Profile photo of Vloei

by

Spore

April 15, 2011 in Sonder kategorie

Spikkelkat was naby ons vuur gewees. Ons het sy rasperstem vroeg die vorige nag gehoor. Die volgende oggend het sy spore in die rivierloop onder ons kampplek gele. In riviersand kan spore bedrieglik groot voorkom, maar hierdie een was regtig groot! Meeste van die tyd is dit al wat jy sal sien van luiperd se kind…. sy spore. Later die dag het ons op die groot spore afgekom. Seb het met ontsag sy voet binne-in die olifantspoor gesit en sy kop geskud. In Switserland is daar nie iets wat daarmee vergelyk kan word nie!

Spore vertel hulle eie storie maar dit vat ervaring om dit te kan lees en om die spoor te lees moet jy die omgewing ken. Dis onnosel om spore op sigwaarde te probeer uitle!

 

Hy’t diep spore getrap, sy het spoorloos verdwyn, iemand het die spoor byster geraak….en so kan ons aangaan. Afrikaans is vol idiomatiese uitdrukkings waarin die woord “spoor” voorkom. Hoe dan anders? Ons voorbestaan en oorlewing het tot ‘n groot mate daarvan afgehang. Ek se “het”, maar vandag is dit nog netso belangrik, net op ‘n ander manier.

 

Maar nou moet ek spore maak voor ek meer filosofies raak as wat ek wou!!

 

 

 

 

2 antwoorde op Spore

  1. TS het gesê op April 15, 2011

    my spore loop nou hier

  2. aa3cher het gesê op April 15, 2011

    Ek gaan so bietjie spoorsny….

Laat 'n Antwoord

Jou e-posadres sal nie gepubliseer word nie. Vereiste velde word aangedui as *.