Nuut in Walkerville

So paar jaar terug land ek in die hospitaal Toetse en toetse en niemand weet wat makeer ek nie . Die dokter gee die siekte n naam en ek gaan huistoe Ek is nou glo n parapleeg.

Nou ek hou nie daarvan om van ander afhanklik te wees nie en siende dat die dokter aanbeveel ek sien ‘n fisio begin ek saammet een werk Later ook ,n Biokenetikus

Ek vorder, die rystoel word geruil vir my trollie en die weer vir kurke

Ek loop later op my eie Ek dra net n stut

My voete en hande is maar lomp maar ek kom reg Vroulief gee hand waar ek nie kan nie.

Ek begin selfs bestuur maar stamp ‘n vrou wat oor die pad loop en ry in n hek vas

Die voete is lomp ,die hande ook en ek sien net halfpad met een oog.

Ek stop die fisio en biokenetikus want die medies betaal nie hiervoor nie en ek werk nie

Die voete word steeds beter en is min geswel maar steeds lomp en half lam

Stadig maar seker word ek die nuwe lomp ek gewoond

En dan val ek. Die sypaaadjie was nie gelyk nie en ek het nie gekonsentreer
nie. Dan gebeur dit 2 weke later weer. Ek kyk ‘n trappie ‘mis en moet deur die karwag gehelp word

Dan val ek in die kamer My voet het aan ‘n mat vasgehak.

Wat doen ek nou?

Ek weet ek loop min en word sleg
Ek kry myselfnie sover om by die gym aan te sluit nie

Ek gaan dit nie oorleef om weer bedlêend te wees of net met ‘nrolstoel oor die weg te kan kom nie