Watter taal praat mense in die hemel?

March 7, 2013 in Geen Kategorie

Is die hemel ‘n plek? Dit was ‘n Woordfeesgesprek vanoggend op RSG. Ek het, soos baie ander mense sekerlik vandag, aan Gerrit Brand gedink terwyl ek hierna luister. Hierdie soort gesprek, reken ek, sou reg in sy kraal gewees het. Spiritueel, filosofies – en soekend.

Ek het nie vir Gerrit Brand persoonlik baie goed geken nie, maar ek het sedert 2000 baie dikwels met hom te doen gehad. En hom leer ken uit die seminare wat hy vir LitNet gereël het, blogs wat hy geskryf het en opinies wat hy uitgespreek het. Iewers in die lente verlede jaar het ons koffie gedrink in die Wijnhuis en hy het verwys na sy gesondheid wat agteruitgaan. Maar wie sou kon raai dat dit alles so vinnig oor kan wees as mens 42 jaar oud is? As ‘n ma van jong kinders raak sy afsterwe my baie diep. Hy was self ‘n pa.

Die huldeblyke aan Gerrit Brand stroom in op LitNet. Lees dit soos wat dit inkom, want daar verskyn nog ‘n hele paar bydraes. Sommige is versoek, maar die meeste kom sommer net self daar aan. Dis of mense nie anders kán as om iets oor hom te wil sê nie. Alle mense. En vanuit alle oorde: die boekewêreld, die akademiese kringe, en die taalgroepe. Hy was een van daardie sonderlinge mense wat dit kon regkry om met alle mense oor die weg te kom al het hy nie met almal saamgestem nie.

‘n Opmerking in Christo van der Rheede se huldeblyk het my diep getref, waar hy hoop dat Gerrit Brand nou met Neville Alexander en Jakes Gerwel in die wandelgange van die hiernamaals gesels. Daar was iets so salig en vredevol aan hierdie opmerking.

Hulle is saam daar. Laat sy jong seuns probeer om hul hiermee te troos. Terwyl ons almal hier op aarde nog praat en redekawel en sukkel met alledaagse sleur en kieme. Rus in vrede, Gerrit Brand.

Oor my opskrif. Ek sou reken al die tale onder die son. Wat sê jy, Gerrit Brand?

Groete, NM

12 responses to Watter taal praat mense in die hemel?

  1. Ai, my hart is seer. Hy was so lief daarvoor om Leonard Cohen aan te haal. Kan ek hierdie huldeblyk maar hier aan hom plaas?

    You Have Loved Enough

    I said I’d be your lover.
    You laughed at what I said.
    I lost my job forever.
    I was counted with the dead.

    I swept the marble chambers,
    But you sent me down below.
    You kept me from believing
    Until you let me know:

    That I am not the one who loves –
    It’s love that seizes me.
    When hatred with his package comes,
    You forbid delivery.

    And when the hunger for your touch
    Rises from the hunger,
    You whisper, “You have loved enough,
    Now let me be the Lover.”

    I swept the marble chambers,
    But you sent me down below.
    You kept me from believing
    Until you let me know:

    That I am not the one who loves –
    It’s love that chooses me.
    When hatred with his package comes,
    You forbid delivery.

    – Leonard Cohen

  2. Hulle praat Hebreeus…

    Nee hulle praat Hemels

  3. R.I.P. ~ Gerrrit Brand … ” die wereld is ons woning nie ” ( ‘n Taal wat almal sal verstaan )

  4. Hy sal gemis word

  5. Gerrit Brand se kommentaar was altyd pitkos vir my. Ek het nie geweet hy was siek nie. Hemeltaal? Ek wonder of woorde nie dalk oorbodig sou wees in die Hemel nie?

  6. Ek hoop Afrikaans word ook darem gehoor.

  7. Ek het Gerrit nie geken nie, ek het wel een dalk twee keer verlede jaar op sy goed geantwoord.

    Aai… my hart is seer vir sy kinders. En my hart is seer vir die verlies van goeie redenasie…

    Ek stem saam met Zeppie… Hulle praat Hemels.

    Exionperfexi… jip…

    Innige meegevoel en simpatie aan sy geliefdes…

    Dis so hartseer. Oor 14 minute breek die dag aan waar my ma my 2 jaar gelede gebel het met “jou broer is dood”. En ure later, my skrywersvriendin.

    Die lewe is so onvoorspelbaar… Dankbaar vir die tye waarin ons mekaar selfs vir net ‘n oomblik kon verryk het, soos Gerrit, all be it met woorde, oor afstande heen.

  8. Ek is seker hulle praat telepatie glad :-)

  9. Dis baie hartseer. Ek het soveel gemis.

  10. Ek stem met hemels!

  11. Dave said on May 5, 2013

    Monica, as ons telepatie glad gaan praat daar, sal ons woorde mooi moet kies:-) Maar, daar sal natuurlik klanke wees want ons gaan musiek luister. Alle tale sal daar verstaanbaar wees want dit is in ‘n ander dimensie.

Leave a Reply