Die dood van die CAPTCHA (TOOTROM)

January 30, 2013 in Geen Kategorie

Die massa het gepraat en LitNet het geluister. Gistermiddag is die CAPTCHA-kode amptelik vermoor. Net om almal gerus te stel: dit was ‘n bloedlose dood en baie vinnig ook. Ek dink nie eens CAPTCHA het besef wat aangaan nie.

Ook maar goed so. As hy uitgevind het hoe ongewild hy hier op die LitNet-blogruimte begin raak het, het hy dalk sy eie lewe geneem.

Ek sien Wikipedia sit die akroniem van die CAPTCHA-kode so mooi uiteen dat mens sommer dadelik verstaan waarom dit daar is. Ekskuus, was.

Completely Automated Public Turing test to tell Computers and Humans Apart”

Gister lees ek ‘n webseminaarbydrae op LitNet en al die Afrikaanse rekenaarterme (hutsetiket! hetiket!) gee my toe hond se gedagtes.

By die dood van die CAPTCHA, laat ons hulde bring aan die TOOTROM: “Totaal Outomatiese Openbare Turingtoets om Rekenaars te Onderskei van Mense”.

Totsiens, TOOTROM. Rus in vrede.

Naomi M

Naskrif:

Wie het lus om die kode te tik? Toemaar, net ‘n grappie.

15 responses to Die dood van die CAPTCHA (TOOTROM)

  1. Hiep hiep!!

  2. Baie, baie dankie!

  3. Welgedaan. Nou kan ons iets nuuts kry om oor te neul. Dalk ‘n moontlike vloed gemorsposte wat bo-oor die oorle’ captcha se karkas gaan stormloop… (*flou grappie*)

  4. Nou moet Akismet net sy werk doen

    Nou gaan paar nog vra….ag hel wie is Akismet

    Klink soos ‘n suicide bomber…hahahaha

  5. Hurhah !

    Most litnetwordpressbloggers that spam and trash other bloggers’ commentaries without any apparent reason are computerized humanoids without emotional intellect anyway … and the CAPTCHA did not keep them away from this site .

    Wanneer skrap litnet die wordpress modereerfunksie, sodat ons weer die funksie terugkry om ons eie kommentare agterna te kan redigeer en spelfoute daarin te kan herstel, en wanneer sal ons weer instaat wees om ander se onwelkome kommentare te skrap eers NADAT dit outomaties geplaas is ? ? ?

  6. Snaaks dit het my nou nie so gepla nie, maar nogtans dankie.

  7. Die blognasie is dankbaar.

  8. Whooohooo!!! Dankie dankie dankie! :-)

  9. Hiep!hiep!van ‘n amper blinde anti-captcha antie!

  10. As ek mag vra hoe kan ek sien hoeveel mense lees my blogs? Dit was nogal altyd interresant gewees om dit te kon weet.

Leave a Reply