#24(j) Is die hand van Suid-Afrikaanse kritici te sag? (Malene Breytenbach)

Desember 3, 2010 in Sonder kategorie

Kritiek is nodig, maar dit moenie smoor nie. Dit is veel makliker om te kritiseer as te skep. By al die kunste is daar resensente/kritici wat hulle aanmatig om ander se werk te beoordeel. Soms sit hulle die stoel skoon mis. Ongenadige kritiek kan so kwetsend wees dat ’n mens oor jou eie vermoëns twyfel. Dit is nie bevorderlik vir skep nie. Kritiek ten opsigte van ons kuns is nie te sag nie. Soms is dit striemend. Hou net in gedagte dat dit onmoontlik is om uiteenlopende smake tevrede te stel.

Die kunste in Suid-Afrika voer ’n stryd om bestaan. Daar is nie meer kunsterade in die provinsies om dit te bevorder nie, daarom moet kunstefeeste gehou word. Slegs twee persent van die mense gaan na kunsuitstallings, maar die kunstenaars moet ’n lewe maak. Ons kan bly wees dat ons kuns nog vry is om uiteenlopende en soms vreemde produkte op te lewer – wat geniet of veroordeel kan word. Behoed ons van die dag wanneer die kunste gedienstig gemaak moet word aan die politiek. By daardie soort beoordelaars sal ons moeilik verbykom.

To comment, sign up here!

Click here to read more.

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.