissie Cloete, Mandy Jonker, Christine Lewis, Sylvia Losper, Lenie Maya, Carol Muller, Sillene Oppel, Olivia Pharo, Mary Tenggren en Rachael Watson.

Die verhale strek van gemeenskapdiens aan gestremde persone, bejaardes en kankerlyers, die rehabilitasie van dwelmafhanklikes, MIV/Vigs-voorkoming en -destigmatisering, tot inspirerende vroue wat staan in die onderwys, verpleegdienste, uitsaaiwese, ’n sangeres, ’n atleet en ’n tuinier.

Studentebeurse

Die opbrengs van dié boek sal deur die Departement Afrikaans en Nederlands, Universiteit Wes-Kaapland (UWK) aangewend word as studentebeurse.

Die samesteller en bydraers

Anastasia de Vries is ’n bekende skrywer, joernalis en dosent. Hierdie boekprojek is geloods in samewerking met die Departement Afrikaans en Nederlands, Universiteit Wes-Kaapland (UWK). Ander bydraers tot die projek is skrywer en joernalis Eldridge Jason, joernalis Christa Prinsloo, sowel as ses UWK-studente: Chandré Cloete, Suné van Rooyen, Geraldine Fortuin, Ebenesia Pieters, Jolyn Phillips en Courtneigh Ess.

Die kiekies in die boek?

Geneem deur Izak met sy lastige kamera. Dit is Alta Cloete wat my so noem!

***

Vroue van AtlantisSamestellers Anastasia de Vries & Eldrige Jason. ISBN:  9780799368291. LAPA Uitgewers

Lees meer hier.

Chanette Paul among the classiest thriller writers of our day

November 14, 2017 in Uncategorized

Today it was announced that my colleagues are getting quotes for a reprint of the South African edition of Sacrificed. Awesome! But how did Sacrificed do overseas?

Well, the New York Journal of Books says: “Sacrificed places Chanette Paul among the classiest thriller writers of our day.” Read the full review here.

Crime-thriller Hound in the United Kingdom says: “Race and identity are explored in a thrilling story of political corruption, ruthless ambition and betrayal, with no shortage of heartache.” Read the full review here.

Crime-thriller Hound also invited Chanette to tell her UK readers what writing in Africa feels like! You can read her answer here.

The Global Literature in Libraries Initiative placed an excerpt from Sacrificed on their website You can read it here.

***

And don’t forget: Even before she was published in English, Chanette had wowed Dutch-speaking audiences with two tours to Belgium.

The online shop Bol.com calls Chanette “an amazing story teller”. (“Chanette Paul, een geweldige verteller”.) You can read the entire conversation here, if you can follow the Dutch:

This reader says: “How wonderful that a book had managed to maintain its grip from the first page!” (“Hoe mooi is het dan dat een boek je zo in zijn greep heeft gehouden vanaf de eerste bladzijde!”)

If you can read Dutch, you can check out the full review here.

***

Time for South Africa to take our own seriously! Well done Chanette! I am proud of you!

You can buy the South African paperback here.

You can buy the ePub here.

You can buy the US paperback here.

You can buy the Kindle-version here.

***

In South Africa the book is published by LAPA Publishers.

In the USA it is published by Catalyst Press.

In Belgium it is published by Lannoo.

Kaapstad: Briljante teater teen R20 per stuk?

October 2, 2017 in Uncategorized

If you understand a smattering of Afrikaans, head down to the Artscape for amazing theatre! 

Waar kan jy teater van professionele gehalte sien teen R20 per stuk? In die Kunstekaap (Artscape) te Kaapstad hierdie komende week. Die top vyftien toneelstukke in hierdie jaar se ATKV-Tienertoneel tref dan die planke.

Van Woensdag 4 Oktober 2017 tot Vrydag 6 Oktober 2017 speel die vyftien beste toneelstukke, gekies uit 187 produksies. Jy betaal R100 vir vyf stukke. Blokbesprekings is goedkoper en ATKV-lede betaal net R70 per aand. Die program is hieronder. Bespreek nou! Dit is puik toneel, nie skoolkonserte nie.

Saterdagaand speel die vyf beste produksies weer. Verwag vuurwerke. Kaartjies kos dan R150 vir die aand (net R30 per vertoning). Weer is daar afslag vir blokbesprekings en vir ATKV-lede.

Ek sê weer: Verwag briljante teater. Kaartjies te koop by Computicketet.

Woensdag 4 Oktober om 17:00

Koop kaartjies vir Woensdag.

Helpmekaar Kollege: Die Mensfabriek

Hoërskool Stellenbosch: Blessings

Hoërskool Zwartkop: Hospitaal 224

POUSE

Hoër Meiseiskool Bloemhof: Wag ek kry gou my foon [en soos sulke goed]

Hoërskool Tygerberg: Innie Selle

Donderdag 5 Oktober om 17:00

Koop kaartjies vir Donderdag.

Selbourne College: Rondo

Hoërskool Parel Vallei: Kopskoot

Hoërskool Monument: Mý Suid-Afrika: ’n openbaring

POUSE

Die Afrikaanse Hoër Seunskool: Plekke!

Hoërskool Durbanville: Die Eindelose Konstellasies – ’n gedagtedroom. 

Vrydag 6 Oktober om 17:00

Koop kaartjies vir Vrydag.

Hoërskool Tygerberg: Sewentien

Heatherdale Sekondêre Skool: Mans genoeg?

Hoërskool Zwartkop: Min of meer?

POUSE

Hoërskool Jan van Riebeeck: Die niks

Hoërskool Eldoraigne: Prediker 3

Die aankondiging van die van TOP 5-finaliste

Saterdag 7 Oktober om 17:00

Koop kaartjies vir Saterdag.

Finalis 1

Finalis 2

Finalis 3

POUSE

Finalis 4

Finalis 5

Prysuitdeling

***

Laai die program hier af.

ATKV-Tienertoneel is die oudste projek van die Afrikaanse Taal- en Kultuurvereniging (ATKV) en word hierdie jaar vir die 53ste keer aangebied. Hierdie gewilde toneelprojek bied `n platform vir die ontginning van jong teatertalent terwyl teatergehore ook geskep en ontwikkel word.
Ouerbegeleiding word aanbeveel (OB).
***
The 53rd ATKV-Tienertoneel High School Drama Theatre Competition National Finals will be presented at the Artscape Theatre for the first time, from 4 to 7 October 2017. Fifteen productions will compete during the Finals to be crowned as the ultimate national winner.
Parental guidance is recommended (PG).

***

Foto’s in hierdie stuk geneem tydens die 2015-finaal.

LAPA se skrywers is by Aardklop

October 1, 2017 in Uncategorized

Verskeie van LAPA Uitgewers se skrywers tree op by die ATKV-Boeke-oase in Potchefstroom tydens die Aardklop-kunstefees.

Toegang tot hierdie praatjies is gratis en die boeke is te koop. Gaan maak ‘n draai!

Daar is natuurlik puik sprekers van ander uitgewers ook. Lees meer oor alles wat in die ATKV-Boekeoase gebeur.

Die volledige Aardklop-program is ook aflaaibaar in PDF-formaat.

Dinsdag – 03 Oktober 2017

Koeëlreën: wapens, bloedspatsels en wonde (Met: Dibi Breytenbach en Wollie Wolmarans) 09:00

Sielsiek (Met: Carla van der Spuy en Dr Henk Swanepoel.) 10:30

 

Moordhuis (Met: Madelein Rust en Dibi Breytenbach) 13:30

Woensdag – 04 Oktober 2017

Genade! EdeLAGbare: Humor en die hof (Met: Ian Wessels en Dibi Breytenbach) 12:00

Vrydag – 06 Oktober 2017

God praat Afrikaans (Met: Hemel Besem en llse Salzwedel) 16:30

Alles om liefde met die skrywers (Met: llse Salzwedel, Dina Botha, Santie van der Merwe en Didi Potgieter) 09:00

Mentje – Kind van die Pas-Opkamp (Met: Ilse Salzwedel en Irma Joubert) 15:00

Ontmoet Alison. Gee om. Jy kan wen!

August 24, 2017 in Uncategorized

Ontmoet Alison. Lag vir Soli Philander. Eet heerlik by Kelvin Grove. Staan ‘n kans om een van drie omgeemense se boeke te wen. Help die Durbanville Kinderhuis.

Vroue-ontbyt

Hoofspreker: Alison Botha

Seremoniemeester: Soli Philander

Plek: Kelvin Grove, Campgroundweg 144, net langs die Nuwelandkrieketstadion

Prys: Slegs R390 per persoon

Datum en tyd: 2 September 2017, 09:30

Wat jy kry: Kelvin Grove se legendariese ontbyt, ’n dankiepakkie vol pamperlang, die kans om verskeie items, waaronder hierdie boeke, te wen tydens die gelukstrekking

Bespreek gou asseblief: jstrauss@durbanvillekinderhuis.org.za

Dibi Breytenbach het gevra: Wat kan sy doen om te help? Toe stuur sy ’n getekende kopie van Heiliger.

Martin Steyn het, onder andere, met Alison gesels tydens sy navorsing oor Swartval. Hy skenk ook ’n bedrag van elke boek wat hy verkoop, aan Rape Crisis. Toe hy hoor van hierdie geleentheid, stuur hy dadelik ’n getekende boek.

Chanette Paul se boeke gaan altyd oor vroueregte. Toe sy hoor van die geleentheid, vra sy: Wat is die Kinderhuis se adres? Daar is ’n getekende kopie van Paaiboelie op pad.

Hierdie boeke gaan in ’n gelukstrekking weggegee word.

Iets oor elke boek:

Heiliger, Dibi Breytenbach

Hendrik skiet uiteindelik ’n sluwe rondloperhond. Die eerste koeël mis rakelings, maar die tweede is sekuur. Nou is die oud-soldaat in ’n goeie bui. Dit is byna Kersfees en dinge tussen hom en Amalia wil-wil lyk of dit kan uitwerk.

Toe gebeur dit: Die plaaslike speurder, Buthelezi, daag op en slaan Hendrik in boeie. Die klag? Sy buurman se seun is dood en daardie opslagkoeël word verdink.

Dadelik word hierdie insident ’n rasvoorval, want die seun is swart. Die gemeenskap is woedend en die onbevoegde blanke speurder wil wys dat hy nie ’n wit man sal laat wegkom met moord nie.

Hendrik weet hy het die seun nie geskiet nie, maar hoe bewys hy dit?

Die teks is briljant, want so gereeld gebeur dit dat stinkryk mense wegstap van ’n moordsaak op grond van tegniese punte. Die publiek voel dan verraai. Nou gooi Breytenbach die leser in die diepkant in, want ons het simpatie met Hendrik, maar die redes waarom die reg nou skynbaar onreg pleeg teen hom, is presies dieselfde wat ons as gewone sterflinge voor vra wanneer tegniese detail in hofsake ter sprake kom.

Saam met Hendrik beleef ons magteloosheid in die stinkende tronk- en hofselle terwyl die regslui en die polisie kibbel.

Breytenbach is ’n regsgeleerde en met hierdie boek sleep sy die leser saam met haar. Dit is ’n naelbyter, want natuurlik wil almal weet hoe die seun gesterf het. Gaan Hendrik oud word in die tronk?

Stukkie vir stukkie word die gebeure aanmekaar gelas en die reg se tentakels word beleef soos nog nooit te vore in Afrikaans nie.

Dibi Breytenbach se eerste twee boeke was goed. Hierdie een plaas haar onder die voorste krimiskrywers in ons land. Heiliger sal ewe goed verstaan word in plekke soos die VSA waar die onreg van die regsprosesse dikwels afhang van ’n mens se geld, al dan nie.

Swartval, Martin Steyn

“Ek droom van die dag dat ek die woordeboek oop maak en dan staan daar argaïsme langs die woord verkragting.” Toe hy dít by die 2016 US Woordfees sê, het Martin Steyn luide applous ontvang.

In sy nuutste roman Swartval neem Martin die protes verder. Enige krimi het ’n punt waar die spanning gebreek word. Lesers sal in hierdie naelbytboek ook daardie punt bereik. Swartval hou egter nie hier op nie. Steyn weier om die leser te onthef. Daar waar die boek moes eindig, volgens die konvensie, is nie die plek waar die slagoffer se reis eindig nie.

In hierdie roman word die leser verder geneem, dieper in die psige van die slagoffer. Ons maak ook haar eerste tree op die moeilike tog na heling mee.

Swartval is in die eerste plek ’n naelbytboek. Dit is ’n riller. Dié riller neem egter ook die etiese aspekte van die skrywer en die leser se omgang met die slagoffer in gedagte.

Elke kopie van Swartval wat verkoop, sal ook ’n skenking aan Rape Crisis waarborg.

Die enigste ander boek wat ’n soortgelyke ondersoek gedoen het, is Zakes Mda se Rachel’s Blue. Mda se teks speel egter in die VSA af. Steyn se boek is eg Suid-Afrikaans. Die storie en die wetlike aspekte is ook gans anders.

Paaiboelie, Chanette Paul

Chanette Paul se ondersteuners sal bly wees om te hoor Jojo Richter van Siende blind, Raaiselspieël en Ewebeeld is terug. Hierdie enigmatiese privaat ondersoeker word gehuur om uit te vind wat werklik sewe jaar gelede in die skatryk Eduard Swiegelaar se studeerkamer gebeur het. Hy is daardie dag, ten aanskoue van sy heelwat jonger, sexy trofeevrou, Zaan Mentz, doodgeskiet.

Zaan het ’n redelike rykdom verkry toe haar ouer man dood is, en daarom trek sy in op Crystal Crags, een van die mees eksklusiewe landgoedere in die land. Haar keuse van dié landgoed hang saam met die puik sekuriteit, want sy weet wat in daardie studeerkamer gebeur het, en sy vrees vir haar lewe.

Dit neem egter nie lank voor Jojo en Zaan agterkom dat vreemde goed ook binne die veilige mure van Crystal Crags gebeur nie. Is dit toe te skryf aan die bonatuurlike? Die plaaslike inwoners vertel graag dat die landgoed binne die Duiwelsdriehoek lê, ’n plek waar dinge en mense sommer wegraak.

Die stories loop dik, en hoe dieper Jojo grawe, hoe meer besef sy iets is nie pluis nie.

Terwyl Jojo die geheim van ’n enkele oggend se gebeure ontrafel, dobber die geheime, wat vir langer as ’n honderd jaar op Crystal Crags verswyg is, geleidelik boontoe. Zaan staan skielik in die brandpunt. Hoe lank sal dit neem voor haar veilige blyplek ’n tronk word waaruit sy nie kan ontsnap nie?

Al drie die boeke is uitgegee deur LAPA Uitgewers, maar die skrywers skenk hulle uit eie sak.

Ek moet egter ook noem dat LAPA Uitgewers en die ATKV dit vir my moontlik maak om ’n ambassadeur van die Durbanville Kinderhuis te wees.

Kirstenbosch en Kogelberg

August 13, 2017 in Uncategorized

The beloved and I have interesting and varied jobs. We both work long hours and love what we do. We often spend time apart. And that is why those moments together are so precious.

*

Ek en die geliefde het albei wonderlike werke. Ons is baie dikwels nie bymekaar nie. Daarom is oomblikke saam so spesiaal.

Kirstenbosch

Op Vrouedag is ons Kirstenbosch toe.

On Women’s Day we walked in Kirstenbosch.

Kogelberg

This weekend we spent time in the Kogelberg Nature Reserve. We have booked this last year already.

Hierdie naweek was ons in die Kogelberg Natuurreservaat, dit het ons verlede jaar al bespreek.

Selfie

I always walk without shoes. Elma had to take hers off to cross a stream. She put them back on again.

Ek loop altyd sonder skoene. Elma moes hare uittrek om deur ‘n stroom te kom. Sy het hulle weer aangetrek.

The Odebosch Eco Cabins in the Kogelbergerg reserve.

Die Oudebosch Ekohuisies in die Kogelbergreservaat.

Our house. Luxury with a longdrop!

Ons huisie. Dis luukse met ‘n longdrop!

 

LAPA op die Vrystaat Kunstefees

July 15, 2017 in Uncategorized

Die Vrystaat Kunstefees groei elke jaar.

http://www.vrystaatkunstefees.co.za/

Besoek gerus die webwerf om meer te leer en gaan ondersteun die onderskeie kunstenaars.

Wat hier volg is ‘n baie klein seleksie, maar dit is skrywers wat ek bemark as deel van my werk by LAPA Uitgewers.

Klik op elke foto om dit groter te maak.

*

Ian Wessels en Dibi Breytenbach

17 Julie om 10:30

Wees bereid om te lag.

*

Chanette Paul, Martin Steyn en Dibi Breytenbach

17 Julie 13:30

Wees bang. Baie bang.

*

Wollie Wolmarans en Martin Steyn

17 Julie 16:30

Wollie het, onder andere, in die Oscar Pistorius-saak getuig.

*

Mike Nicol, Niq Mhlongo, Martin Steyn en Bettina Wyngaard

18 Julie 12:00

Yo! Eish! Eina? Die een skop! Moenie dit misloop nie!

*

HemelBesem gesels met Andries Bezuidenhout

18 Julie 15:00

Dit is hartsake, my bru.

*

Chantelle de Wet en Danie Marais

20 Julie 12:00

Chantelle de Wet en Danie Marais is albei ouers en albei is ewe aweregs. Lekker.

*

Thana Nel

21 Julie 11:00

Pret vir die hele gesin!

*

Koelsoem Kamalie en Flori Schrikker

21 Julie 13:30

Jy gaan eet en gaan lag en jy gaan meer lag.

*

Dina Botha & Sophia Kapp

22 Julie 12:00

Verwag vuurwerke en donderslae! Die twee weet van.

*

Riana Scheepers, Marietjie Koekemoer en Leonie Scholtz

22 Julie 13:30

Die weg na enige vriend se hart loop deur ’n bord goeie kos. Kom proe, kom luister!

*

Blokraaiers!

Moenie die een misloop nie! Klik op die foto vir al die datums.

*

Filmverse speel elke dag.

Doen moeite om dit te sien!